Crime News : भिशीच्या पैशांवरून वाद; तरुणाची आत्महत्या, मृत्यूपूर्वीच्या व्हिडीओने खळबळ

Ahilyanagar Crime News :हिल्यानगर मधून एक खळबळजनक घटना समोर आली आहे. भिशीचे लाखो रुपये अडकून आर्थिक संकटात सापडलेल्या विष निवडुंगे येथील एका ३५ वर्षीय तरुणाने विष प्राशन करून आत्महत्या केल्याची धक्कादायक घटना समोर आली आहे. बाळासाहेब कुंडलिक ढवळे असे मृत तरुणाचे नाव असून, आत्महत्येपूर्वी त्यांनी तयार केलेल्या व्हिडीओमध्ये तिघांची नावे घेत गंभीर आरोप केले आहेत.



नेमकं काय घडलं ?


मिळालेल्या माहितीनुसार, बाळासाहेब ढवळे यांनी मंगळवारी सायंकाळी विष प्राशन केले. त्यानंतर त्यांना उपचारासाठी तातडीने शेवगाव (Shevgaon) येथील रुग्णालयात दाखल करण्यात आले. मात्र प्रकृती चिंताजनक झाल्याने बुधवारी त्यांना पुढील उपचारांसाठी अहिल्यानगर (Ahilyanagar) येथे हलविण्यात येत होते. दरम्यान, रुग्णालयात नेत असतानाच त्यांचा मृत्यू झाला.


आत्महत्येपूर्वी ढवळे यांनी एक व्हिडीओ तयार केला होता. या व्हिडीओमध्ये त्यांनी तिघांची नावे घेत भिशीचे लाखो रुपये परत न मिळाल्यामुळे आपण गंभीर आर्थिक अडचणीत सापडलो असल्याचा दावा केला आहे. याच आर्थिक तणावामुळे आत्महत्या करण्याची वेळ आल्याचेही त्यांनी नमूद केले आहे. तसेच आपण राष्ट्रीय स्वयंसेवक संघाच्या (आरएसएस) कामात सक्रिय झाल्यानंतर काहींकडून मानसिक त्रास दिला जात असल्याचाही आरोप त्यांनी व्हिडीओत केला आहे.


हा व्हिडीओ सोशल मीडियावर मोठ्या प्रमाणात व्हायरल झाला असून, परिसरात खळबळ उडाली आहे. दरम्यान, पोलिसांनी घटनेचा तपास सुरू केला असून, व्हिडीओमधील आरोपांच्या आधारे तपासाची दिशा निश्चित केली जाणार आहे. पाथर्डी पोलीस संबंधित व्यक्तींचा शोध घेत असल्याची माहिती मिळाली आहे.



हिंदुत्ववादी संघटना आक्रमक


घटनेनंतर विविध हिंदुत्ववादी संघटनांनी तीव्र संताप व्यक्त केला आहे. सरपंच संजय मरकड, किरण अकोलकर आणि बाळासाहेब गीते यांनी संबंधितांवर तात्काळ गुन्हे दाखल करून अटक करण्याची मागणी केली आहे. आरोपींवर कठोर कारवाई न झाल्यास तीव्र आंदोलन छेडण्याचा इशाराही त्यांनी दिला आहे.


मृत बाळासाहेब ढवळे यांचे भाऊ महेश ढवळे यांच्या फिर्यादीवरून गुन्हा दाखल करण्याची प्रक्रिया सुरू असल्याचे समजते. या घटनेमुळे निवडुंगे परिसरात काही काळ तणावपूर्ण वातावरण निर्माण झाले होते.

Comments
Add Comment

FIFA WORLDCUP 2026 : नवा नियम ठरला पॅराग्वेच्या खेळाडूला महागात! मिगेल अल्मिरॉनला दाखवले थेट रेड कार्ड

Santa Clara, California : विश्वचषक फुटबॉल स्पर्धेत एका नवीन आणि कडक नियमामुळे पॅराग्वेचा मिडफिल्डर मिगेल अल्मिरॉन चर्चेत आला

Agriculture Minister Dattatray Bharne : राज्यातील ९० लाखांहून अधिक शेतकऱ्यांना खरीप हंगामाच्या पार्श्वभूमीवर मोठा दिलासा मिळणार

प्रधानमंत्री किसान सन्मान निधी योजनेच्या २३ व्या हप्त्याचे वितरणः कृषी मंत्री दत्तात्रय भरणे राज्यातील ९०.८५

FIFA World Cup 2026 : 10 खेळाडूंनीच केला पराक्रम! तुर्कीला हरवत पॅराग्वेची मोठी कामगिरी

Santa Clara, California: विश्वचषक फुटबॉल स्पर्धेत शुक्रवारी झालेल्या थरारक सामन्यात पॅराग्वेने १० खेळाडूंसह खेळून तुर्कीचा

Ahilyanagar : धरणांतील पाणी ३० सप्टेंबरपर्यंत पिण्यासाठी राखीव; बेकायदा पाणीउपसा तात्काळ बंद करण्याचे आदेश

Ahilyanagar :  एल-निनोच्या संभाव्य परिणामांच्या पार्श्वभूमीवर जिल्ह्यातील पाणीटंचाईची स्थिती लक्षात घेऊन धरणांतील

FIFA World Cup 2026 : ख्रिश्चन पुलिसिकच्या अनुपस्थितीतही ऑस्ट्रेलियावर मात, बाद फेरीत धडक

Seattle: विश्वचषक फुटबॉल स्पर्धेत अमेरिकेने आपला विजयी रथ कायम राखला आहे. शुक्रवारी झालेल्या सामन्यात ऑस्ट्रेलियावर

Ahilyanagar : वारीच्या नियोजनासाठी दिंड्यांची माहिती २५ जूनपर्यंत द्या; पाणी बचतीचे मंत्री विखे पाटील यांचे आवाहन

Ahilyanagar : आषाढी वारीच्या पार्श्वभूमीवर दिंड्या आणि वारकऱ्यांसाठी आवश्यक सुविधा उपलब्ध करून देण्यासाठी प्रत्येक