लंडन (वृत्तसंस्था) : आयसीसीने मंगळवारी २०२२चा सर्वोत्कृष्ट एकदिवसीय पुरुष संघ जाहीर केला आहे. आयसीसीच्या या ‘टीम ऑफ द ईयर’मध्ये भारताच्या श्रेयस अय्यर, मोहम्मद सिराज यांना संधी देण्यात आली आहे. पाकिस्तानच्या बाबर आझमकडे नेतृत्वाची धुरा सोपवण्यात आली आहे.
वर्ष २०२२च्या सर्वोत्कृष्ट एकदिवसीय संघाचे वैशिष्ट्य म्हणजे कोणत्याही देशाच्या दोनपेक्षा जास्त खेळाडूंचा संघात समावेश नाही. वर्षभरातील एकदिवसीय क्रिकेटमध्ये फलंदाजी, गोलंदाजी किंवा अष्टपैलू कामगिरीने प्रभावित करणाऱ्या खेळाडूंचा आयसीसीच्या या एकदिवसीय संघात समावेश करण्यात आला आहे. आंतरराष्ट्रीय क्रिकेट परिषदेने जाहीर केलेल्या वर्षातील सर्वोत्कृष्ट पुरुष एकदिवसीय संघात ऑस्ट्रेलिया, वेस्ट इंडिज, न्यूझीलंड आणि भारतातील प्रत्येकी २ खेळाडूंचा समावेश आहे. पाकिस्तान, बांगलादेश आणि झिम्बाब्वेच्या प्रत्येकी एका खेळाडूला स्थान मिळाले आहे.
बाबर आझम (पाकिस्तान), ट्रॅव्हिस हेड (ऑस्ट्रेलिया), शाई होप (वेस्ट इंडिज), श्रेयस अय्यर (भारत), टॉम लॅथम (यष्टीरक्षक, न्यूझीलंड), सिकंदर रझा (झिम्बाब्वे), मेहंदी हसन (बांगलादेश), अल्झारी जोसेफ (वेस्ट इंडिज), मोहम्मद सिराज (भारत), ट्रेंट बोल्ट (न्यूझीलंड), अॅडम झम्पा (ऑस्ट्रेलिया) असा आयसीसीचा २०२२चा सर्वोत्कृष्ट एकदिवसीय पुरुष संघ आहे.
मुंबई : कोणे एके काळी राष्ट्रपती पुरस्कार विजेता ठरलेला पोलीस अधिकारी आता जन्मठेपेची शिक्षा भोगणार…
पंचांग आज मिती चैत्र कृष्ण अष्टमी, शके १९४७. चंद्र नक्षत्र उत्तराषाढा, योग साध्व. चंद्र राशी…
मुंबई : उन्हाळ्याची तीव्रता वाढू लागली आहे. कडक सूर्यप्रकाशात घराबाहेर पडणे त्रासदायक वाटू लागले आहे.…
मुंबई : भारतीय क्रिकेट नियामक मंडळ अर्थात बीसीसीआयने ३४ क्रिकेटपटूंसोबतच्या कराराची घोषणा केली आहे. रोहित…
मुंबई : मोहम्मद अजमल कसाबसह दहा पाकिस्तानी अतिरेक्यांनी मुंबईत २६ नोव्हेंबर २००८ रोजी हल्ला केला.…
ऊन्हाळ्याच्या दिवसांत शरीराला हायड्रेट ठेवणं खूप महत्वाचं असते. ऊन्हाळ्याच्या दिवसांत खाण्यापिण्याच्या गोष्टींची विशेष काळजी घ्यावी…