नवी दिल्ली : संसदेच्या पावसाळी अधिवेशनाच्या पहिल्याच दिवशी राजधानी दिल्लीत मोठा राजकीय गोंधळ निर्माण झाला. 'कॉकरोच जनता पार्टी' (CJP) ने संसदेवर मोर्चा काढण्याची घोषणा केल्यानंतर जंतरमंतर परिसरात मोठ्या प्रमाणावर पोलीस बंदोबस्त तैनात करण्यात आला होता. दिल्ली पोलिसांनी आंदोलकांना जंतरमंतरपासून सुमारे एक किलोमीटर अंतरावर असलेल्या केरळ भवनापर्यंतच मोर्चाची परवानगी दिली. मात्र, यावरून आंदोलक आणि पोलिसांमध्ये वाद निर्माण झाला आणि परिस्थिती चिघळल्यानंतर शीघ्र कृती दलाच्या (RAF) जवानांनी आंदोलकांवर लाठीमार केल्याची घटना घडली. (Dharmendra Pradhan Met Amit Shah)
या गोंधळाच्या पार्श्वभूमीवर केंद्रीय शिक्षण मंत्री धर्मेंद्र प्रधान (Dharmendra Pradhan) यांनी केंद्रीय गृहमंत्री अमित शाह (Amit Shah) यांची भेट घेतल्याने राजकीय वर्तुळात चर्चांना उधाण आले आहे. या भेटीत नेमकी कोणत्या विषयावर चर्चा झाली, याबाबत अधिकृत माहिती समोर आलेली नसली तरी आंदोलनाच्या पार्श्वभूमीवर या भेटीकडे विशेष लक्ष लागले आहे. (Dharmendra Pradhan Met Amit Shah)
जम्मू : जम्मू-काश्मीरमधील पूंछ आणि राजौरी जिल्ह्यांत शनिवारी रात्री झालेल्या ढगफुटीने भीषण रूप धारण केले असून, अचानक आलेल्या पुरामुळे मोठ्या ...
दरम्यान, CJP च्या आंदोलनातील प्रमुख मागणी म्हणजे केंद्रीय शिक्षण मंत्री धर्मेंद्र प्रधान यांनी आपल्या पदाचा राजीनामा द्यावा, अशी आहे. या मागणीमागे कथित NEET पेपरफुटी प्रकरणाचा संदर्भ दिला जात असल्याने प्रधान आणि अमित शाह यांची भेट राजकीयदृष्ट्या महत्त्वाची मानली जात आहे. संसदेकडे मोर्चा सुरू असतानाच प्रधान गृहमंत्र्यांच्या भेटीसाठी पोहोचल्याने ते राजीनामा देणार का, याबाबत विविध तर्क-वितर्कांना उधाण आले आहे. (Dharmendra Pradhan Met Amit Shah)
नवी दिल्ली : विशेष सघन पुनरिक्षण (SIR) प्रक्रियेनंतर एखाद्या व्यक्तीचे नाव मतदार यादीतून वगळले गेले, तरी त्यामुळे त्या व्यक्तीचे भारतीय नागरिकत्व आपोआप ...
दरम्यान, दिल्लीतील आंदोलन, पोलिसांची कारवाई आणि अमित शाह-धर्मेंद्र प्रधान यांच्या भेटीमुळे संसदेच्या पावसाळी अधिवेशनाच्या पहिल्याच दिवशी राजकीय वातावरण चांगलेच तापले आहे. पुढील घडामोडींवर सर्वांचे लक्ष लागले आहे. (Dharmendra Pradhan Met Amit Shah)