Holiday : मुंबईत दहीहंडी ऐवजी रक्षाबंधनला मिळणार शासकीय सुट्टी

मुंबई : यंदा मुंबई शहर आणि मुंबई उपनगर जिल्ह्यात दहीहंडी ऐवजी रक्षाबंधनच्या दिवशी शासकीय सुट्टी मिळणार आहे. या संदर्भात शासकीय परिपत्रक काढण्यात आले आहे. या वर्षी रक्षाबंधन हा सण शुक्रवार २८ ऑगस्ट २०२६ रोजी आहे तर गोपाळकाला अर्थात दहीहंडी हा सण शनिवार ५ सप्टेंबर २०२६ रोजी आहे. या पार्श्वभूमीवर शासकीय यंत्रणेला दहीहंडी ऐवजी रक्षाबंधनला सुट्टी देण्याचा निर्णय शासकीय पातळीवर झाला आहे. हा आदेश मुंबई शहर आणि मुंबई उपनगर जिल्ह्यातील राज्य शासकीय आणि निमशासकीय कार्यालयांना लागू राहणार आहे. सुट्टीतील बदलाचा फायदा शासकीय सेवेत असलेल्या आणि रक्षाबंधन हा सण उत्साहात साजरा करू इच्छिणाऱ्यांना होणार आहे.