मुंबई : शिवसेना नेते आणि विधान परिषदेचे उपसभापती सचिन अहिर (Sachin Ahir) यांच्या मुंबईतील निवासस्थानी झालेल्या तब्बल २ कोटी ६० लाख रुपयांच्या चोरीप्रकरणाचा मुंबई गुन्हे शाखेने मोठा उलगडा केला आहे. या प्रकरणात घरात काम करणाऱ्या आणखी तीन नोकरांना अटक करण्यात आली असून, अटक झालेल्या आरोपींची संख्या आता चारवर पोहोचली आहे. विशेष म्हणजे, केवळ १८ हजार रुपये मासिक पगार असलेल्या नोकरांच्या ऐषआरामी जीवनशैलीमुळे आणि एका माहितीदाराने दिलेल्या गुप्त टिपमुळे हा संपूर्ण प्रकार उघडकीस आला. (Burglary at Sachin Ahir Residence)
आणखी तीन आरोपी गजाआड :
गुन्हे शाखेने शनिवारी सतीशकुमार मिस्त्री (२६), अमित यादव (२६) आणि सूरज गौतम (२१) या तिघांना अटक केली. यापूर्वी शुक्रवारी या प्रकरणातील मुख्य आरोपीला अटक करण्यात आली होती. न्यायालयाने तिन्ही आरोपींना १ ऑगस्टपर्यंत पोलीस कोठडी सुनावली आहे. (Burglary at Sachin Ahir Residence)
नवी दिल्ली : तब्बल ३६ दिवस घोषणाबाजी (Sloganeering), आंदोलन (Protest) आणि विद्यार्थ्यांच्या (Students) गर्दीने गजबजलेलं जंतर-मंतर (Jantar Mantar) आता शांत झालं आहे. केंद्रीय ...
टप्प्याटप्प्याने लंपास केला कोट्यवधींचा ऐवज :
पोलिसांच्या तपासात आरोपींनी सचिन अहिर यांच्या घरातून सोन्या-चांदीचे दागिने, १०० ग्रॅमचे सोन्याचे बिस्कीट, हिऱ्यांचे दागिने आणि इतर मौल्यवान वस्तू हळूहळू चोरल्याचे समोर आले आहे. आतापर्यंत पोलिसांनी आरोपींकडून १५ लाख रुपये किमतीचे १०० ग्रॅमचे सोन्याचे बिस्कीट आणि २९.७ लाख रुपये किमतीची सोन्याची लादी जप्त केली आहे. उर्वरित ऐवजाचा शोध सुरू असून आरोपींची कसून चौकशी केली जात आहे. (Burglary at Sachin Ahir Residence)
१८ हजार पगार... पण गावी घेतली घर, जमीन आणि वाहने :
या प्रकरणाचा उलगडा एका माहितीदाराने दिलेल्या महत्त्वाच्या टिपमुळे झाला. मासिक अवघा १८ हजार रुपये पगार असलेल्या दोन आरोपींनी आपल्या मूळ गावी झारखंडमध्ये नवीन घर, लाखो रुपयांची जमीन आणि दोन वाहने खरेदी केल्याची माहिती मिळाली. इतकेच नव्हे तर त्यांनी नातेवाईकांच्या बँक खात्यांमध्ये मोठ्या प्रमाणात पैसेही जमा केल्याचे समोर आले. माहितीदाराने यासंदर्भातील छायाचित्रेही अहिर कुटुंबाला पाठवली. त्यानंतर संशय बळावला आणि पोलिसांकडे तक्रार दाखल करण्यात आली. (Burglary at Sachin Ahir Residence)
अमरावती : अमरावतीच्या मेळघाट परिसरातून एक धक्कादायक घटना समोर आली आहे. धारणी तालुक्यातील टीटंबा येथील शासकीय आदिवासी आश्रमशाळेतील सुमारे ३० ते ४० ...
आरोपींचा बचाव, पोलिसांचा तपास सुरू :
सुनावणीदरम्यान आरोपींचे वकील उमेश कुमार आणि निराली शर्मा यांनी आरोपींकडून कोणताही चोरीचा ऐवज जप्त झालेला नसल्याचा दावा करत त्यांना विनाकारण अडकवण्यात आल्याचा युक्तिवाद केला. मात्र, चोरीतील संपूर्ण माल जप्त करणे आणि कटाचा संपूर्ण तपास करण्यासाठी पोलीस कोठडी आवश्यक असल्याचे पोलिसांनी न्यायालयात सांगितले. न्यायालयाने हा युक्तिवाद मान्य करत आरोपींना १ ऑगस्टपर्यंत पोलीस कोठडी सुनावली. (Burglary at Sachin Ahir Residence)
या प्रकरणामुळे मुंबईत मोठी खळबळ उडाली असून, घरातील विश्वासू नोकरांनीच कोट्यवधींची चोरी केल्याने घरगुती सुरक्षेचा मुद्दा पुन्हा ऐरणीवर आला आहे.