धारवाड : देशभरात घडणाऱ्या खून (Murder) आणि कौटुंबिक हिंसाचाराच्या (Domestic Violence) घटनांमुळे नागरिकांमध्ये भीतीचं वातावरण निर्माण झालं आहे. अशातच कर्नाटकच्या (Karnataka) धारवाड शहरातून एक अत्यंत धक्कादायक घटना समोर आली आहे. शहरातील एका अपार्टमेंटमध्ये (Apartment) राहणारे भूलतज्ज्ञ (Anesthesiologist) डॉ. किरण होन्नावर यांचा रक्ताच्या थारोळ्यात मृतदेह आढळून आला, तर त्यांचा अवघा ८ वर्षांचा मुलगा गंभीर जखमी अवस्थेत सापडला. या प्रकरणात पोलिसांनी (Police) मृत डॉक्टरांच्या पत्नीला चौकशीसाठी ताब्यात घेतलं असून संपूर्ण घटनेचा तपास (Investigation) सुरू आहे.
मिळालेल्या माहितीनुसार, डॉ. किरण होन्नावर (वय ४५) हे धारवाडमधील पवन हायस्कूलसमोरील एका अपार्टमेंटच्या सहाव्या मजल्यावर पत्नी डॉ. प्रियंका कट्टनहल्ली आणि मुलासोबत राहत होते. डॉ. किरण हे खासगी रुग्णालयात (Private Hospital) भूलतज्ज्ञ म्हणून कार्यरत होते, तर त्यांची पत्नी डॉ. प्रियंका या नेत्ररोगतज्ज्ञ (Ophthalmologist) असून त्यांनी ऑफ्थॅल्मॉलॉजीमध्ये (Ophthalmology) एमएस पदवी प्राप्त केली आहे.
- ऑनलाइन परीक्षा पद्धती ऑगस्ट २०२७ पासून; मुख्यमंत्री देवेंद्र फडणवीस यांचे निर्देश मुंबई : महाराष्ट्र लोकसेवा आयोगाच्या (एमपीएससी) परीक्षांबाबत (MPSC Exam) ...
फोनवर उडवाउडवीची उत्तरं; नातेवाईकांचा संशय वाढला
पोलीस आयुक्त (Police Commissioner) एन. शशिकुमार यांनी दिलेल्या माहितीनुसार, बुधवारी डॉ. किरण यांच्याशी संपर्क साधण्याचा प्रयत्न त्यांच्या नातेवाईकांनी आणि मित्रांनी केला. मात्र त्यांचा मोबाईल पत्नी प्रियंका यांनी उचलला. त्या वेळी त्यांनी, "डॉ. किरण विश्रांती घेत आहेत", "ते ड्युटीवर (Duty) गेले आहेत", अशी वेगवेगळी उत्तरं दिली. यामुळे संशय बळावल्याने पोलिसांना माहिती देण्यात आली.
यानंतर पोलिसांनी तातडीने घटनास्थळी (Crime Scene) धाव घेत फ्लॅटमध्ये प्रवेश केला. आत गेल्यानंतर त्यांना डॉ. किरण यांचा मृतदेह रक्ताच्या थारोळ्यात पडलेला दिसला. त्याचवेळी त्यांचा आठ वर्षांचा मुलगा गंभीर जखमी अवस्थेत जमिनीवर पडलेला होता. सुदैवाने मुलाचे श्वास सुरू असल्याने त्याला तातडीने रुग्णालयात (Hospital) दाखल करण्यात आलं. सध्या त्याच्यावर उपचार सुरू आहेत.
पोलीसही हादरले; पत्नी बेडवर मोबाईल वापरत होती
या संपूर्ण घटनेतील सर्वात धक्कादायक बाब म्हणजे, पोलिस फ्लॅटमध्ये पोहोचले तेव्हा घरात एका बाजूला डॉक्टर पतीचा मृतदेह आणि दुसऱ्या बाजूला जखमी मुलगा पडलेला होता. मात्र पत्नी डॉ. प्रियंका या बेडवर शांतपणे झोपून मोबाईल (Mobile Phone) वापरत असल्याचं पोलिसांच्या निदर्शनास आलं. या प्रकारामुळे पोलिसांसह परिसरातील नागरिकही हादरले.
मुंबई : ठाकरे गटाचे नेते आणि माजी खासदार विनायक राऊत (Vinayak Raut) यांच्या अडचणी आणखी वाढल्या आहेत. सून गिरीजा राऊत (Girija Raut) यांनी दाखल केलेल्या कौटुंबिक छळ आणि ...
हत्येमागील कारण अद्याप अस्पष्ट
प्राथमिक तपासात (Preliminary Investigation) घरात जबरदस्तीने प्रवेश (Forced Entry) झाल्याचे कोणतेही पुरावे आढळले नाहीत. घटना घडली त्या वेळी फ्लॅटमध्ये केवळ पती, पत्नी आणि त्यांचा मुलगा उपस्थित असल्याचं समोर आलं आहे. तपासादरम्यान मुलाच्या शरीरावर धारदार शस्त्राने (Sharp Weapon) वार झाल्याच्या जखमाही आढळल्या आहेत.
फॉरेन्सिक पथकाने (Forensic Team) घटनास्थळावरून महत्त्वाचे पुरावे गोळा केले असून पोलिसांनी हत्येचा (Murder Case) गुन्हा दाखल केला आहे. हत्येमागील नेमकं कारण, घटनाक्रम आणि त्यामागचं सत्य उघड करण्यासाठी पोलिसांकडून सर्व बाजूंनी तपास सुरू आहे. तपास पूर्ण झाल्यानंतरच या धक्कादायक प्रकरणामागील नेमकं कारण स्पष्ट होणार आहे.
