Maharashtra Weather Alert : ऐन पावसाळ्यात महाराष्ट्राच्या हवामानात मोठा बदल; पुढील काही दिवस पावसाला ब्रेक?

मुंबई : ऐन पावसाळ्यात महाराष्ट्राच्या हवामानात पुन्हा मोठा बदल पाहायला मिळत आहे. गेल्या काही दिवसांत राज्यातील विविध भागांत पावसाच्या सरी बरसल्या असल्या तरी आता पावसाचा जोर काहीसा कमी झाला आहे. भारतीय हवामान विभागाच्या (IMD) ताज्या अंदाजानुसार, १८ ते २१ ऑगस्टदरम्यान महाराष्ट्रातील बहुतांश विभागांसाठी कोणताही इशारा जारी करण्यात आलेला नाही. (Maharashtra Weather Alert)

कोकणात पावसाला विश्रांती :

मुंबईसह पालघर, ठाणे, रायगड, रत्नागिरी आणि सिंधुदुर्ग या कोकणातील जिल्ह्यांमध्ये सध्या मोठ्या पावसाचा इशारा नाही. काही ठिकाणी हलक्या सरी पडण्याची शक्यता असली तरी बहुतांश भागात हवामान तुलनेने कोरडे राहण्याचा अंदाज आहे. (Maharashtra Weather Alert)

उत्तर महाराष्ट्रातही कोरडे हवामान :

धुळे, नंदुरबार, जळगाव, नाशिक तसेच घाटमाथ्याच्या परिसरात पावसाचा जोर कमी झाला आहे. काही ठिकाणी दमट वातावरण राहण्याची शक्यता असून, मोठ्या पावसाची शक्यता सध्या कमी आहे. (Maharashtra Weather Alert)

पुणे, सातारा, कोल्हापूरसह पश्चिम महाराष्ट्रातही ब्रेक :

पुणे, अहिल्यानगर, कोल्हापूर, सातारा, सांगली आणि सोलापूर या भागांमध्येही सध्या कोणताही हवामान इशारा नाही. घाटमाथ्यावर मागील काही दिवसांत झालेल्या पावसानंतर आता पावसाचा जोर कमी होण्याची शक्यता आहे. पुण्यात हलक्या पावसाची शक्यता असली तरी तापमानात वाढ होण्याचा अंदाज आहे. (Maharashtra Weather Alert)

मराठवाड्यात शेतकऱ्यांची चिंता कायम :

छत्रपती संभाजीनगर, जालना, परभणी, बीड, हिंगोली, नांदेड आणि लातूर या जिल्ह्यांमध्ये अपेक्षित पाऊस न झाल्याने अनेक भागांत पावसाची तूट कायम आहे. त्यामुळे पावसाच्या प्रतीक्षेत असलेल्या शेतकऱ्यांच्या चिंतेत भर पडली आहे. IMDच्या ताज्या उपविभागीय अंदाजानुसार १८ ते २४ ऑगस्टदरम्यान मराठवाड्यासाठी कोणताही इशारा नाही. (Maharashtra Weather Alert)

विदर्भातही सध्या मोठा अलर्ट नाही :

अकोला, अमरावती, बुलढाणा, चंद्रपूर, गडचिरोली, गोंदिया, नागपूर आणि वर्धा या भागांतही सध्या कोणताही इशारा नाही. मात्र, IMDच्या अंदाजानुसार विदर्भात १७-१८ ऑगस्टनंतर २१ ते २३ ऑगस्टदरम्यान पुन्हा पावसाची शक्यता आहे. (Maharashtra Weather Alert)

राज्यात पावसाचा जोर कमी; पुढे काय?

एकूणच, महाराष्ट्रातील बहुतांश भागात सध्या पावसाचा जोर कमी झाला आहे. मात्र, याचा अर्थ संपूर्ण राज्यात पाऊस पूर्णपणे थांबणार असा नाही. स्थानिक पातळीवर हलक्या ते मध्यम सरी पडण्याची शक्यता कायम आहे. त्यामुळे नागरिकांनी आणि शेतकऱ्यांनी स्थानिक हवामानाचा अंदाज पाहूनच नियोजन करणे महत्त्वाचे आहे. (Maharashtra Weather Alert)

विशेष म्हणजे, IMDच्या १८ ऑगस्टच्या ताज्या अंदाजानुसार मध्य महाराष्ट्र, मराठवाडा आणि विदर्भासाठी १८ ते २१ ऑगस्टदरम्यान कोणताही इशारा नाही. त्यामुळे सध्या राज्यात मोठ्या पावसापेक्षा पावसाच्या विश्रांतीचे चित्र अधिक स्पष्ट आहे. (Maharashtra Weather Alert)