मुंबई : राष्ट्रवादी काँग्रेस शरद पवार गटाच्या खासदार सुप्रिया सुळे (Supriya Sule) यांच्या गाडीचा पुणे-मुंबई महामार्गावर अपघात झाल्याची माहिती समोर आली आहे. सुदैवाने या अपघातात कोणतीही जीवितहानी झाली नसून सुप्रिया सुळे आणि त्यांच्या वाहनातील सर्वजण सुरक्षित असल्याचे सांगण्यात आले आहे.

मिळालेल्या माहितीनुसार, पुण्यावरून मुंबईकडे जात असताना महामार्गावर एका भरधाव वाहनाने निष्काळजीपणे गाडी चालवत सुप्रिया सुळे यांच्या वाहनाला धडक दिली. अचानक झालेल्या या अपघातामुळे काही काळ परिसरात गोंधळाचे वातावरण निर्माण झाले होते. मात्र, सुदैवाने कोणालाही गंभीर दुखापत झाली नाही.

https://prahaar.in/2026/05/10/ipl-2026-gt-vs-rr-gujarat-jumps-to-second-place-in-points-table-after-win-against-rajasthan/

या घटनेनंतर स्वतः सुप्रिया सुळे यांनी सोशल मीडियावर पोस्ट करत अपघाताची माहिती दिली. त्यांनी संबंधित वाहनाचा क्रमांकही जाहीर केला. “जीजे 13 सीएफ 5257 या क्रमांकाच्या वाहनचालकाने अतिवेगाने आणि निष्काळजीपणे वाहन चालवत आमच्या गाडीला बाजूने धडक दिली. सुदैवाने सर्वजण सुरक्षित आहोत. सीट बेल्ट लावला असल्यामुळे मोठा अनर्थ टळला,” असे त्यांनी आपल्या पोस्टमध्ये म्हटले आहे.

While travelling from Pune to Mumbai today, I had an awful experience on the highway when vehicle GJ13CF5257 rammed into my car from the side due to reckless driving. Thankfully, everyone is safe.

Incidents like these are a serious reminder that overspeeding and negligence on… pic.twitter.com/WrOGsNzqLX

— Supriya Sule (@supriya_sule) May 9, 2026

या अपघातानंतर महामार्गांवरील वाढत्या बेदरकार वाहनचालकांबाबत पुन्हा चिंता व्यक्त केली जात आहे. अतिवेग, वाहतूक नियमांचे उल्लंघन आणि निष्काळजी वाहनचालना यामुळे रोज अनेक अपघात घडत असल्याचे वास्तव पुन्हा समोर आले आहे.

https://prahaar.in/2026/05/10/mim-corporator-in-trouble-in-nida-khan-case-municipal-corporation-warns-of-bulldozer-on-matin-patels-house-and-office/

सुप्रिया सुळे यांनी यावेळी नागरिकांना वाहतूक नियमांचे काटेकोर पालन करण्याचे आवाहन केले. “वाहन चालवताना सतर्क राहा, सीट बेल्टचा वापर करा आणि स्वतःच्या तसेच इतरांच्या जीवाची काळजी घ्या. रस्ते सुरक्षित ठेवणे ही प्रत्येकाची सामूहिक जबाबदारी आहे,” असेही त्यांनी नमूद केले. या घटनेनंतर पोलिसांकडून संबंधित वाहनचालकाचा शोध घेण्याची प्रक्रिया सुरू करण्यात आल्याची माहिती सूत्रांकडून मिळत आहे.