Maharashtra Assembly’s Monsoon Session : पावसाळी अधिवेशनाआधी विधान परिषदेच्या १७ जागा भरणार?

निवडणूक आयोगाकडून हालचालींना वेग; स्थानिक स्वराज्य संस्थांमधील मतदारांची अट पूर्ण झाल्याने मार्ग मोकळा

मुंबई : राज्यातील स्थानिक स्वराज्य संस्थांच्या निवडणुकांचा निकाल लागल्यानंतर आता विधान परिषदेच्या रिक्त जागांसाठीच्या राजकीय हालचालींना वेग आला आहे. स्थानिक स्वराज्य संस्था मतदारसंघातून निवडून येणाऱ्या विधान परिषदेच्या १७ रिक्त जागांसाठी पुढील आठवड्यात निवडणूक प्रक्रिया जाहीर होण्याची दाट शक्यता आहे. पावसाळी अधिवेशनापूर्वी या निवडणुका पार पडल्यास वरिष्ठ सभागृहातील राजकीय समीकरणे पूर्णपणे बदलण्याची चिन्हे आहेत.

Himanta Biswa Sarma : आसाममध्ये भाजपची ‘हिस्टोरिक व्हिक्टरी ’; हिमंता बिस्व सरमा यांच्या नेतृत्वाचे उपमुख्यमंत्री एकनाथ शिंदेंकडून कौतुक

शपथविधी सोहळ्याला उपस्थित राहण्यासाठी शिंदे गुवाहाटीमध्ये दाखल गुवाहाटी : महाराष्ट्र राज्याचे उपमुख्यमंत्री एकनाथ शिंदे यांनी आसाममधील भाजपच्या ...

राज्यात स्थानिक स्वराज्य संस्थांच्या निवडणुका लांबणीवर पडल्यामुळे अनेक मतदारसंघांतील विधान परिषद सदस्यांचा कार्यकाळ संपूनही निवडणुका घेता आल्या नव्हत्या. नियमानुसार, संबंधित मतदारसंघात किमान ७५ टक्के मतदार (नगरसेवक, जिल्हा परिषद सदस्य इ.) उपलब्ध असणे आवश्यक असते. आता निवडणुका पार पडल्याने ही कायदेशीर अट पूर्ण झाली असून, निवडणूक आयोगाकडून लवकरच अधिकृत कार्यक्रम जाहीर केला जाण्याची चिन्हे आहेत.

• पुणे, ठाणे, नाशिक, नागपूर
• अहिल्यानगर, सोलापूर, जळगाव, पुणे
• सांगली-सातारा, नांदेड, यवतमाळ, भंडारा-गोंदिया
• रायगड-रत्नागिरी-सिंधुदुर्ग, वर्धा-चंद्रपूर-गडचिरोली
• परभणी-हिंगोली, अमरावती, धाराशिव-लातूर-बीड आणि छत्रपती संभाजीनगर-जालना.

NCP's new executive committee : राष्ट्रवादीच्या नव्या कार्यकारिणीतून प्रफुल्ल पटेल, तटकरे, भुजबळांचे नाव गायब?

मुंबई : राष्ट्रवादी काँग्रेसच्या राष्ट्रीय अध्यक्ष पदाची जबाबदारी स्वीकारताच उपमुख्यमंत्री सुनेत्रा पवारांनी केंद्रीय निवडणूक आयोगाला ...

विधान परिषदेच्या एकूण ७८ सदस्यांपैकी २२ सदस्य स्थानिक स्वराज्य संस्था मतदारसंघातून येतात. सध्या त्यातील १७ जागा रिक्त आहेत. या १७ जागांच्या निकालाचा थेट परिणाम विधान परिषदेतील पक्षीय बलाबलावर होणार आहे. स्थानिक स्वराज्य संस्थांमध्ये ज्या पक्षाचे वर्चस्व राहिले आहे, त्यांना या निवडणुकीत मोठा फायदा होण्याची शक्यता आहे. पावसाळी अधिवेशनापूर्वी नवे सदस्य निवडून आल्यास सभागृहात आपली ताकद वाढवण्यासाठी सत्ताधारी आणि विरोधक या दोन्ही बाजूंनी आतापासूनच मोर्चेबांधणी सुरू केली आहे. दरम्यान, अनेक दिग्गज नेते आणि इच्छुकांनी आतापासूनच पक्षश्रेष्ठीं घरच्या वाऱ्या सुरू केल्या असून, काही मतदारसंघांत उमेदवारीवरून अंतर्गत चुरस निर्माण झाली आहे.