मुंबई : ईशान्य मुंबईचे खासदार संजय दीना पाटील यांनी प्रसारमाध्यमांच्या प्रतिनिधींना धमकी दिल्याचा आणि जाहीरपणे शिवीगाळ केल्याचा प्रकार समोर आल्यानंतर राज्यभरातून तीव्र प्रतिक्रिया उमटू लागल्या आहेत. त्यामुळे मुख्यमंत्री देवेंद्र फडणवीस(devendra fandvis) यांनी या प्रकरणाची गंभीर दखल घेत, "महायुतीमध्ये लोकशाहीच्या चौथ्या स्तंभाबाबत अशी बेजबाबदार आणि शिवराळ भाषा अजिबात खपवून घेतली जाणार नाही. संबंधित खासदारांना तातडीने आणि कडक शब्दांत योग्य समज देण्यात यावी, अन्यथा त्यांना कायदेशीर कारवाईला सामोरे जावे लागेल," अशी नाराजी शिवसेनेचे मुख्य नेते तथा उपमुख्यमंत्री एकनाथ शिंदे(eknath shinde) यांना बोलून दाखवली आहे.
शिवसेना महिला सेनेकडून मुंबई पोलीस आयुक्तांना निवेदन, कारवाई न झाल्यास तीव्र आंदोलनाचा इशारा मुंबई, दि. २५ जून २०२६ : खासदार संजय राऊत (Sanjay Raut) यांच्या ...
गुरुवारी ३ वाजता राज्य मंत्रिमंडळाची बैठक पार पडल्यानंतर मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यात या प्रकरणाबाबत तातडीची बैठक पार पडली. सूत्रांकडून मिळालेल्या माहितीनुसार, मुख्यमंत्री देवेंद्र फडणवीस यांनी या बंद दाराआड झालेल्या बैठकीत खासदार संजय दीना पाटील यांच्या विधानाचा अत्यंत कठोर शब्दांत निषेध केला. "गेल्या काही महिन्यांत शिवसेनेतील नेत्यांकडून सातत्याने जाहीरपणे वादग्रस्त विधाने केली जात आहेत. मात्र, पत्रकारांना पोलिसांसमोर जाहीरपणे धमकावणे आणि शिवीगाळ करणे ही महाराष्ट्राच्या राजकीय संस्कृतीला काळीमा फासणारी घटना आहे," अशा शब्दांत मुख्यमंत्र्यांनी आपली नाराजी व्यक्त केली.
- १०८ वर्षांचा वारसा असलेल्या आय.ई.एस. (IES) संस्थेला मुंबईत खाजगी कौशल्य विद्यापीठ सुरू करण्यास मंजुरी. - राज्यातील आयटीआयच्या कायापालटासाठी ₹४,००० ...
"महायुतीची प्रतिमा अशा विधानांमुळे मलिन होत असून यापुढे अशा प्रकारची दादागिरी आणि वक्तव्ये खपवून घेतली जाणार नाहीत. खासदार पाटील यांना तातडीने समज द्या, अन्यथा गृह खाते म्हणून त्यांच्यावर कारवाई करावी लागेल," असा स्पष्ट इशारा फडणवीस यांनी दिल्याचे समजते.
