पुणे : पुण्यातील मध्यवर्ती भागात अवघ्या २४ तासांत दोन वेळा गोळीबार (Firing) झाल्याने शहरातील कायदा व सुव्यवस्थेचा (Law and Order) प्रश्न पुन्हा ऐरणीवर आला आहे. भरदिवसा पोलीस चौकीसमोर घडलेल्या या धक्कादायक घटनांमुळे नागरिकांमध्ये भीतीचे वातावरण निर्माण झाले. या पार्श्वभूमीवर पुण्याचे पोलीस आयुक्त (Police Commissioner) अमितेशकुमार यांनी कठोर पावले उचलत गुन्हे शाखेतील (Crime Branch) आणि स्थानिक पोलीस ठाण्यातील वरिष्ठ अधिकाऱ्यांच्या तडकाफडकी बदल्या केल्या आहेत.
या कारवाईत खडक पोलीस ठाण्याचे वरिष्ठ पोलीस निरीक्षक (Senior Police Inspector) शशिकांत चव्हाण आणि गुन्हे शाखेच्या युनिट-1चे पोलीस निरीक्षक (Police Inspector) अजित जाधव यांची नियंत्रण कक्षात (Control Room) बदली करण्यात आली आहे. त्यांच्या जागी वाहतूक शाखेतील (Traffic Branch) पोलीस निरीक्षक धनंजय पिंगळे यांच्याकडे खडक पोलीस ठाण्याची जबाबदारी देण्यात आली आहे.
याशिवाय, येरवडा पोलीस ठाण्याचे वरिष्ठ निरीक्षक अंजुम बागवान यांची गुन्हे शाखेत बदली करण्यात आली असून, लक्ष्मीनगर गुन्हे शाखेचे निळकंठ जगताप यांची लक्ष्मीनगर पोलीस ठाण्याच्या गुन्हे निरीक्षकपदी नियुक्ती करण्यात आली आहे. येरवडा पोलीस ठाण्याची जबाबदारी गुन्हे निरीक्षक (Crime Inspector) उमेश गिते यांच्याकडे सोपवण्यात आली आहे.
नवी दिल्ली : तब्बल ३६ दिवस घोषणाबाजी (Sloganeering), आंदोलन (Protest) आणि विद्यार्थ्यांच्या (Students) गर्दीने गजबजलेलं जंतर-मंतर (Jantar Mantar) आता शांत झालं आहे. केंद्रीय ...
घोरपडे पेठ आणि लोहियानगरमध्ये नेमकं काय घडलं?
शुक्रवारी पुण्याच्या घोरपडे पेठ पोलीस चौकीसमोर भरदिवसा गोळीबार (Firing) झाला. त्यानंतर काही तासांतच लोहियानगर परिसरात काही अल्पवयीन मुलांनी शस्त्रे (Weapons) हातात घेऊन हवेत गोळ्या झाडत दहशत निर्माण केली. पोलीस चौकीसमोरच अशा घटना घडल्याने पोलीस प्रशासन (Police Administration) सतर्क झाले आणि आयुक्तांनी तातडीने जबाबदारी निश्चित करत कारवाई केली.
सराईत गुंड अटकेत; तीन अल्पवयीन ताब्यात
लोहियानगरमध्ये एका अल्पवयीन मुलावर गोळीबार करून दहशत निर्माण करणाऱ्या सराईत गुंडाला खडक पोलिसांनी अटक केली आहे. अभिषेक उर्फ बाप्पा कसबे (वय ३१, रा. पीएमसी कॉलनी, घोरपडे पेठ) असे अटक करण्यात आलेल्या आरोपीचे नाव आहे.
पोलीस तपासानुसार (Police Investigation), आरोपीचा संबंधित अल्पवयीन मुलासोबत जुना वाद होता. शुक्रवारी सायंकाळी बाबू मामडी चौकात मुलगा उभा असताना कसबे हा आपल्या तीन अल्पवयीन साथीदारांसह तेथे पोहोचला. त्यांनी मुलाला घेरून त्याच्यावर गोळीबार केला आणि त्यानंतर घटनास्थळावरून (Crime Scene) पळ काढला.
अमरावती : अमरावतीच्या मेळघाट परिसरातून एक धक्कादायक घटना समोर आली आहे. धारणी तालुक्यातील टीटंबा येथील शासकीय आदिवासी आश्रमशाळेतील सुमारे ३० ते ४० ...
घटनेची माहिती मिळताच सहाय्यक पोलीस निरीक्षक (Assistant Police Inspector) अमोल वळसंग यांच्या पथकाने शोधमोहीम (Search Operation) राबवत रात्री उशिरा मुख्य आरोपीला अटक केली. त्याच्यासोबत असलेल्या तीन अल्पवयीन मुलांना ताब्यात घेऊन बाल न्याय मंडळासमोर (Juvenile Justice Board) हजर करण्यात आले आहे.
पोलिसांनी दिलेल्या माहितीनुसार, अभिषेक उर्फ बाप्पा कसबे याच्याविरोधात यापूर्वीही खुनाचा प्रयत्न (Attempt to Murder) आणि बेकायदेशीर शस्त्र बाळगल्याचे (Illegal Arms Possession) गंभीर गुन्हे दाखल आहेत.
