Nashik Crime News : नाशिक जिल्ह्यातील सिन्नर तालुक्यातील जायगांव येथील डॉ मोहन पुरी यांच्या शिवनाथ आयुर्वेद प्रॉडक्ट कंपनी (Shivnath Ayurveda Products Company) नावाच्या औषध निर्मिती कंपनीचा परवाना अन्न व औषध प्रशासनाने कायमचा रद्द केला आहे. (Nashik Crime News)
इराण-अमेरिका संघर्ष आणि परदेशी संस्थात्मक गुंतवणूकदारांच्या मोठ्या प्रमाणातील विक्रीमुळे सध्या जागतिक आणि भारतीय शेअर बाजारात अनिश्चिततेचे ...
अन्न व औषध प्रशासनाकडून छापा
डॉ. मोहन पुरी यांचे नाव संगमनेरजवळील वडगाव पान येथील कथित भोंदू राजेंद्र गडगेबाबा प्रकरणात सहआरोपी म्हणून समोर आले होते. गडगेबाबांच्या दरबारात बोगस औषधांचा पुरवठा केल्याचा आरोपही त्यांच्यावर करण्यात आला होता. नाशिक येथील अन्न व औषध प्रशासनाने जायगांव येथे छापा टाकून प्रत्यक्ष तपासणी केली. या तपासणीत औषध निर्मितीचे निकष पाळले जात नसल्याचे, उत्पादन प्रक्रियेत गंभीर त्रुटी असल्याचे आणि औषध व प्रशासन कायद्यातील अनेक नियमांचे उल्लंघन झाल्याचे समोर आले. (Nashik Crime News)
मुंबई: बॉलीवूड अभिनेता रणबीर कपूर सध्या त्याच्या आगामी 'रामायण' या भव्य चित्रपटामुळे भलताच चर्चेत आहे. या चित्रपटात तो भगवान श्रीरामांची भूमिका ...
शिवनाथ आयुर्वेदाचा परवाना कायमचा रद्द
अन्न व औषध प्रशासनाने परवाना प्रकरणी कंपनीची बाजू जाणून घेतली तसेच वस्तुस्थितीचा आढावा घेतला. नियमांचे गंभीर उल्लंघन झाल्याचे सिद्ध झाल्यानंतर प्रशासनाने ३० जून २०२६ रोजी अंतरिम आदेश पारित केला. त्यानुसार शिवनाथ आयुर्वेद प्रॉडक्ट कंपनीचा औषध निर्मिती परवाना कायमचा रद्द करण्याचा निर्णय झाला आहे. दरम्यान, डॉ. मोहन पुरी हे भोंदू राजेंद्र गडगेबाबांचे निकटवर्तीय असून विविध भोंदूबाबांना औषधांचा पुरवठा करत असल्याचा संशयही तपास यंत्रणांनी व्यक्त केला आहे. याबाबत अधिक तपास पोलिसांकडून सुरु आहे.