नवी दिल्ली : माजी भारतीय क्रिकेटपटू शिखर धवनने दुसऱ्यांदा लग्न केले. आयर्लंडच्या सोफी शाइनसोबत शिखर धवनने लग्न केले. सोफी प्रॉडक्ट कन्सल्टंट क्षेत्रात करिअर करत आहे.
शिखर आणि सोफी यांचा साखरपुडा याच वर्षी १२ जानेवारी रोजी झाला आणि जेमतेम दीड महिन्यात त्यांनी लग्न केले. सोशल मीडियाच्या विविध प्लॅटफॉर्मवर शिखर धवन आणि सोफी शाइन यांच्या विवाह सोहळ्याचे फोटो आणि व्हिडीओ व्हायरल होत आहेत.
शिखर धवन आणि त्याची पहिली पत्नी आयशा मुखर्जी यांचा ऑक्टोबर २०२३ मध्ये घटस्फोट झाला. याआधी २०११ मध्ये त्यांचे लग्न झाले होते. तब्बल ११ वर्षांनंतर त्यांनी विवाहबंधनातून मुक्त होण्याचा निर्णय घेतला. घटस्फोट झाल्यानंतर काही काळाने शिखर धवन सोफीच्या प्रेमात पडला. मागील काही काळापासून ते रिलेशनशिपमध्ये होते.
सोफी शाइन मूळची सोफी मूळची आयर्लंडची आहे. ती प्रॉडक्ट कन्सल्टंट क्षेत्रात करिअर करत आहे. तिने लाइमरिक इन्स्टिट्यूट ऑफ टेक्नॉलॉजीमधून पदवी घेतली आहे. कॅसलरॉय कॉलेजमधून मार्केटिंग आणि मॅनेजमेंटचे शिक्षण घेतले आहे. ‘नॉर्दर्न ट्रस्ट कॉर्पोरेशन’मध्ये सेकंड व्हाइस प्रेसिडेंट म्हणून तिने काम केले आहे. काही दिवसांपूर्वीच सोफीने शिखर धवनसोबतच्या त्यांच्या हळदी समारंभाचे फोटो शेअर करून चाहत्यांना सुखद धक्का दिला होता. नंतर १२ जानेवारी रोजी शिखर आणि सोफी यांचा साखरपुडा झाला आणि आता त्यांचे लग्न झाले आहे.
Shikhar Dhawan and Sophie Shine got married today. Heartiest congratulations to Shikhar Dhawan on his wedding.❤️ Very happy for Gabbar he truly deserves this happiness, and it’s wonderful to see him finding it again. pic.twitter.com/Gn6TELrRbz
— 𝐑𝐮𝐬𝐡𝐢𝐢𝐢⁴⁵ (@rushiii_12) February 21, 2026
