Ashok Kharat : नाशिकमधील अशोक खरात हा राज्यात काय तर देशात चर्चेत आहे. अशोक खरात सध्या कोठडीत असून त्याची चौकशी सुरु आहे. पण अशोक खरातही बाहेरही होता असं म्हटल्यावर तुमचा विश्वास बसणार नाही ! नावही तेच अन कामही. शिर्डी पोलिसांनी आणखी एका अशोक खरात नावाच्या भोंदूला अटक करून मोठी कारवाई केली आहे. आंतरजातीय प्रेमविवाह निर्विघ्न पार पडावा आणि विवाहानंतर जोडप्यावर नातेवाईकांनी केलेली करणी दूर करावी, असे आमिष दाखवत या भोंदूने एका जोडप्याकडून तब्बल ५१ हजार रुपये उकळल्याचा धक्कादायक प्रकार समोर आला आहे.
कोपरगाव तालुक्यातील सोनेवाडी येथील भोंदू अशोक संपत खरात आणि राहाता तालुक्यातील सावळीविहीर येथील माया विठ्ठल कुसळकर अशी गुन्हा दाखल झालेल्या आरोपींचे नावे आहेत. याप्रकरणी सांगली जिल्ह्यातील पलूस येथील अभिजित निकम या तरुणाने शिर्डी पोलीस ठाण्यात लेखी तक्रार दिली आहे.
Nashik News : गेल्या काही महिन्यांत नाशिकमध्ये अनेक रिक्षाचालक अरेरावी करत असल्याच्या तक्रारी समोर आल्या आहेत. पण याच रिक्षाचालकांच्या अरेरावीची ...
नेमकं प्रकरण काय ?
सांगली जिल्ह्यातील अभिजित निकम याचे एका तरुणीसोबत प्रेमसंबंध होते. दोघांचे लग्न देखील झाले होते. मात्र हा विवाह तरुणीच्या घरच्यांना मान्य नव्हता. त्यामुळे तिच्या पालकांनी भोंदू अशोक खरात याच्याशी संपर्क साधला. नोव्हेंबर 2025 मध्ये खरात आणि माया कुसळकर यांनी अभिजित व त्याच्या सासरच्यांची भेट घेतली. आमच्यात दैवी शक्ती आहे. तुमचा आंतरजातीय विवाह टिकवायचा असेल तर पूजा करावी लागेल, नाहीतर लग्न टिकणार नाही, अशी भीती घातली. यासाठी लग्नाआधी आणि लग्नानंतर गोदावरी नदीपात्रात अमावस्येला आंघोळ घालण्याचे ठरवून प्रत्येक पूजेचे 3 हजार रुपये घेतले.
माहितीनुसार, डिसेंबर 2025 मध्ये या भोंदू अशोक खरातने अभिजितला "तुझ्या चुलत्याने तुझ्यावर करणी केली आहे. त्यामुळे कुटुंबाचे वाईट होईल" अशी नवीन भीती दाखवली. 6 डिसेंबर 2025 रोजी सावळीविहीर येथील माया कुसळकर हिच्या घरी पूजा मांडण्यात आली. या पूजेदरम्यान माया कुसळकर हिने केस मोकळे सोडून अंगात देवी आल्याचे ढोंग केले. तर अशोक खरात मंत्रोच्चार करत असल्याचे भासवले. पूजेच्या नावाखाली त्यांनी ऑनलाइन आणि रोख स्वरूपात 36 हजार 744 रुपये उकळले.
Nashik Simhastha Kumbh Mela 2027 : पुढील वर्षी नाशिक त्र्यंबकेश्वरमध्ये होणाऱ्या सिंहस्थ कुंभमेळ्याच्या पूर्वतयारीच्या दृष्टीने राज्य सरकारने एक अत्यंत महत्त्वाचा ...
तुझ्या पत्नीवर करणी
भोंदू अशोक खरातच्या सांगण्याप्रमाणे पुढे अमावस्येचे पैसे न दिल्याने तुझ्या पत्नीवर करणी झाली आहे, असे सांगून त्यांनी पत्नीला माहेरी बोलावून घेतले. 24 एप्रिल 2026 रोजी ती माहेरी निघून गेली. त्यानंतर पत्नी पुन्हा नांदायला येण्यासाठी आणि तिच्यावरची करणी काढण्यासाठी 14 जून 2026 रोजी पुन्हा 21 हजार रुपयांची मागणी करण्यात आली. अभिजितने असमर्थता दर्शविल्यावर 8 हजारात सौदा ठरला.
शेवटी पर्दाफाश झालाच
आपली भोंदुगिरीतून फसवणूक होत असल्याचे लक्षात आल्यावर अभिजितने 14 जून 2026 रोजी सावळीविहीर येथे जाऊन आधी पूजेचे नाटक केले. तिथे पुन्हा माया कुसळकर हिने अंगात देवी आल्याचे ढोंग करून पुढील अमावस्येला अजून एक पूजा करावी लागेल, असे सांगितले. आपली पूर्णपणे फसवणूक झाल्याची खात्री पटताच अभिजितने थेट शिर्डी पोलीस ठाणे गाठून तक्रार दिली.नोव्हेंबर 2025 ते 14 जून 2026 या कालावधीत भोंदू अशोक खरात आणि साथीदार माया विठ्ठल कुसळकर या आरोपींनी संगनमत करून एकूण 51 हजार ,744 रुपयांची फसवणूक केली आहे. याप्रकरणी शिर्डी पोलिसांनी दोन्ही आरोपींविरुद्ध गुन्हा दाखल केला आहे.
Nashik : राज्यात अद्याप तरी पावसाचे प्रमाण अपुरे आहे. त्यामुळे राज्यात पाणीटंचाई निर्माण झाली आहे. पाणीटंचाईच्या पार्श्वभूमीवर, ३१ ऑगस्टपर्यंत ...
अभिजित निकम यांच्या फिर्यादीवरून शिर्डी पोलिस ठाण्यात अशोक खरात आणि त्याच्या साथीदाराविरोधात महाराष्ट्र नरबळी व इतर अमानुष, अनिष्ट आणि अघोरी प्रथा व जादूटोणा प्रतिबंधक कायद्यानुसार गुन्हा दाखल करण्यात आला आहे. या भोंदूने अशाच प्रकारे आणखी किती नागरिकांची फसवणूक केली आहे, याचा शोध पोलिस घेत आहेत. आर्थिक लाभासाठी अंधश्रद्धेचा आधार घेत लोकांना गंडा घालणाऱ्या या प्रकरणाचा शिर्डी पोलीस सखोल तपास करत आहेत.
