बाल्कनीच्या रेलिंगचा पुरेपूर उपयोग करण्याच्या पाच सोप्या घरगुती पद्धती खालीलप्रमाणे आहेत:
अनेकदा आपण बाल्कनीच्या रेलिंगचा उपयोग केवळ कपडे वाळवण्यासाठी करतो. पण आपली बाल्कनी, घरातील बागकामासाठी सर्वात उपयुक्त जागांपैकी एक बनू शकते. विशेषतः जर बाल्कनी लहान असेल, तर रेलिंगमधून आत येणारा सूर्यप्रकाश वनस्पतींसाठी अत्यंत फायदेशीर ठरतो. थोडी कल्पकता आणि काही साहित्याच्या मदतीने जमिनीवर कोणतीही जागा न घेता या रिकाम्या जागेचे एका सुंदर उभ्या बागेत रुपांतर करता येते.
१. क्लिप-ऑन रेलिंग प्लँटर बॉक्स :
बाल्कनीच्या रेलिंगवर बाग तयार करण्याचा सर्वात सोपा आणि खात्रीशीर मार्ग म्हणजे क्लिप-ऑन प्लँटर बॉक्स लावणे. हे आयताकृती कुंड्या हूक किंवा ब्रॅकेटच्या साहाय्याने थेट रेलिंगवर बसतात, ज्यामुळे त्यासाठी ड्रिल करण्याची आवश्यकता नसते. या बॉक्समध्ये तुळस, कोथिंबीर, झेंडू अशी रोपे सहजपणे वाढवता येतात. रेलिंगवर लावल्यामुळे त्यांना पुरेसा सूर्यप्रकाश मिळतो, ज्यामुळे रोपांची वाढ चांगली होते. जुन्या प्लास्टिकच्या डब्यांपासून स्वतः प्लँटर बनवल्यास मजबूत हूक वापरावेत. माती आणि पाणी भरल्यानंतर या कुंड्या बऱ्याच जड होतात, याची काळजी घ्यावी.
सिक्किम : कोविड-१९ महामारी आणि त्यानंतरच्या सीमा तणावामुळे २०२० पासून बंद असलेला भारत-चीन सीमा व्यापार तब्बल ६ वर्षांच्या खंडानंतर १ ऑगस्ट २०२६ रोजी ...
२. जुन्या प्लास्टिकच्या बाटल्या आणि डब्यांपासून कुंड्या बनवा:
कमी खर्चात व्हर्टिकल गार्डन तयार करायचे असल्यास जुन्या प्लास्टिकच्या बाटल्या आणि डबे वापरता येतात. प्लास्टिकच्या बाटल्या अर्ध्या कापून किंवा स्वच्छ डब्यांना लहान छिद्रे पाडून दोरी, तार किंवा झिप-टाईच्या साहाय्याने रेलिंगला बांधता येतात. या लहान कुंड्यांमध्ये कोथिंबीर, पुदिना, तुळस किंवा लहान शोभेची रोपे लावता येतात. त्यांना एकाच रंगाने रंगवल्यास बालकनीचे सौंदर्य आणखी वाढते.
३. वेलींसाठी मांडव किंवा जाळी लावा :
रेलिंगवर बाग तयार करण्यासाठी नेहमीच जास्त कुंड्यांची गरज असते असे नाही. वेलींना आधार देऊन संपूर्ण रेलिंग हिरवळीने भरता येते. रेलिंगला गार्डन नेट, बांबूची जाळी किंवा मजबूत तागाची दोरी बांधून त्यावर मनी प्लँट, मॉर्निंग ग्लोरी किंवा बीन्ससारख्या वेली लावता येतात. जसजशा या वेली वाढतील, तसतशा त्या जाळीवर पसरतील आणि संपूर्ण रेलिंग एका हिरव्यागार भिंतीत रूपांतरित होईल.
पुणे : लोकमान्य टिळक यांच्या १०६ व्या पुण्यतिथीनिमित्त पुण्यात आयोजित विशेष समारंभात राष्ट्रीय सुरक्षा सल्लागार अजित डोवाल यांना प्रतिष्ठित ...
४ . दोरीच्या साहाय्याने टांगती कुंड्या लावा
बाल्कनीला एक स्टायलिश आणि सुंदर लूक देण्यासाठी दोरीचे हँगिंग प्लँटर्स हा एक उत्तम पर्याय आहे. ते रेलिंगच्या वरच्या बाजूला लावलेल्या हुक्सना टांगले जातात, ज्यामुळे कमी जागेतही ते आकर्षक दिसतात. यामध्ये दोन किंवा तीन हँगिंग प्लँटर्स वेगवेगळ्या उंचीवर लावले जाऊ शकतात. त्यात मनी प्लँट, पोथोस किंवा स्ट्रिंग ऑफ पर्ल्ससारखी लटकणारी रोपे लावल्यास, वेली खाली लोंबतात आणि बाल्कनीला नैसर्गिक व सुंदर लूक मिळतो.
