कोकण रेल्वेच्या मार्गावर आणखी ३ स्पेशल ट्रेन

  82

खेड (प्रतिनिधी) : ख्रिसमससह नववर्षाच्या स्वागतासाठी मध्यरेल्वेच्या चार स्पेशल रेल्वेगाड्या शनिवारपासून कोकण रेल्वे मार्गावर धावू लागल्या आहेत. या पाठोपाठ पश्चिम रेल्वे प्रशासनाने आणखी ३ साप्ताहिक गाड्या जाहीर केल्या आहेत. सुरत-मडगावच्या दोन फेऱ्यांसह बांद्रा-करमळी स्पेशल गाडीचा समावेश आहे. २१ डिसेंबरपासून वसईमार्गे धावणाऱ्या तीनही गाड्यांचे आरक्षण १९ डिसेंबरपासून खुले झाले आहे.



ख्रिसमससह नववर्षाच्या स्वागतासाठी गोव्याच्या दिशेने जाणाऱ्या पर्यटकांमुळे कोकण मार्गावरून धावणाऱ्या नियमित गाड्यांसह जाहीर करण्यात आलेल्या स्पेशल गाड्यांना आतापासून गर्दी उसळत आहे. या गर्दीच्या पार्श्वभूमीवर कोरोना नियमांचे काटेकोर पालन करण्याच्या सूचनाही रेल्वे प्रशासनाकडून सातत्याने करण्यात येत आहेत. कोरोनाचे दोन डोस घेतलेल्या प्रवाशांना रेल्वेगाड्यांतून प्रवास करण्याची मुभा देण्यात आली आहे.



मध्यरेल्वेच्या दादर-थिविम, थिविम-पनवेल, पुणे-करमळी, करमळी-पनवेल या आरक्षित स्पेशल गाड्या शनिवारपासून धावत आहेत. ०९१९३/०९१९४ क्रमांकाची सुरत-मडगाव साप्ताहिक स्पेशल २१ ते २८ डिसेंबर याकालावधीत धावेल. सुरत येथून सायंकाळी ७.५० वाजता सुटून दुसऱ्या दिवशी दुपारी १२.३० वाजता मडगावला पोहोचेल. परतीच्या प्रवासात मडगाव येथून दुपारी १.४० वाजता सुटून दुसऱ्या दिवशी सकाळी ८.३५ वाजता सुरतला पोहचेल. १७ डब्यांच्या गाडीला कोकण मार्गावर पनवेल, रोहा, माणगाव, खेड, चिपळूण, संगमेश्वर, रत्नागिरी, राजापूर, वैभववाडी, कणकवली, सिंधुदुर्ग, कुडाळ, सावंतवाडी, थिविम, करमळी आदी ठिकाणी थांबे आहेत.



०९१८७/०९१८८ क्रमांकाची सुरत-मडगाव साप्ताहिक स्पेशल २२, २४ व २९ डिसेंबर या कालावधीत धावणार आहे. सुरत येथून सायंकाळी ७ वाजून ५० मिनिटांनी सुटून दुसऱ्या दिवशी दुपारी १२.३० वाजता मडगावला पोहोचेल. परतीच्या प्रवासात २३, २५, ३० डिसेंबर दरम्यान धावणारी साप्ताहिक स्पेशल मडगाव येथून दुपारी १ वाजून ४० मिनिटांनी सुटून दुसऱ्या दिवशी सकाळी ८ वाजून ३५ मिनिटांनी सुरतला पोहोचेल. या गाडीला १९ डबे जोडण्यात येणार आहेत.

Comments
Add Comment

बीडमध्ये लक्ष्मण हाकेंच्या गाडीवर दगडफेक, विजयसिंह पंडित यांचे कार्यकर्ते भिडले

बीड : गेवराई शहरातील छत्रपती शिवाजी महाराज चौकात ओबीसी नेते लक्ष्मण हाके आणि राष्ट्रवादी काँग्रेसचे (अजित पवार

गणेशोत्सवाच्या पार्श्वभूमीवर मध्यवर्ती पेठांमध्ये वाहतुकीची कोंडी

वाहतुकीचा वेग संथ झाल्याने अडचणी पुणे : गणेशोत्सवाला अवघे तीन दिवस शिल्लक राहिले असताना मंडई, शनिपार, तुळशीबाग

गणेशोत्सवासाठी प्लास्टिक फुलांची दुकाने सजली...!

फुलशेती कोमेजली, शासनाने प्लास्टिक फूल, हार विक्रीवर बंदी घालावी श्रीरामपूर : एकीकडे प्लास्टिक बंदीचा जागर सुरू

ST Employees Salary: बाप्पा पावले! एसटी कर्मचाऱ्यांना ऑगस्टचा पगार गणेशोत्सवापूर्वीच मिळणार

मुंबई: राज्य शासनाच्या इतर कर्मचाऱ्याप्रमाणे एसटीच्या सुमारे ८३ हजार कर्मचारी व अधिकाऱ्यांचे ऑगस्ट महिन्याचा

अंतरवाली सराटीमधून 27 ऑगस्टला मुंबईसाठी निघणार, जरांगे पाटील यांचा सरकारला इशारा

मराठा आरक्षण चळवळीचे नेते मनोज जरांगे पाटील यांनी २९ ऑगस्टला सकाळी १० वाजल्यापासून मुंबईच्या आझाद मैदानावर

Atharv Sudame controversy: गणेशोत्सवापूर्वी व्हायरल झालेल्या 'त्या' रीलमुळे पुण्याचा कंटेंट क्रिएटर अथर्व सुदामे अडचणीत! मागितली माफी

पुणे: लोकप्रिय सोशल मीडिया इन्फ्ल्युएन्सर अथर्व सुदामेच्या पुणेरी रील्सचे अनेक चाहते आहेत. सुदामेने त्याच्या