Nashik FDA Raid : नाशिकमध्ये अन्न व औषध प्रशासनाकडून मोठी कारवाई करण्यात आली आहे. सणासुदीच्या काळात अन्नपदार्थांच्या भेसळीला आळा घालण्यासाठी अन्न व औषध प्रशासनाने सुरू केलेल्या विशेष मोहिमेत शहरात ३९७.६० किलो संशयास्पद तुपाचा साठा जप्त करण्यात आला आहे. एवढ्या मोठ्या प्रमाणात तुपाचा साठा जप्त करण्यात आल्याने शहरात खळबळ उडाली आहे.
या साठ्याची किंमत तब्बल २ लाख ७५ हजार ८१२ रुपये आहे. ही कारवाई रविवार पेठेतील एका ठिकाणी करण्यात आली. अन्न व औषध प्रशासनाच्या पथकाने सोमवारी (दि. १०) रविवार पेठेतील संजय भागचंद बरूड यांच्या ठिकाणी तपासणी केली. या वेळी अन्न परवाना नसताना विविध ब्रँडचे तूप विक्रीसाठी साठवून ठेवल्याचे आढळून आले. (Nashik FDA Raid)
मुंबई : आर्थिक फायद्यासाठी अन्न, पेये आणि मद्यामध्ये भेसळ करून लोकांच्या जीवाशी खेळणाऱ्यांवर कठोर कारवाई झाली पाहिजे, अशी मागणी ज्येष्ठ अभिनेते राकेश ...
397 किलो संशयास्पद तूप जप्त
तूप कमी दर्जाचे असल्याच्या संशयावरून 'एफडीए'ने कारवाई करून केएमपी कृष्णा काऊ तूप, माधुली काऊ तूप, श्रीमायी काऊ तूप या तीन ब्रँड्सचा एकूण ३९७.६०० किलो साठा (किंमत रु. २ लाख ७५ हजार ८१२) जप्त केला आहे. याचे नमुने विश्लेषणासाठी प्रयोगशाळेत पाठवण्यात आले असून, अहवाल प्राप्त झाल्यानंतर पुढील कायदेशीर कारवाई केली जाईल. (Nashik FDA Raid)
Jalgaon Crime : राजस्थानमध्ये पाठविलेल्या मालाचे ७ लाख रुपये मिळत नसल्याने एका तरुण उद्योजकाने आपली जीवनयात्रा संपवली आहे. योगेश एकनाथ नेमाडे (वय ३५, रा. ईश्वर ...
नांदगाव तालुक्यात १९६ लिटर दूध नष्ट
ग्रामीण भागात राबवलेल्या मोहिमेअंतर्गत ७ऑगस्ट रोजी नांदगाव तालुक्यातील अनकवाडे येथील दूध विक्रेते चंद्रकांत गरुड यांच्याकडे तपासणी करण्यात आली. तेथे विनानोंदणी व्यवसाय सुरू असल्याचे आणि अत्यंत अस्वच्छ वातावरणात दूध साठवल्याचे आढळले. हे दूध मानकांपेक्षा कमी दर्जाचे असल्याचे प्रथमदर्शनी स्पष्ट झाल्याने गाईच्या दुधाचे नमुने घेऊन उर्वरित १९६ लिटर दुधाचा साठा जागीच नष्ट करण्यात आला.
