Nashik : नाशिकच्या निफाड तालुक्यातील देवगाव या छोट्याशा गावातून सुरू झालेला सर्वेश कुशारेचा प्रवास आज जगभर गाजत आहे. भुसा भरलेल्या गादीवर उंच उडीचा सराव करणाऱ्या सर्वेश कुशारेने (Sarvesh Kushare) राष्ट्रकुल क्रीडा स्पर्धेत भारताला ऐतिहासिक रौप्यपदक मिळवून देत नवा इतिहास रचला आहे. ग्लासगो (Glasgow) येथे झालेल्या राष्ट्रकुल स्पर्धेत सर्वेशने तब्बल २.२५ मीटर उंच झेप घेत भारताच्या खात्यात उंच उडीतील पहिलेच रौप्यपदक (Silver medal) जमा केले. त्यामुळे सर्वेशचे नाव भारतीय ॲथलेटिक्सच्या इतिहासात सुवर्णाक्षरांनी कोरले गेले आहे.
Nashik Simhastha Kumbh Mela : नाशिक-त्र्यंबकेश्वर सिंहस्थ कुंभमेळा २०२७ च्या तयारीला आता वेग आला आहे. रस्ते, घाट, वाहतूक, विमानतळ, रेल्वे, स्वयंसेवक आणि गर्दी व्यवस्थापन ...
संधीचं केलं सोनं
सर्वेशच्या या यशामागे त्याची जिद्द आणि कठोर परिश्रम करण्याची तयारी कारणीभूत आहे. नाशिकच्या निफाड (Niphad) तालुक्यातील देवगाव येथील श्री. डी. आर. भोसले माध्यमिक व उच्च माध्यमिक विद्यालयाचा सर्वेश हा माजी विद्यार्थी. सर्वेशचे वडील अनिल कुशारे हे शेतकरी. आपल्या मुलाने सिव्हिल इंजिनियर व्हावे, अशी त्यांची इच्छा. परंतु, सर्वेशला मात्र उंच उडी या क्रीडा प्रकाराने आकर्षित केले होते. नाशिक विभागीय शालेय क्रीडा स्पर्धेत उंच उडीत (High jump) सर्वेशने तृतीय क्रमांक मिळवल्यावर क्रीडा प्रशिक्षक रावसाहेब जाधव हे त्याच्या कामगिरीने प्रभावित झाले. त्यांनी २०१० पासून सर्वेशकडे विशेष लक्ष देण्यास सुरुवात केली.
Nashik : प्रधानमंत्री नरेंद्र मोदी (PM Narendra Modi) यांनी रविवारी ( दि.२६) ‘मन की बात’ कार्यक्रमात नाशिक जिल्ह्यात राबविण्यात येत असलेल्या जलसंवर्धन उपक्रमांची दखल ...
भुसा भरलेल्या गादीपासून, रौप्यपदकापर्यंत
गावात आवश्यक सुविधा नसल्याने मक्याचा भुसा, जुने कपडे आणि कापूस वापरून त्यांनी गावठी गादी तयार केली आणि त्याच गादीवर सर्वेशच्या यशाची पायाभरणी झाली. २०१६ मध्ये भारतीय सैन्यात दाखल झाल्यानंतर पुण्यातील आर्मी स्पोर्ट्स इन्स्टिट्यूटमध्ये त्याने आधुनिक प्रशिक्षण घेतले. त्यानंतर दक्षिण आशियाई स्पर्धेतील सुवर्णपदक, आशियाई ॲथलेटिक्समधील रौप्यपदक, जागतिक स्पर्धेतील सहभाग, पॅरिस ऑलिम्पिकसाठी पात्रता अशा अनेक टप्प्यांवर सर्वेशने सातत्याने भारताचा झेंडा उंचावला.
Nashik Crime News : नाशिक जिल्ह्यातील सिन्नर तालुक्यातील जायगांव येथील डॉ मोहन पुरी यांच्या शिवनाथ आयुर्वेद प्रॉडक्ट कंपनी (Shivnath Ayurveda Products Company) नावाच्या औषध निर्मिती ...
सर्वेश कुशारेची प्रेरणादायी झेप
मागील वर्षी टोकियो येथे झालेल्या जागतिक स्पर्धेत २.२८ मीटरची वैयक्तिक सर्वोत्तम कामगिरी करत अंतिम फेरीत सहावे स्थान मिळवणारा तो पहिला भारतीय ठरला. यंदा भुवनेश्वर येथे राष्ट्रीय आंतरराज्य स्पर्धेत २.३१ मीटर उंच उडी मारत त्याने तेजस्वीन शंकरचा राष्ट्रीय विक्रमही मोडला आणि भारताचा अव्वल उंचउडीपटू म्हणून स्वतःची ओळख अधिक भक्कम केली. इतकेच नाही, तर मोनॅको डायमंड लीगमध्ये (Monaco Diamond League) कांस्यपदक जिंकत या प्रतिष्ठेच्या स्पर्धेत पदक मिळवणारा पहिला भारतीय उंचउडीपटू आणि एकूण चौथा भारतीय खेळाडू ठरण्याचा मानही सर्वेशने पटकावला.
दरम्यान, राष्ट्रकुल स्पर्धेत सुवर्णपदकाची अपेक्षा होती. मात्र तेथील वातावरणाचा परिणाम झाल्याचे प्रशिक्षक रावसाहेब जाधव यांनी सांगितले. तरीही सर्वेशची पुढची नजर आता २.३५ मीटर उंचीचा नवा टप्पा गाठण्यावर आहे. भुसा भरलेल्या गादीवर सुरू झालेला सराव आणि आज आंतरराष्ट्रीय व्यासपीठावर भारताचा तिरंगा उंचावणारा सर्वेश कुशारेची ही कहाणी प्रत्येक तरुणासाठी प्रेरणादायी ठरत आहे.
