मुंबई : बृहन्मुंबई महानगरपालिकेच्या (BMC) माटुंगा येथील एफ-नॉर्थ (F-North) वॉर्ड कार्यालयाबाहेर दोन कंत्राटदारांमध्ये चाकूने एकमेकांवर प्राणघातक हल्ला केल्याची धक्कादायक घटना घडली आहे. नागरी कामाच्या टेंडरच्या वादातून ही हिंसक चकमक झाल्याचा संशय व्यक्त केला जात आहे. या संपूर्ण घटनेचा थरारक व्हिडिओ सोशल मीडियावर प्रचंड व्हायरल झाला असून, महापालिका कार्यालयांच्या सुरक्षेबाबत गंभीर प्रश्न उपस्थित झाले आहेत.
शाब्दिक चकमक अन् थेट सुऱ्याने वार!
सोमवारी घडलेल्या या घटनेत दोन कंत्राटदारांमध्ये सुरुवातीला जोरदार वाद झाला. हा वाद इतका विकोपाला गेला की, दोघांनीही सोबत आणलेले सुरे काढून एकमेकांवर हल्ला चढवला. या रक्तरंजित संघर्षात एका कंत्राटदाराच्या थेट पोटात सुरा खुपसला गेला, तर दुसऱ्याच्या पायावर गंभीर वार झाला. घटनेनंतर लगेचच दोघांनाही उपचारासाठी जवळच्या रुग्णालयात दाखल करण्यात आले. सध्या दोघांवर उपचार सुरू असून त्यांची प्रकृती स्थिर असल्याचे समजते. या घटनेची माहिती मिळताच माटुंगा पोलिसांनी घटनास्थळी धाव घेतली. पोलिसांनी दोन्ही कंत्राटदारांविरुद्ध 'हत्येचा प्रयत्न' (Section 307) केल्याप्रकरणी परस्परविरोधी गुन्हे दाखल केले आहेत. रुग्णालयातून डिस्चार्ज मिळताच दोघांनाही अटक केली जाण्याची शक्यता आहे.
नवी दिल्ली : थायलंडच्या फुकेत शहरावरून दिल्लीकडे येणाऱ्या 'एअर इंडिया'च्या विमानाला मंगळवार, ४ ऑगस्ट रोजी हवेत अचानक मोठा धक्का (टर्ब्युलन्स) बसल्याची ...
टेंडरचा वाद की दुसरं काही कारण ?
हा राडा नेमका कशामुळे झाला याचे कारण अजून अधिकृतपणे समोर आलेले नाही. मात्र, बीएमसीच्या एखाद्या कामाच्या कंत्राटावरून किंवा टेंडरवरून हा वाद उद्भवल्याचा प्राथमिक संशय पोलिसांनी व्यक्त केला आहे. दोन्ही जखमींची प्रकृती सुधारल्यानंतर त्यांचे अधिकृत जबाब नोंदवले जातील, त्यानंतरच या हल्ल्यामागचे खरे कारण स्पष्ट होईल, असे अधिकाऱ्यांनी सांगितले. या घटनेमुळे बीएमसी कार्यालयांच्या सुरक्षा व्यवस्थेची पुरती पोलखोल झाली आहे. महापालिका कार्यालयांमध्ये दररोज शेकडो नागरिक येत असतात आणि सुरक्षेच्या नियमांनुसार मुख्य प्रवेशद्वारावर 'मेटल डिटेक्टर' (Metal Detector) आणि सुरक्षा रक्षक असतात. असे असतानाही हे दोन्ही कंत्राटदार धारदार सुरे घेऊन आत किंवा परिसरात कसे काय पोहोचले? असा सवाल आता उपस्थित केला जात आहे.
CCTV फुटेजची पाहणी अन् पोलीस बंदोबस्त वाढवला
घटनेचे गांभीर्य लक्षात घेऊन पोलिसांनी एफ-नॉर्थ वॉर्ड कार्यालयाबाहेर अतिरिक्त पोलीस बंदोबस्त तैनात केला आहे, जेणेकरून पुन्हा कोणताही अनुचित प्रकार घडू नये. याशिवाय माटुंगा पोलीस परिसरातील सीसीटीव्ही (CCTV) फुटेजची कसून तपासणी करत असून पुढील तपास वेगाने सुरू आहे.
