मुंबई : मेट्रो ‘२ अ’ आणि ‘७’ ही मेट्रोसेवा (Mumbai Metro) सुरू झाल्यापासून वर्षभराच्या आतच या स्थानकांच्या बांधकामाच्या गुणवत्तेवर प्रश्नचिन्ह निर्माण झाले आहे. बुधवारी मंडपेश्वर मेट्रो स्थानकाबाहेरील काचेचे पॅनल कोसळून एका रिक्षाचे नुकसान झाले. त्यानंतर मुंबई महानगर प्रदेश विकास प्राधिकरणाने सर्व मेट्रो स्थानकांचे ऑडिट करण्याचा निर्णय घेतला आहे.
मेट्रो ‘२ अ’ च्या एकूण १७ स्थानकांपैकी ३ स्थानकांवर दर्शनी भागात असलेल्या काचेच्या फलकांचा वापर करण्यात आला आहे. या दुर्घटनेनंतर ज्या स्थानकाच्या दर्शनी भागात काचेचे पॅनल वापरण्यात आले आहेत, त्या ३ स्थानकांचे ऑडिट करण्यात येणार आहे. १० दिवसांच्या आत ऑडिट पूर्ण होण्याची शक्यता आहे. आढावा घेऊन इतर ठिकाणी कार्यवाही केली जाईल.
दरम्यान, आयसी कॉलनी मेट्रो स्थानकाच्या दर्शनी भागातील काचेचे पॅनल काढून टाकण्यात येत आहेत. हा सर्व खर्च कंत्राटदारामार्फत करण्यात येत आहे, अशी माहिती एमएमआरडीएने दिली.
Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra