पंजाब : पंजाबच्या लुधियानामधील जगरांव येथे शुक्रवारी (३१ ऑक्टोबर) एक धक्कादायक घटना घडली आहे. येथे तेजपाल सिंग (Tejpal Singh) नावाच्या २६ वर्षीय कबड्डीपटूवर (Kabaddi Player) दिवसाढवळ्या गोळ्या घालून त्यांची हत्या करण्यात आली. हे हत्याकांड जगरांव येथील हरी सिंह रुग्णालय रोडवर घडून आले. विशेष म्हणजे, ही घटना एसएसपी ऑफिसच्या (SSP Office) अगदी २०० मीटर अंतरावर घडल्यामुळे कायदा-सुव्यवस्थेवर गंभीर प्रश्नचिन्ह निर्माण झाले आहे. या घटनेमुळे परिसरात मोठी खळबळ उडाली असून, पोलीस तपास सुरू आहे.
जुन्या वादातून कबड्डीपटू तेजपाल सिंगची गोळ्या झाडून हत्या
मिळालेल्या माहितीनुसार, तेजपाल सिंग हे आपल्या दोन मित्रांसोबत हरि सिंह रोडवर असलेल्या एका कंपनीजवळून जात असताना, जुन्या वादातून त्यांच्यावर गोळ्या झाडण्यात आल्या. तेजपाल आणि समोरच्या गटात सुरुवातीला वाद झाला, जो नंतर विकोपाला गेला. याच वेळी, समोरच्या गटातील एका व्यक्तीने तेजपालच्या छातीवर पिस्तूल धरून गोळीबार केला. गोळी लागल्याने गंभीर जखमी झालेल्या तेजपाल यांना तातडीने रुग्णालयात दाखल करण्यात आले. मात्र, डॉक्टरांनी त्यांना मृत घोषित केले. ही माहिती मिळताच स्थानिक पोलिसांनी घटनास्थळी धाव घेतली असून, या घटनेमागील कारण आणि आरोपींचा शोध घेण्यासाठी तपास सुरू आहे.
मुंबई : बॉलिवूडचे दिग्गज आणि ज्येष्ठ अभिनेते धर्मेंद्र (Dharmendra) यांची प्रकृती अचानक बिघडल्याची माहिती समोर आली आहे. त्यांना तातडीने उपचारांसाठी ...
पार्किंगमध्ये कार धडकल्याने वाद विकोपाला
कबड्डीपटू तेजपाल सिंग (Tejpal Singh) यांच्या हत्येनंतर पोलिसांनी आरोपींना पकडण्यासाठी तातडीने छापेमारी सुरू केली आहे. पोलिसांच्या माहितीनुसार, हल्लेखोर हा जगरांव गावाजवळील रुमी या गावातील रहिवासी आहे. हल्लेखोर दोन वाहनांमध्ये बसून घटनास्थळी आले होते, असे बोलले जात आहे. कबड्डीपटू तेजपाल सिंग आपल्या कारमध्ये बसून जात असताना, पार्किंगमध्ये तेजपाल यांची कार आणि आरोपीच्या वाहनाला धडकली. या धडकेनंतर त्यांच्यात वाद चालू झाला, जो नंतर गोळीबारापर्यंत पोहोचला. हल्लेखोराचा शोध घेण्यासाठी पोलीस घटनास्थळाच्या आसपास असणारे सीसीटीव्ही फुटेज (CCTV Footage) तपासत आहेत, जेणेकरून आरोपींचा माग काढता येईल.
'२० मिनिटे मारले अन्...
तेजपाल यांची कार समोरच्या कारला धडकल्यानंतर, दोन कारमधून एकूण सात ते आठ तरुण बाहेर आले. त्यांनी कबड्डीपटू तेजपाल यांना मारण्यास सुरुवात केली. धक्कादायक बाब म्हणजे, हे तरुण साधारण वीस मिनिटे कबड्डीपटूला मारहाण करत होते. त्यानंतर, यातीलच एका तरुणाने पिस्तूल काढून तेजपाल यांच्यावर गोळ्या झाडल्या. गोळीबारानंतर हल्लेखोर घटनेच्या ठिकाणाहून पळून गेले. मृत कबड्डीपटू तेजपाल हे जिल्हा स्तरीय सामने खेळलेले आहेत. पोलिसांनी दिलेल्या माहितीनुसार, आरोपींची ओळख पटली असून, त्यांचा शोध चालू आहे.
