मुंबई : कालच्या घटनेनंतर जखमी आणि मृतांची संख्या अद्ययावत करण्यात आली आहे. 13 ऑगस्ट 2026 रोजी दुपारी 1.15 वाजता मिळालेल्या ताज्या माहितीनुसार, मृतांचा आकडा ८ वर पोहोचला असून एकूण ७ जण जखमी आहेत. राजावाडी रुग्णालयाचे AMO डॉ. हनुमंत यांच्याकडून मिळालेल्या माहितीनुसार, सद्दाम वझीर अली खान (वय 28 वर्षे) यांना रुग्णालयात आणण्यात आले होते. मात्र, डॉक्टरांनी त्यांना ‘Brought dead’ म्हणजेच रुग्णालयात दाखल करण्यापूर्वीच मृत घोषित केले. यामुळे कालपर्यंत समोर आलेल्या ७ मृतांच्या संख्येत आणखी एका मृताची भर पडली असून, एकूण मृतांचा आकडा ८ झाला आहे.
मुंबई : कुर्ल्यातील चिराग नगर परिसरातील गौशिया चाळीजवळ मध्यरात्रीच्या सुमारास झालेल्या भूस्खलनाच्या दुर्घटनेत 6 जणांचा मृत्यू झाला आहे. या घटनेची ...
७ जणांवर उपचार सुरू
ताज्या माहितीनुसार, या घटनेत एकूण ७ जण जखमी झाले असून त्यांच्यावर संबंधित रुग्णालयांमध्ये उपचार सुरू आहेत. उपलब्ध माहितीनुसार, जखमींची प्रकृती सध्या स्थिर असल्याचे सांगण्यात आले आहे. काल मिळालेल्या माहितीनुसार, कुर्ला येथील भाभा रुग्णालयात सोहेल अन्सारी (18), मोहम्मद अन्सारी (14), नईमुद्दीन इक्बाल खान (28) आणि साजिद अन्सारी (16) असे चार जखमी दाखल होते. सोहेल अन्सारी यांच्या डोक्याला दुखापत झाली होती, तर इतर तिघांची प्रकृती स्थिर असल्याची माहिती देण्यात आली होती. राजावाडी रुग्णालयातही तीन जखमींवर उपचार सुरू होते. त्यामध्ये फराना दिलबर खान (28), दिलबर अमनुल्ला खान (38) आणि शमीन मुस्लिम खान (26) यांचा समावेश होता.
मुंबई : कुर्ला येथील भाभा रुग्णालय आणि राजावाडी रुग्णालयात दाखल करण्यात आलेल्या जखमी आणि मृतांची प्राथमिक माहिती समोर आली आहे. संबंधित ...
मृतांची संख्या ८
कालच्या प्राथमिक माहितीनुसार राजावाडी रुग्णालयात ७ जणांना मृत घोषित करण्यात आले होते. आता सद्दाम वझीर अली खान (28) यांच्या मृत्यूची नोंद झाल्याने मृतांचा आकडा ८ झाला आहे. दरम्यान, प्रशासनाकडून मृत आणि जखमींच्या संख्येबाबत पुढील अधिकृत माहिती मिळण्याची प्रतीक्षा आहे. तपास आणि वैद्यकीय प्रक्रियेनुसार आकडेवारीत आणखी बदल होण्याची शक्यता आहे.
ताजे अपडेट : ८ जणांचा मृत्यू | ७ जखमी | १३ ऑगस्ट २०२६, दुपारी १.१५ वाजेपर्यंतची माहिती.