मुंबई : बलात्कार, महिलांचे लैंगिक शोषण, महिलांची फसवणूक अशा गंभीर आरोपांमध्ये भोंदू बाबा आणि स्वयंघोषीत कॅप्टन अशोक खरात याला अटक झाली आहे. अशोक खरातसोबत राज्य महिला आयोगाच्या अध्यक्ष रुपाली चाकणकर यांचे व्हिडीओ आणि फोटो समोर आले आहेत. अशोक खरातचे पाय धुतानाचे तसेच त्याच्या सोबत कार्यक्रमस्थळी वावरत असतानाचे रुपाली चाकणकर यांचे फोटो आणि व्हिडीओ व्हायरल होत आहेत. हे व्हायरल होत असताना चाकणकरांनी राज्याच्या पोलीस महासंचालकांची भेट घेतली आहे. यानंतर मुख्यमंत्री देवेंद्र फडणवीस यांनी रुपाली चाकणकर यांना महिला आयोगाच्या अध्यक्षपदाचा राजीनामा देण्याचा आदेश दिला आहे.
पोलिसांनी संपूर्ण प्रकरणाची निःपक्षपाती चौकशी करावी अशी मागणी रुपाली चाकणकर यांनी केली आहे. तर पोलीस कारवाई निःपक्षपाती व्हावी यासाठी रुपाली चाकणकर यांनी राज्य महिला आयोगाच्या अध्यक्षपदाचा ताबडतोब राजीनामा द्यावा, असे आदेश मुख्यमंत्र्यांनी दिले आहेत. मुख्यमंत्र्यांच्या आदेशामुळे रुपाली चाकणकर यांच्या अडचणीत वाढ झाल्याची चर्चा आहे.
मुंबई : नाशिकचा भोंदू बाबा अशोक खरात ऊर्फ 'कॅप्टन' याच्या अघोरी कृत्यांचे आणि लैंगिक शोषणाचे धक्कादायक वास्तव समोर आल्यानंतर, राज्य महिला आयोगाच्या ...
राजकारण्यांना स्वप्न दाखवणाऱ्या तथाकथित ज्योतिषी आणि अंकशास्त्रज्ञ अशोक खरात याला बलात्काराच्या गंभीर आरोपात अटक करण्यात आली आहे. स्वत:कडे दैवी शक्ती असल्याचा दावा करणाऱ्या भोंदू अशोक खरातचे एकूण ५८ धक्कादायक व्हिडीओ समोर आले आहेत. महिलांना प्रसाद म्हणून गुंगी येणारे औषध खाऊ घालून नंतर त्यांच्यावर अत्याचार केल्याचे खरातचे व्हिडीओ समोर आले आहेत. अशोक खरात स्वतःच्या कार्यालयातच धक्कादायक वर्तन करत होता. हा भयंकर प्रकार सुरू असताना खरातच्या नकळत त्याच्या ऑफिस बॉयने अर्थात नीरज जाधवने सीसीटीव्ही कॅमेऱ्याच्या मदतीने ५८ व्हिडीओ रेकॉर्ड केले होते. दुष्कृत्य करूनही खरात समाजात 'साधू' म्हणून वावरत असल्याचे पाहून नीरजच्या मनात पैशांची हाव निर्माण झाली. नीरज जाधवने खरातला ब्लॅकमेल करण्यास सुरुवात केली. नीरज आणि त्याच्या काही साथीदारांनी या वादग्रस्त क्लिप्सच्या बदल्यात खरातकडे पाच कोटी रुपयांची खंडणी मागितली. खरातने पैसे देण्यास नकार दिला. यानंतर नीरज अनपेक्षित अशी कृती केली. भोंदू बाबा खरातने ज्या महिलांचे शोषण केले त्यातल्याच एका महिलेला फोटो आणि व्हिडीओ पाठवून पैसे मागितले. या महिलेला जवळच्या नातलगांनी पोलिसांत तक्रार देण्याचा सल्ला दिला आणि संपूर्ण प्रकरणाला नवे वळण मिळाले. पोलिसांनी अशोक खरातला बलात्काराच्या आरोपात तर नीरजला खंडणीच्या आरोपात अटक केले.
तथाकथित ज्योतिषी आणि अंकशास्त्रज्ञ अशोक खरात याची कोट्यवधींची संपत्ती आहे. या संपत्तीची प्राथमिक माहिती पोलिसांच्या हाती आली असून चौकशी सुरू आहे. एका ज्योतिषाकडे एवढी अफाट संपत्ती असल्याचे बघून पोलीसचही चकीत झाले आहेत. नाशिक आणि अहिल्यानगर जिल्ह्यात खरातने अफाट माया उभी केली आहे. या पैशांचे स्रोत शोधण्याचे काम पोलीस करत आहेत.
