'संजय राऊतांना एका महिलेपासून मूल आहे' संजय शिरसाटांचा गंभीर आरोप

  225

छत्रपती संभाजीनगर : ठाकरे गटाचे खासदार संजय राऊत हे नेहमीच अतर्क्य विधाने करत असतात. मात्र आता तर त्यांनी आक्षेपार्ह कृतीदेखील केली आहे. शुक्रवारी झालेल्या पत्रकार परिषदेत संजय शिरसाट व खासदार श्रीकांत शिंदे यांचं नाव ऐकताच राऊत पत्रकारांसमोर थुंकले होते. त्यामुळे शिंदे गट आक्रमक झाला असून कार्यकर्त्यांनी महाराष्ट्रात अनेक ठिकाणी संजय राऊतांविरोधात निदर्शने सुरु केली आहेत. त्यातच संजय शिरसाट यांनी राऊतांवर खळबळजनक आरोप केला आहे.


आज पत्रकार परिषदेत संजय शिरसाट यांनी संजय राऊतांवर जोरदार टीका केली. राऊतांना आता फक्त बोलून चालणार नाही, तर करून दाखवावे लागणार आहे, असे ते म्हणाले. संजय राऊतांना एका महिलेपासून मूल आहे आणि त्या महिलेला राऊतांनी अश्लील भाषेत शिवीगाळ केली होती, असा गंभीर आरोप संजय शिरसाटांनी यावेळी केला. संजय शिरसाट म्हणाले, ज्या महिलेला संजय राऊतांपासून मूल झाले आहे, त्या माऊलीचे नाव मी घेऊ इच्छित नाही. मात्र, हे प्रकरण जगजाहीर आहे. संजय राऊतांनी या महिलेला अश्लील शिवीगाळ केली होती. ती क्लीप सर्वत्र व्हायरल झाली आहे. माझ्याकडेही ती क्लीप आहे आणि हे प्रकरण लवकरच समोर आणणार आहे.



संजय राऊत हे गाडीखाली असलेल्या कुत्र्यासारखे


संजय शिरसाट म्हणाले, उद्धव ठाकरे व संजय राऊतांनीच बाळासाहेब ठाकरे यांच्या विचारांशी गद्दारी केली आहे. मविआ सरकार असताना अडीच वर्षे त्यांनी काहीच केले नाही. आम्ही ती चूक दुरुस्त केली तर आता टीका करण्याशिवाय त्यांच्याकडे दुसरे काहीच काम राहिलेले नाही. संजय राऊत हे गाडीखाली असलेल्या कुत्र्यासारखे आहेत. त्यांना वाटते गाडी आपणच चालवतो. पण, तसे नसते. संजय राऊत आता ठाकरे गट संपवण्याचं काम परफेक्टपणे करत आहेत. त्यांची भाषा अत्यंत खालच्या पातळीवरील आहे. त्यांनी एक तरी निवडणूक लढवली आहे का? येत्या निवडणुकीत महाराष्ट्रातील जनताच त्यांना योग्य उत्तर देईल.



पत्रा चाळींचे सर्वेक्षणही करणार


याशिवाय मंगळवारी मी पत्रा चाळींचे सर्वेक्षणही करणार आहे. संजय राऊतांनी नेमका काय पत्राचाळ घोटाळा केला आहे, हे मी जनतेसमोर आणणार आहे. या प्रकरणांचा तपास होऊन लवकरच संजय राऊत पुन्हा तुरुंगात जातील, असेही संजय शिरसाट यावेळी म्हणाले.

Comments
Add Comment

शेतीचा दर्जा दिल्याने मत्स्यव्यवसाय प्राधान्याचे क्षेत्र : मुख्यमंत्री देवेंद्र फडणवीस

अमरावती : मत्स्य व्यवसायाला चालना देण्यासाठी राज्य शासन विविध प्रयत्न करीत आहेत. यातील सर्वात महत्त्वाचा भाग

नितीन गडकरी यांच्या घराला बॉम्बने उडवण्याची धमकी; आरोपी ताब्यात

नागपूर:  केंद्रीय रस्ते वाहतूक मंत्री नितीन गडकरी यांच्या महाल येथील निर्मानाधीन निवासस्थान बॉम्बने उडवण्याची

मनोज जरांगे असलेल्या लिफ्टचा अपघात, लिफ्ट जमिनीवर कोसळली

बीड : मराठा नेते मनोज जरांगे पाटील ज्या लिफ्टमध्य होते त्या लिफ्टचा अपघात झाला. लिफ्ट जमिनीवर धाडकन कोसळली. मनोज

‘सरकारचा पैसा आहे, आपल्या बापाचं काय जातंय?’

अकोला : काही दिवसांपूर्वी वादग्रस्त वक्तव्य आणि हाती सिगारेट घेतलेला व्हिडीओ व्हायरल झाल्याने चर्चेत असलेल्या

MSBTE च्या विद्यार्थ्यांसाठी मोठी बातमी! निकाल रोखून ठेवलेल्या, अनुत्तीर्ण विद्यार्थ्यांना पुन्हा परीक्षा देण्याची संधी - लोढा

मुंबई: महाराष्ट्र राज्य तंत्रशिक्षण मंडळाच्या जुलै २०२५ या सत्रातील एक वर्ष कालावधी अभ्यासक्रमाच्या निकाल

श्री तुळजाभवानी मंदिरातील तलवार चोरीच्या बातम्या खोट्या, अफवांवर विश्वास ठेवू नका!

धाराशिव : श्री तुळजाभवानी मंदिरात सध्या जतन,संवर्धन व विविध विकासकामे मोठ्या प्रमाणावर सुरू असून,या अनुषंगाने