नवी दिल्ली : पंतप्रधान नरेंद्र मोदी (Prime Minister Narendra Modi) यांनी सोशल मीडिया (Social Media) प्लॅटफॉर्म इन्स्टाग्राम (Instagram) वर आणखी एक व्हिडीओ (Video) शेअर करत तरुणांचे, विशेषतः Gen Z पिढीचे आभार मानले आहेत. त्यांच्या मागील व्हिडीओला (Video) मिळालेल्या प्रतिसादानंतर त्यांनी हा नवा व्हिडीओ (Video) पोस्ट केला असून, त्यामध्ये तरुणांनी दिलेल्या सूचना (Suggestions) आणि प्रेमाबद्दल कृतज्ञता व्यक्त केली आहे.
शुक्रवारी रात्री उशिरा पंतप्रधान मोदी यांनी पहिल्यांदाच एका वेगळ्या शैलीतील व्हिडीओ (Video) शेअर केला होता. त्या व्हिडीओची सोशल मीडियावर मोठी चर्चा झाली. त्यानंतर शनिवारी त्यांनी आणखी एक व्हिडीओ (Video) पोस्ट करत तरुणांना उद्देशून संदेश दिला.
- केंद्रीय मंत्रिमंडळ बैठकीत सोशल मीडियावर अधिक सक्रिय राहण्याच्या सूचना; इन्स्टाग्रामवर संवादात्मक कंटेंटवर भर नवी दिल्ली : पंतप्रधान नरेंद्र मोदी ...
काय म्हणाले पंतप्रधान मोदी?
"धन्यवाद मित्रांनो... काल रात्री उशिरा तुमच्याशी संवाद (Interaction) साधण्याची संधी मिळाली. मी शेअर केलेल्या व्हिडीओला (Video) तुम्ही भरभरून प्रतिसाद दिलात. अनेक सकारात्मक सूचना (Positive Suggestions) दिल्या, त्याबद्दल मी तुमचा मनापासून आभारी आहे. तुमचं प्रेम असंच कायम राहो आणि आपलं नातं अधिक दृढ (Strong) होत राहो," असे पंतप्रधान मोदी यांनी व्हिडीओमध्ये म्हटले.
तरुणांच्या सूचनेनुसार बदलला व्हिडीओचा अंदाज
पंतप्रधान मोदी यांनी शुक्रवारी शेअर केलेल्या व्हिडीओवर अनेक तरुणांनी मजेशीर प्रतिक्रिया (Reactions) दिल्या होत्या. काहींनी "रिल (Reel) शूट (Shoot) करताना कॅमेऱ्यापासून थोडं मागे उभं राहा," असा सल्लाही दिला होता. या सूचनेची दखल घेत पंतप्रधान मोदी यांनी नव्या व्हिडीओमध्ये कॅमेऱ्यापासून थोडं अंतर ठेवत व्हिडीओ शूट (Shoot) केला. तसेच, तरुणांनी दिलेल्या टिप्स (Tips) आणि सूचनांबद्दल त्यांनी विशेष आभारही व्यक्त केले. दरम्यान, मोदींच्या या नव्या व्हिडीओची सोशल मीडियावर पुन्हा एकदा जोरदार चर्चा सुरू असून, अनेक नेटकरी (Netizens) त्यावर विविध प्रतिक्रिया व्यक्त करत आहेत.