मुंबई : मध्य रेल्वेच्या मुंबई विभागाद्वारे दिनांक २६ जुलै रोजी विविध अभियांत्रिकी आणि देखभालीची कामे करण्यासाठी मेन लाईनवर ठाणे ते कल्याण दरम्यान आणि ट्रान्स-हार्बर लाईनवर ठाणे ते वाशी/नेरुळ दरम्यान मेगा ब्लॉक घेण्यात येणार आहे.
Weather Department : महाराष्ट्रासह १७ राज्यांत मुसळधार पाऊस पडणार, हवामान विभागाचा अंदाज
राज्यात वादळी वाऱ्यासह पावसाची शक्यता मुंबई : भारतीय हवामान विभागाने देशातील हवामानाबाबत अत्यंत महत्त्वाचा आणि चिंता वाढवणारा इशारा जारी केला आहे. ...
यामुळे प्रभावित होणाऱ्या सेवा खालीलप्रमाणे असतील:-
मेन लाईन- ठाणे - कल्याण अप आणि डाऊन जलद मार्ग: सकाळी १०.४० ते दुपारी ३.४० वाजेपर्यंत.
- छत्रपती शिवाजी महाराज टर्मिनस येथून सकाळी ०९.३४ ते दुपारी २.४५ या वेळेत सुटणाऱ्या डाऊन जलद/अर्ध-जलद गाड्या ठाणे आणि कल्याण स्थानकांदरम्यान डाऊन धिम्या मार्गावर वळवल्या जातील. या गाड्या त्यांच्या नियोजित थांब्यांव्यतिरिक्त कळवा, मुंब्रा आणि दिवा स्थानकांवरही थांबतील आणि आपल्या गंतव्यस्थानी १० मिनिटे उशिरा पोहोचतील.
- सकाळी १०.२८ ते दुपारी ३.४० या वेळेत कल्याण येथून सुटणाऱ्या अप जलद/अर्ध-जलद गाड्या कल्याण आणि ठाणे स्थानकांदरम्यान अप धिम्या मार्गावर वळवल्या जातील. या गाड्या त्यांच्या नियोजित थांब्यांव्यतिरिक्त दिवा, मुंब्रा आणि कळवा स्थानकांवरही थांबतील आणि पुढे मुलुंड स्थानकावर पुन्हा अप धिम्या मार्गावर वळवल्या जातील; तसेच त्या आपल्या गंतव्यस्थानी १० मिनिटे उशिरा पोहोचतील.
- छत्रपती शिवाजी महाराज टर्मिनस/दादर येथून सुटणाऱ्या डाऊन मेल आणि एक्सप्रेस गाड्या ठाणे आणि कल्याण स्थानकांदरम्यान ५ व्या मार्गिकेवर वळवल्या जातील.
- छत्रपती शिवाजी महाराज टर्मिनस/दादर येथे येणाऱ्या अप मेल आणि एक्सप्रेस गाड्या कल्याण आणि ठाणे/विक्रोळी स्थानकांदरम्यान ६ व्या मार्गिकेवर वळवल्या जातील.
Western Railway : पश्चिम रेल्वेच्या १३ विशेष गाड्यांच्या फेऱ्या वाढविल्या
मुंबई, गुजरातहून बिहार, उत्तर प्रदेश आणि उत्तराखंडकडे जाणाऱ्या विशेष रेल्वे सेवांना मुदतवाढ मुंबई : प्रवाशांची वाढती गर्दी लक्षात घेऊन आणि ...
- ठाणे आणि वाशी/नेरुळ दरम्यान अप आणि डाऊन ट्रान्स-हार्बर लाईन: सकाळी ११.१० ते सायंकाळी ४.१० वाजेपर्यंत.
- ब्लॉकच्या कालावधीत ठाणे आणि वाशी/नेरुळ/पनवेल दरम्यानच्या अप आणि डाऊन ट्रान्स-हार्बर मार्गावरील सेवा बंद राहतील.
- ठाणे येथून सकाळी १०.३५ ते सायंकाळी ४.०७ या वेळेत वाशी/नेरुळ/पनवेलकडे जाणाऱ्या 'डाऊन' ट्रान्स-हार्बर लाईनवरील सेवा रद्द राहतील.
- पनवेल/नेरुळ/वाशी येथून सकाळी १०.२५ ते दुपारी ४.०९ या वेळेत ठाण्याकडे येणाऱ्या 'अप' ट्रान्स-हार्बर लाईनवरील सेवा रद्द राहतील.
