ग्लासगो: २०२६ च्या राष्ट्रकुल क्रीडा स्पर्धेचा दहावा दिवस भारतासाठी अत्यंत यशस्वी आणि ऐतिहासिक ठरला आहे. स्पर्धेच्या या महत्त्वपूर्ण दिवशी भारतीय खेळाडूंनी अभूतपूर्व कामगिरी करत एकूण १६ पदके आपल्या नावावर केली. यामध्ये आठ सुवर्ण, पाच रौप्य आणि तीन कांस्य पदकांचा समावेश आहे. विशेषतः भारतीय बॉक्सर्सनी रिंगमध्ये पूर्णपणे वर्चस्व गाजवत देशाच्या पदकतालिकेत मोलाची भर घातली.
मुंबई : मुंबई महापालिका मुख्यालयातील विस्तारीत सहा मजल्याच्या इमारतीच्या नुतनीकरणाचे काम तब्बल १४ वर्षे सुरु होते आणि ते सन २०२३-२४मध्ये संपले. ...
दहाव्या दिवशी बॉक्सिंगच्या अंतिम सामन्यांमध्ये भारतीय बॉक्सर्सनी चमकदार कामगिरी केली. सुवर्णपदक विजेत्यांमध्ये प्रीती पवार, जस्मिन लंबोरिया, साक्षी चौधरी, प्रिया घंघास, अरुंधती चौधरी, सचिन सिवाच आणि अंकुश पांघल यांनी शानदार विजय मिळवले. तर जादुमणी सिंग, लव्हलिना बोरगोहेन आणि नरेंद्र बेरवाल यांनी अत्यंत अटीतटीच्या सामन्यांमध्ये दमदार खेळ करत रौप्य पदके पटकावली. या सुवर्ण व रौप्य पदकांच्या यशस्वी झोळीमुळे बॉक्सिंग प्रकारात भारताची एकूण पदकांची संख्या १० वर पोहोचली आहे.
या धमाकेदार कामगिरीच्या बळावर दहाव्या दिवसाच्या अखेरीस भारताने राष्ट्रकुल क्रीडा स्पर्धेच्या पदकतालिकेत चौथे स्थान पटकावले आहे. सध्या भारताकडे एकूण ३९ पदके असून त्यात १३ सुवर्ण, १७ रौप्य आणि नऊ कांस्य पदकांचा समावेश आहे.
मुंबई : मुंबई महापालिका सभागृहातील पूर्वापार चालत आलेले लटकते माईक हद्पार करून नगरसेवकांचा आवाज बुलंद करण्यासाठी येथील ध्वनी व्यवस्था बदलण्यात येत ...
दुसरीकडे, पदकतालिकेत ऑस्ट्रेलिया, इंग्लंड आणि कॅनडा हे देश पहिल्या तीन स्थानांवर कायम आहेत. ऑस्ट्रेलियाकडे ६३ सुवर्ण, ४० रौप्य आणि ५१ कांस्य पदकांसह सर्वोच्च स्थान आहे. इंग्लंडने २६ सुवर्ण, ४० रौप्य आणि ३४ कांस्य पदकांसह दुसरे स्थान राखले आहे, तर कॅनडा १८ सुवर्ण, २० रौप्य आणि २१ कांस्य पदकांसह तिसऱ्या स्थानावर आहे. भारतीय खेळाडूंच्या या अद्भूत पराक्रमाने संपूर्ण देशाचे नाव जागतिक स्तरावर उंचावले आहे.