Trimbakeshwar : त्र्यंबकेश्वर येथील पेड दर्शन घोटाळ्यातील (Trimbakeshwar Paid Darshan Scam) मुख्य संशयित पुरुषोत्तम कडलग (Purushottam Kadlag) याला अखेर अडीच महिन्यांनी उच्च न्यायालयाने जामीन मंजूर करत दिलासा दिला आहे. गुरुवारी (दि. २५) झालेल्या सुनावणीत न्यायालयाने काही अटी व शर्ती घालत कडलगला दिलासा दिला. दरम्यान, या घोटाळ्यातील उर्वरित चार संशयित मात्र अद्यापही तुरुंगातच आहेत.
Nashik Crime News : गेल्या काही दिवसांपासून नाशिकमध्ये गुन्हेगारीच्या घटनांमध्ये वाढ होत असल्याचे दिसून येत आहे. तपोवन (Tapovan) येथे सुटकेसमधील आढळलेला महिलेचा ...
नेमकं प्रकरण काय ?
त्र्यंबकेश्वर मंदिरात (Trimbakeshwar Temple) 'व्हीआयपी' दर्शनाच्या नावाखाली भाविकांकडून पैसे उकळल्याच्या तक्रारी वारंवार येत होत्या. 11 एप्रिल रोजी नाशिकच्या पंचवटी भागातील भाविक अनंता सुरेश मेहंदळे आणि त्यांचे मित्र दर्शनासाठी आले होते. त्यांनी 200 रुपयांचा अधिकृत देणगी पास घेतला होता, मात्र रांगेत उभे असताना संशयितांनी त्यांना गाठले. "रांगेतून दर्शनाला 4-5 तास लागतील, आम्ही 10 मिनिटांत दर्शन घडवून देतो," असे आमिष दाखवून संशयितांनी या भाविकांकडून 3 हजार रुपये रोख स्वीकारले. देवस्थान ट्रस्टची कोणतीही अधिकृत 'पेड दर्शन' सुविधा नसतानाही, भाविकांना आत सोडून त्यांची फसवणूक करण्यात आली. याप्रकरणी अनंता मेहंदळे यांनी त्र्यंबकेश्वर पोलीस ठाण्यात (Trimbakeshwar Police Station) फिर्याद दाखल केली.
Kalpana Kharat : शिर्डी येथील भूखंड बळकावल्याच्या कथित प्रकरणात अटकपूर्व जामीन अर्ज उच्च न्यायालयाने फेटाळल्यानंतर भोंदू म्हणून चर्चेत असलेल्या अशोक खरात ...
उच्च न्यायालयाकडून दिलासा
या प्रकरणात पोलिसांनी (Trimbakeshwar Police )सर्वात आधी गोटीराम मनाजी पेहरे (Gotiram Manaji Pehre) आणि अभिषेक कडलग (Abhishek Kadlag) (पुरुषोत्तम कडलगचा पुतण्या) या दोघांविरोधात गुन्हा दाखल केला होता. तपासादरम्यान या संपूर्ण रॅकेटमध्ये विश्वस्त पुरुषोत्तम कडलगचा (Purushottam Kadlag) सहभाग असल्याचे धागेदोरे पोलिसांच्या हाती लागले, त्यानंतर पुरुषोत्तम कडलगला अटक करण्यात आली होती. त्र्यंबकेश्वर पोलिसांनी (Trimbakeshwar Police ) १४ एप्रिल रोजी त्याला बेड्या ठोकल्या होत्या. त्यानंतर तपासाची व्याप्ती पाहता पोलिसांच्या मागणीनुसार जिल्हा न्यायालयाने (Nashik District Court) त्याला तीन वेळा पोलीस कोठडी सुनावली होती. कोठडीची मुदत संपल्यानंतर त्याची रवानगी न्यायालयीन कोठडीत (Judicial custody) करण्यात आली होती.
राज्यातील वाहतूक व्यवस्था अधिक वेगवान आणि सुलभ करण्यासाठी राज्य सरकारने दोन महत्त्वाच्या पायाभूत सुविधा प्रकल्पांना मंजुरी दिली आहे. मुख्यमंत्री ...
यादरम्यान कडलगने जिल्हा न्यायालयात (Nashik District Court) अनेकदा जामिनासाठी अर्ज केले, मात्र न्यायालयाने त्याचे सर्व अर्ज फेटाळून लावले होते. जिल्हा न्यायालयाकडून दिलासा न मिळाल्याने अखेर कडलगने वकिलामार्फत उच्च न्यायालयात (High Court) धाव घेतली होती. यावर गुरुवारी (दि. २५) उच्च न्यायालयात (High Court) अंतिम सुनावणी पार पडली. दोन्ही बाजूंचा युक्तिवाद् ऐकल्यानंतर न्यायालयाने पुरुषोत्तम कडलग याला सशर्त जामीन मंजूर करत मोठा दिलासा दिला.