Nashik News : नाशिकचा आणखी एक भामटा ज्योतिषी समोर, ‘ज्योतिषा’चे थेट दुबई कनेक्शन ?

Nashik News : नाशिक पोलिसांच्या रडारवर सध्या एक नाव चर्चेत आहे ते म्हणजे सचिन देशमुख! स्वतःला ज्योतिषी म्हणवणारा, हनुमान भक्त असल्याचा दावा करणारा हा व्यक्ती आता एका मोठ्या आर्थिक घोटाळ्यामुळे पोलिसांना हवा आहे. कारण, श्रद्धा आणि भविष्याच्या नावाखाली त्याने शेकडो लोकांना कोट्यवधींचा गंडा घातल्याचा आरोप आहे. (Nashik Crime News)

Nashik : अखेर नाशिकच्या 'त्या' सहा कोटींच्या रस्त्याच्या कामाला सुरुवात, उद्योजकांसह कामगारांना दिलासा

Nashik : अंबड औद्योगिक वसाहतीत जाणारा मुख्य रस्ता तसेच परिसरातील अंतर्गत रस्त्यांच्या काँक्रिटीकरणासाठी मंजूर झालेल्या सुमारे सहा कोटी रुपयांच्या ...

नाशिकमध्ये अंजनीय ज्योतिष नावाने कार्यालय

नाशिकमधील शरणपूर रोड (Sharanpur Road) परिसरात ‘अंजनीय ज्योतिष’ नावाने कार्यालय चालवणाऱ्या सचिन देशमुखने (Sachin Deshmukh) लोकांचा विश्वास जिंकला. भविष्य सांगण्याच्या माध्यमातून त्याने अनेकांना शेअर मार्केटमध्ये (Share Market) मोठ्या परताव्याचं आमिष दाखवलं. विश्वास इतका बसला की तब्बल 321 जणांनी कोट्यवधी रुपयांची गुंतवणूक त्याच्या माध्यमातून केली.

ही रक्कम काही लाखांत नव्हती तर ती थेट 36 कोटी 32 लाख रुपये होती. मात्र धक्कादायक बाब म्हणजे, ही रक्कम शेअर मार्केटमध्ये गुंतवलीच गेली नाही. उलट हा पैसा हडप करण्यात आल्याचं सायबर पोलिसांच्या (Cyber ​​police) तपासात समोर आलं आहे. या प्रकरणाचा पहिला संशय एका किराणा दुकानदाराला आला. देशमुखने त्यालाही शेअर मार्केटमध्ये गुंतवणूक करण्यास भाग पाडत तब्बल 73 लाख रुपयांची फसवणूक केल्याचा आरोप आहे. संशय आल्यावर दुकानदाराने सायबर पोलीस ठाण्यात (Cyber ​​Police Station) धाव घेतली आणि त्यानंतर या संपूर्ण घोटाळ्याचा पर्दाफाश झाला.

Nashik : नाशिकमध्ये अवैध देशी दारू विक्रेत्यांवर पोलिसांचा दणका; तीन आरोपी जेरबंद

Nashik : नाशिक शहरात अवैध देशी दारू विक्री करणाऱ्यांविरोधात गुन्हेशाखा युनिट-२ ने (Crime Branch Unit-2) विशेष मोहीम राबवत मोठी कारवाई केली आहे. या कारवाईत तीन आरोपींना ...

सचिन देशमुख विरोधात लूकआऊट नोटीस

धक्कादायक म्हणजे, तक्रारींचा आकडा वाढतच गेला. आतापर्यंत 329 जणांच्या तक्रारी पोलिसांकडे दाखल झाल्या असून, फसवणुकीची व्याप्ती दिवसेंदिवस वाढताना दिसत आहे. दरम्यान, पैसे घेऊन सचिन देशमुख फरार झाला असून तो दुबईत लपल्याचा पोलिसांना संशय आहे. त्याच्या विरोधात लूकआऊट नोटीस (Lookout notice) जारी करण्यात आली असून सायबर पोलीस त्याच्या मागावर आहेत.

श्रद्धा, ज्योतिष आणि मोठ्या नफ्याचं आमिष या तिन्ही गोष्टींचा वापर करून लोकांना जाळ्यात ओढल्याचा आरोप असलेल्या या प्रकरणामुळे नाशिकमध्ये मोठी खळबळ उडाली आहे.