नवी दिल्ली : नेस्ले, पेप्सिको आणि कोका-कोलासारख्या मोठ्या खाद्य कंपन्यांविरोधात भारतीय अन्न सुरक्षा आणि मानक प्राधिकरणाने (FSSAI) कारवाईचा बडगा उगारला आहे. गेल्या काही महिन्यांत FSSAIने खाद्य कंपन्यांविरोधात मोठी मोहीम राबवत १५० हून अधिक नोटिसा बजावल्या आहेत. कथित भ्रामक जाहिराती, चुकीचे दावे आणि लेबलिंग नियमांचे उल्लंघन केल्याप्रकरणी ही कारवाई करण्यात आली आहे. (FSSAI Action)
FSSAIने शनिवारी आपल्या कारवाईची माहिती देताना अनेक मोठ्या कंपन्यांचा उल्लेख केला. त्यामुळे आता खाद्यपदार्थांच्या पॅकेटवरील माहिती, लेबलिंग तसेच जाहिरातींमधून केले जाणारे दावे यावर नियामकाची नजर अधिक कडक झाली आहे. ग्राहकांपर्यंत अचूक आणि नियमांनुसार माहिती पोहोचवणे हा या कारवाईचा मुख्य उद्देश असल्याचे सांगण्यात आले आहे. (FSSAI Action)
नवी दिल्ली : बंगालच्या उपसागरात शनिवारी पनामा ध्वज असलेले मालवाहू जहाज बुडाल्याची धक्कादायक घटना घडली. हे जहाज ओडिशातील पारादीप किनाऱ्यापासून ...
मोठ्या खाद्य कंपन्यांना नोटिसा :
FSSAIच्या कारवाईच्या कक्षेत Nestle India, PepsiCo, Abbott India, Red Bull India, Danone India, Monster Energy India, Hell Energy, Mondelez India, Coca-Cola India, Diageo, Pernod Ricard, Ferrero India आणि Kenvue Inc. यांसह अनेक कंपन्यांचा समावेश आहे. भ्रामक जाहिराती, चुकीचे दावे आणि लेबलिंगशी संबंधित नियमांचे कथित उल्लंघन केल्याप्रकरणी या कंपन्यांना नोटिसा देण्यात आल्या आहेत. कारवाईदरम्यान काही कंपन्यांची उत्पादने जप्त करण्यात आल्याची माहितीही FSSAIने दिली आहे. काही प्रकरणांमध्ये परवान्यांवरही कारवाई करण्यात आली आहे. मात्र, नोटीस बजावण्यात आल्याचा अर्थ संबंधित कंपनीवरील आरोप अंतिमतः सिद्ध झाले आहेत, असा होत नाही. संबंधित कंपन्यांना नियमानुसार आपले म्हणणे मांडण्याची आणि आवश्यक सुधारात्मक उपाययोजना करण्याची संधी दिली जाते. (FSSAI Action)
Amazon आणि Flipkartही FSSAIच्या रडारवर :
FSSAIची कारवाई केवळ खाद्य उत्पादने तयार करणाऱ्या कंपन्यांपुरती मर्यादित राहिलेली नाही. ऑनलाइन खाद्यपदार्थ विक्री करणाऱ्या ई-कॉमर्स कंपन्यांवरही कारवाई करण्यात आली आहे. Amazon आणि Flipkartसह ई-कॉमर्स कंपन्यांना १२ नोटिसा बजावण्यात आल्या आहेत. कारवाईनंतर Amazonच्या एका वेअरहाऊसचा परवानाही रद्द करण्यात आल्याची माहिती समोर आली आहे. त्यामुळे ऑनलाइन माध्यमातून खाद्यपदार्थांची विक्री करतानाही अन्न सुरक्षा आणि लेबलिंगच्या नियमांचे पालन करणे कंपन्यांसाठी महत्त्वाचे ठरणार आहे. (FSSAI Action)
मुंबई : महाराष्ट्रात मागील काही दिवसांपासून पावसाने चांगलीच विश्रांती घेतली आहे. राज्यातील अनेक भागांत अपेक्षित जोरदार पाऊस झालेला नसून, काही ठिकाणी ...
KFC ते Domino’s; रेस्टॉरंट चेनलाही नोटिसा :
FSSAIने फूड सर्व्हिस क्षेत्रातील कंपन्यांवरही कारवाई केली आहे. KFC, McDonald’s, Pizza Hut, Domino’s आणि Costa Coffee यांसारख्या मोठ्या फूड ब्रँड्सना ३० हून अधिक नोटिसा देण्यात आल्या आहेत. याशिवाय Domino’sचे पाच परवाने निलंबित करण्यात आल्याची माहिती FSSAIने दिली आहे. त्यामुळे FSSAIची तपासणी केवळ पॅकेटबंद खाद्यपदार्थांपुरती मर्यादित नसून रेस्टॉरंटमध्ये ग्राहकांना दिल्या जाणाऱ्या खाद्यपदार्थांपर्यंत पोहोचल्याचे स्पष्ट झाले आहे. (FSSAI Action)
कंपन्यांकडून सुधारात्मक उपाय सुरू :
FSSAIच्या म्हणण्यानुसार, नोटिसा मिळाल्यानंतर अनेक कंपन्यांनी आवश्यक सुधारात्मक उपाय सुरू केले आहेत. खाद्य सुरक्षा, जाहिरात आणि लेबलिंगशी संबंधित नियमांचे काटेकोर पालन व्हावे, यासाठी ही कारवाई आणि तपासणी मोहीम सुरू ठेवण्यात येणार आहे. ग्राहकांना खाद्यपदार्थांबाबत अचूक माहिती मिळावी आणि कंपन्यांनी जाहिराती तसेच उत्पादनांच्या लेबलवर कोणतेही दिशाभूल करणारे दावे करू नयेत, यासाठी FSSAIचा हा कठोर पवित्रा महत्त्वाचा मानला जात आहे. (FSSAI Action)
