कौशल्य विकास विभागाचा निर्णय; जागतिक युवा कौशल्य दिनी 'महाराष्ट्राचा स्किल फर्स्ट' पॅटर्न जाहीर
मुंबई : आगामी सिंहस्थ कुंभमेळ्याच्या पार्श्वभूमीवर नाशिकमध्ये येणाऱ्या लाखो भाविकांना उत्तम सेवा पुरवण्यासाठी आणि सोयी-सुविधांचा दर्जा उंचावण्यासाठी राज्य सरकारने महत्त्वपूर्ण निर्णय घेतला आहे. कुंभमेळ्यासाठी तब्बल ४ हजार उमेदवारांना पूर्वकौशल्य ज्ञान आणि ३०० उमेदवारांच्या अल्पमुदतीचे कौशल्य प्रशिक्षण दिले जाणार आहे. जागतिक युवा कौशल्य दिनाचे औचित्य साधून कौशल्य, रोजगार, उद्योजकता व नाविन्यता विभागाच्या वतीने मुंबईत आयोजित विशेष सोहळ्यात या उपक्रमाला मंजुरी देण्यात आली. या योजनेमुळे हॉस्पिटॅलिटी, रिटेल, ऑटोमोबाईल, बांधकाम, आरोग्य सेवा आणि पर्यटन अशा प्रमुख क्षेत्रांसाठी प्रशिक्षित व कुशल मनुष्यबळाची मोठी फळी कुंभमेळ्यासाठी सज्ज होणार आहे. (Nashik Kumbh Mela)
प्रेमप्रकरणाचा भयंकर शेवट, वाट मिटवायला बोलावून केला घात, २४ वर्षीय तरुणाची भररस्त्यात हत्या अमरावती : अमरावती (Amravati) शहरात एक अत्यंत थरारक घटना उघडकीस ...
एल्फिन्स्टन टेक्निकल हायस्कूलच्या सेंट्रल हॉलमध्ये बुधवारी पार पडलेल्या या सोहळ्याला कौशल्य विकास मंत्री मंगल प्रभात लोढा यांची प्रमुख उपस्थिती होती. कुंभमेळ्यासारख्या जागतिक दर्जाच्या महासोहळ्यासाठी कुशल मनुष्यबळ तयार करण्यासाठी सह्याद्री रुरल डेव्हलपमेंट फाउंडेशन (नाशिक) यांना ४ हजार ३०० उमेदवारांच्या प्रशिक्षणासाठीचे इरादा पत्र या प्रसंगी प्रदान करण्यात आले. त्याशिवाय राज्यातील तरुणांना जागतिक स्तरावर रोजगाराच्या संधी उपलब्ध करून देण्यासाठी तीन महत्त्वपूर्ण सामंजस्य करार करण्यात आले. 'सिड' संस्थेने '२ कॉम्स कन्सल्टिंग', 'बॉर्डर प्लस टेक्नॉलॉजी' आणि 'क्वेस इंटरनॅशनल सर्व्हिसेस' या जागतिक कंपन्यांसोबत भागीदारी केली आहे. या करारांमुळे महाराष्ट्रातील विद्यार्थ्यांना परदेशात नोकरी मिळवण्यासाठी आवश्यक असणारे भाषा प्रशिक्षण, प्रस्थानपूर्व प्रशिक्षण, व्हिसा व कागदपत्रांची पूर्तता, तसेच थेट प्लेसमेंटनंतरचे सर्व सहकार्य मिळणार आहे. (Nashik Kumbh Mela)
मुंबई: पावसाळ्याच्या वातावरणात कोविड-१९, H1N1 आणि इन्फ्लूएंझा 'ए' हे तिन्ही विषाणू एकाच वेळी सक्रिय झाल्यामुळे आरोग्य यंत्रणेसमोर आव्हान निर्माण झाले ...
तसेच, जागतिक बँकेच्या अर्थसाहाय्याने चालणाऱ्या 'दक्ष' प्रकल्पांतर्गत आयटीआयमधील निदेशकांसाठीच्या आधुनिक प्रशिक्षण कार्यक्रमाचे ऑनलाइन उद्घाटन करण्यात आले. पहिल्या टप्प्यात राज्यातील २४० आयटीआय शिक्षकांना अॅडव्हान्स मॅन्युफॅक्चरिंग, इलेक्ट्रिक व्हेईकल (ईव्ही), सीएनसी मशीनिंग, रोबोटिक्स आणि एरोनॉटिकल फिटर यांसारख्या आधुनिक तंत्रज्ञानाचे प्रशिक्षण दिले जाईल. याकामी 'महिंद्रा अँड महिंद्रा' आणि 'लार्सन अँड टुब्रो' या नामांकित उद्योगांनी सहकार्याचा हात पुढे केला आहे.
वेम्बली: इंग्लंडच्या फुटबॉल इतिहासातील एका अत्यंत महत्त्वाच्या वळणावर, 'थ्री लायन्स' संघ बुधवारी विश्वचषकाच्या उपांत्य फेरीत अर्जेंटिनाचा सामना ...
शांघाय 'वर्ल्ड स्किल्स'मधील विजेत्यांना ५ लाखांचे बक्षीस
चीनमधील शांघाय येथे आयोजित 'वर्ल्ड स्किल २०२६' या आंतरराष्ट्रीय स्पर्धेत भारताचे प्रतिनिधित्व करण्यासाठी निवडल्या गेलेल्या महाराष्ट्रातील पाच राष्ट्रीय विजेत्यांचा यावेळी रोख पारितोषिक देऊन विशेष गौरव करण्यात आला. या आंतरराष्ट्रीय स्पर्धेत महाराष्ट्राच्या खेळाडूंनी सुवर्ण पदक मिळवल्यास ५ लाख रुपये, रौप्य पदकासाठी ३ लाख आणि कांस्य पदकासाठी २ लाख रुपयांचे रोख बक्षीस देण्याची घोषणा मंत्री मंगल प्रभात लोढा यांनी केली.
