पूणे: एनआयएने पुण्यात मोठी (NIA )कारवाई केली आहे. इसिसमध्ये तरुणांना भरती करण्याची जबाबदारी असलेला डॉक्टरला एनआयएच्या अधिकाऱ्यांनी पुण्याच्या कोंढवा परिसरातून अटक केली आहे. डॉ. अदनान अली असं या डॉक्टरचं नाव आहे. हा पुण्यातील कोंढवा परिसरात राहत होता. कोंढवा परिसरात ते भूलतज्ञ होते. तरुणांना इसिसची माहिती देऊन त्यांना इसिसच्या जाळ्यात अडकवण्याचं काम करत होता.
नेमका कोण आहे अदनान अली?
एनआयएने अटक केलेले अदनान अली सरकार हा मूळचा बोहरी मुस्लिम होता. त्याच्या वडीलांचे बोहरी आळीत नट बोल्टचे दुकान होते. मात्र अदनान अली सरकार याने डॉक्टर झाल्यानंतर सुन्नी पंथ स्वीकारला. त्यानंतर धार्मिक व्याख्याने देऊ लागला. काही धार्मिक पुस्तके त्याने लिहिली. एनआयएने याच प्रकरणात कोंढव्यातून अटक केलेला जुबेर नुर मोहम्मद शेख हा सरकार याच्या लहान भावाचा मेहूणा आहे.