देशब्रेकिंग न्यूजमहत्वाची बातमी

Shahzad Bhatti Network : केंद्र सरकारची मोठी कारवाई : ISI समर्थित ‘शहजाद भट्टी नेटवर्क’चा पर्दाफाश; १४ राज्यांतून २५३ जण ताब्यात

August 17, 2026 05:32 PM

">अमित शाह यांनी सोशल मीडिया पोस्टमध्ये म्हटले की, मोदी सरकारने स्वातंत्र्यदिनापूर्वी ISI समर्थित दहशतवादी नेटवर्क उद्ध्वस्त केले असून, देशात घातपाती कारवाया घडवून आणण्याचा कट उधळून लावला आहे. देशातील विविध ठिकाणी एकाचवेळी करण्यात आलेल्या कारवाईत सुरक्षा यंत्रणांनी या नेटवर्कचे कंबरडे मोडल्याचा दावा त्यांनी केला. (Shahzad Bhatti Network)

१४ राज्यांत मोठी कारवाई :

केंद्रीय गृह मंत्रालयाने सोमवारी जारी केलेल्या माहितीनुसार, या कारवाईत १४ राज्यांमधून २५३ जणांना ताब्यात घेण्यात आले, तर ८० हून अधिक एफआयआर दाखल करण्यात आले आहेत. नेटवर्कशी संबंधित २०० हून अधिक अटक झाल्याची माहितीही मंत्रालयाने दिली आहे. ही कारवाई १२ ऑगस्ट रोजी रिअल-टाइम गुप्तचर माहितीच्या देवाणघेवाणीच्या आधारे सुरू करण्यात आली. विविध राज्यांच्या पोलिसांनी एकत्रितपणे ही कारवाई केली. (Shahzad Bhatti Network)

राज्यानुसार ताब्यात घेतलेल्या व्यक्तींची संख्या अशी आहे -

उत्तर प्रदेश – ६२
हरियाणा – ५२
दिल्ली – ५०
पंजाब – ४४
राजस्थान – १५
महाराष्ट्र – ८
उत्तराखंड – ५
कर्नाटक – ३
गुजरात – ३
बिहार – ३
तेलंगणा – २
हिमाचल प्रदेश – २
जम्मू-काश्मीर – २
केरळ – २ (Shahzad Bhatti Network)

IED, ग्रेनेड, पिस्तूल आणि CCTV कॅमेरे जप्त :

केंद्रीय गृहमंत्र्यांच्या माहितीनुसार, कारवाईदरम्यान सुरक्षा यंत्रणांनी इम्प्रोव्हाइज्ड एक्सप्लोसिव्ह डिव्हाइस (IED), पाकिस्तान ऑर्डनन्स फॅक्टरीचे चिन्ह असलेले ग्रेनेड, पिस्तूल, जिवंत काडतुसे आणि CCTV कॅमेरे जप्त केले आहेत. CCTV कॅमेऱ्यांचा वापर कथित हेरगिरीसाठी करण्यात येत असल्याचा संशय तपास यंत्रणांना आहे. पोलिस, संरक्षण आस्थापना आणि धार्मिक स्थळांची रेकी करण्यासाठी स्थानिक ऑपरेटिव्हना पैसे दिले जात असल्याचा आरोपही गृह मंत्रालयाने केला आहे. (Shahzad Bhatti Network)

Modi govt destroyed the ISI-backed terror group Shahzad Bhatti Network ahead of Independence Day and thwarted its plans for subversive attacks by arresting more than 200 operatives.

Indian security forces ripped apart the network by launching coordinated operations across…

— Amit Shah (@AmitShah) August 17, 2026

ग्रेनेड हल्ले आणि टार्गेट किलिंगचा आरोप :

गृह मंत्रालयाने SBN हे पाकिस्तानस्थित आणि ISI समर्थित दहशतवादी नेटवर्क असल्याचे म्हटले आहे. या नेटवर्कचा संबंध ग्रेनेड हल्ले, IED स्फोट, पेट्रोल बॉम्ब हल्ले आणि लक्ष्यित हत्या यांच्याशी असल्याचा दावा करण्यात आला आहे. स्थानिक पातळीवरील काही व्यक्तींना पैसे देऊन संवेदनशील ठिकाणांची माहिती गोळा करण्याचे काम दिले जात असल्याचा आरोप आहे. तपास यंत्रणा या नेटवर्कचे आर्थिक व्यवहार, संपर्क आणि पाकिस्तानस्थित सूत्रांशी असलेले कथित संबंध तपासत आहेत. (Shahzad Bhatti Network)

पाकिस्तानी नागरिकासह संशयितांना अटक :

दरम्यान, पश्चिम बंगाल पोलिसांच्या विशेष कृती दलाने (STF) भारत-बांगलादेश सीमेच्या परिसरातून दोन जणांना अटक केली. यापैकी एक व्यक्ती पाकिस्तानी नागरिक असल्याचा संशय आहे. फैसलाबाद, पाकिस्तान येथील रहिवासी असल्याचे सांगितल्या जाणाऱ्या राणा रौफ उर्फ वहाब आलम याला उत्तर २४ परगणा जिल्ह्यातील हाबरा परिसरातून ताब्यात घेण्यात आले. त्याचे पाकिस्तानची गुप्तचर संस्था ISI आणि भारतातील कथित हालचालींशी संबंध आहेत का, याचा तपास सुरू आहे. त्याच्याशी कथित संपर्कात असलेल्या मोहम्मद एजाज यालाही कोलकात्यातील टॉपसिया परिसरातून अटक करण्यात आली. (Shahzad Bhatti Network)

याशिवाय उत्तर प्रदेशातील २३ वर्षीय तरुणाला कलबुर्गी येथे पाकिस्तानी दहशतवादी संशयितांशी WhatsApp आणि Instagramच्या माध्यमातून संपर्क ठेवल्याच्या आरोपावरून अटक करण्यात आली आहे. पश्चिम बंगाल STFने कूचबिहारमधूनही तीन जणांना कथित ISI संबंधांच्या संशयावरून ताब्यात घेतले आहे. (Shahzad Bhatti Network)

New India stands firm against terrorism. 🇮🇳

Under the visionary leadership of Hon PM Narendra Modi Ji and the guidance of Hon Union Home and Cooperation Minister Amitbhai Shah, Indian security forces destroyed the ISI-backed Shahzad Bhatti terror network ahead of Independence… https://t.co/S0waoNfOyl

— Devendra Fadnavis (@Dev_Fadnavis) August 17, 2026

स्वातंत्र्यदिनाच्या पार्श्वभूमीवर सुरक्षा वाढली :

देशाचा स्वातंत्र्यदिन १५ ऑगस्टला साजरा होत असताना ही मोठी कारवाई करण्यात आल्याने सुरक्षा यंत्रणांकडून अधिक सतर्कता बाळगली जात आहे. विविध राज्यांमध्ये संशयित नेटवर्कशी संबंधित व्यक्ती, त्यांचे संपर्क, आर्थिक व्यवहार आणि संभाव्य दहशतवादी कारवायांचा तपास सुरू आहे. दरम्यान, सरकारने या कारवाईला सीमापार दहशतवादाविरोधातील ‘झिरो टॉलरन्स’ धोरणाचे उदाहरण म्हटले आहे. तपास पुढे जात असताना या कथित नेटवर्कचे आणखी कोणते धागेदोरे समोर येतात आणि पाकिस्तानस्थित सूत्रांशी त्यांचे नेमके संबंध काय आहेत, याकडे सुरक्षा यंत्रणांचे लक्ष लागले आहे. (Shahzad Bhatti Network)