नवी दिल्ली : उद्या म्हणजेच मंगळवारी ११ ऑगस्ट २०२६ रोजी देशातील १७ राज्यांमध्ये पावसाची शक्यता असल्याचा अंदाज हवामान खात्याने वर्तविला आहे. उत्तराखंड, हिमाचल प्रदेश, दिल्ली-एनसीआर, उत्तर प्रदेश, बिहार, राजस्थान, मध्य प्रदेश, छत्तीसगड, अरुणाचल प्रदेश, आसाम, मेघालय, नागालँड, मणिपूर, मिझोराम, त्रिपुरा, कर्नाटक, लक्षद्वीप आणि केरळ या राज्यांमध्ये पावसाची शक्यता आहे.
नवी दिल्ली : १५ ऑगस्ट रोजी होणाऱ्या स्वातंत्र्यदिनाच्या सोहळ्याच्या पार्श्वभूमीवर दिल्ली पोलिसांनी रविवारी लाल किल्ल्यावर केलेल्या मनुष्यबळ आणि ...
दिल्ली-एनसीआरसाठी मंगळवारी पावसाचा यलो अलर्ट आहे. संपूर्ण दिल्ली-एनसीआरमध्ये शनिवार १५ ऑगस्ट पर्यंत ढगाळ वातावरण राहील. या काळात राज्यात हलक्या ते मध्यम सरींची शक्यता आहे. मंगळवारी दिल्ली-एनसीआरमध्ये कमाल तापमान ३३ अंश सेल्सिअस आणि किमान तापमान २४ अंश सेल्सिअस राहण्याची शक्यता आहे. दिवसभरात अधूनमधून पावसाच्या सरींची शक्यता हवामान खात्याने वर्तविली आहे.
नवी दिल्ली : भारताच्या स्वदेशी लढाऊ विमान तेजस Mk1Aच्या उत्पादनाला अमेरिकन GE F404 इंजिनांच्या विलंबामुळे अडथळे निर्माण होत असताना, भारताने स्वदेशी ...
मध्य प्रदेशातील आगर-मालवा, भोपाळ, देवास, इंदूर, मंदसौर, रायसेन, राजगढ, रतलाम, सीहोर, शाजापूर, उज्जैन आणि छोटापूर येथे जोरदार वारे वाहण्याची तसेच विजांच्या कडकडाटासह पावसाची शक्यता हवामान खात्याने वर्तविली आहे. तसेच उत्तर प्रदेशमधील अनेक जिल्ह्यांमध्ये मंगळवारी पावसाची शक्यता हवामान खात्याने वर्तविली आहे. हवामान खात्याच्या अंदाजानुसार पूर्व उत्तर प्रदेशात तुरळक ठिकाणी मुसळधार पावसाची शक्यता आहे. तसेच पश्चिम उत्तर प्रदेशातही तुरळक ठिकाणी मुसळधार पावसाची शक्यता आहे. बिहारच्या अनेक जिल्ह्यांसाठीही हवामान खात्याने पावसाचा अंदाज वर्तविला आहे.
पंतप्रधान नरेंद्र मोदी यांनी कॉमनवेल्थ गेम्स 2026 मध्ये भारताचे प्रतिनिधित्व करणाऱ्या खेळाडूंची भेट घेत त्यांचे अभिनंदन केले. यावेळी भारतीय बॉक्सर ...
उत्तर प्रदेश, पूर्व राजस्थान, मध्य प्रदेश, छत्तीसगड, बिहार, अरुणाचल प्रदेश, आसाम, मेघालय, नागालँड, मणिपूर, मिझोराम आणि त्रिपुरा या राज्यांमध्ये मुसळधार पावसाची शक्यता हवामान खात्याने वर्तविली आहे. उत्तराखंड, हिमाचल प्रदेश, केरळ, लक्षद्वीप आणि कर्नाटकमध्ये अतिवृष्टीची शक्यता हवामान खात्याने वर्तविली आहे.