नवी दिल्ली : पंतप्रधान नरेंद्र मोदी (Narendra Modi) यांनी विद्यार्थ्यांना उद्देशून फेसबुकवर (Facebook) शेअर केलेला बहुचर्चित 'सेल्फी व्हिडिओ' काही काळासाठी अचानक हटवण्यात आल्याने मोठा वाद निर्माण झाला. सोशल मीडियावर याबाबत तीव्र प्रतिक्रिया उमटल्यानंतर 'मेटा'ने ही तांत्रिक चूक असल्याचे मान्य करत व्हिडिओ पुन्हा पूर्ववत केला आणि अधिकृतपणे माफीही मागितली.
मेटाच्या (Meta) प्रवक्त्यांनी दिलेल्या निवेदनात, "हा व्हिडिओ चुकून हटवण्यात आला होता. तांत्रिक अडचणीमुळे ही घटना घडली असून आता तो पुन्हा उपलब्ध करून देण्यात आला आहे," असे स्पष्ट करण्यात आले आहे.
नवी दिल्ली : परीक्षा पद्धतीत सुधारणा करण्यासाठी आणि पेपरफुटीला आळा घालण्यासाठी नंदन निलेकणींच्या नेतृत्वात उच्चाधिकार समितीची स्थापना केल्याची ...
मात्र, या प्रकरणाची केंद्र सरकारने (Central Government) गंभीर दखल घेतली असून संपूर्ण घटनेची चौकशी सुरू करण्यात आली आहे. व्हिडिओ तात्पुरता हटवण्यामागील कारण स्पष्ट करण्यासाठी मेटाच्या अधिकाऱ्यांना समन्स बजावण्यात आल्याची माहिती सूत्रांनी दिली आहे. तसेच, माहिती व तंत्रज्ञान मंत्रालयाने मेटा आणि इन्स्टाग्रामच्या जागतिक अधिकाऱ्यांनाही स्पष्टीकरणासाठी पाचारण केले आहे.
विद्यार्थ्यांशी संवाद साधणारा व्हिडिओ :
पंतप्रधान मोदी (Narendra Modi) यांनी हा सेल्फी व्हिडिओ (Selfie video) गुरुवारी मध्यरात्रीनंतर सोशल मीडियावर पोस्ट केला होता. विशेषतः सोशल मीडियावर सक्रिय असलेल्या जेन-झी तरुणांपर्यंत पोहोचण्याच्या उद्देशाने हा व्हिडिओ तयार करण्यात आला होता. फेसबुकसह मेटाच्या विविध प्लॅटफॉर्मवर तो शेअर करण्यात आला होता. या व्हिडिओमध्ये NEET-UG प्रश्नपत्रिका फुटीच्या पार्श्वभूमीवर देशभरात सुरू असलेल्या आंदोलनांदरम्यान विद्यार्थ्यांशी संवाद साधत मोदी यांनी संयम आणि शांतता राखण्याचे आवाहन केले होते.
नवी दिल्ली: 'विकसित वायब्रंट व्हिलेज कार्यक्रम २०२६' च्या सहभागींसोबत रविवारी व्हिडिओ कॉन्फरन्सिंगद्वारे संवाद साधताना, देशातील प्रत्येक युवकाला ...
भाजपची 'मेटा'वर जोरदार टीका :
फेसबुकवर (Facebook) हा व्हिडिओ भारतातील काही वापरकर्त्यांसाठी उपलब्ध नसल्याचे समोर आल्यानंतर भाजपने मेटावर जोरदार निशाणा साधला. भाजपच्या आयटी आणि सोशल मीडिया विभागाच्या राष्ट्रीय प्रभारी तसेच महाराष्ट्र भाजपच्या अधिकृत प्रवक्त्या प्रीती गांधी यांनी सोशल मीडियावर संताप व्यक्त केला. त्यांनी प्रश्न उपस्थित करत म्हटले, "जगातील सर्वात मोठ्या लोकशाहीचे पंतप्रधान भारतातील तरुणांशी संवाद साधण्यासाठी त्यांचा पहिला सेल्फी व्हिडिओ (Selfie video) पोस्ट करतात आणि फेसबुक त्यावर निर्बंध घालते?"
दरम्यान, मेटाने चूक मान्य करत व्हिडिओ पूर्ववत केला असला तरी, या प्रकरणावर केंद्र सरकारची चौकशी सुरू असून त्यातून पुढे कोणते निष्कर्ष समोर येतात, याकडे सर्वांचे लक्ष लागले आहे.