Ashwini Bhide : भांडुप  जलशुद्धीकरण प्रकल्प अंतर्गत अतिउच्चदाब विद्युत मनोरे  स्थलांतरित 

कार्यकारी अभियंता  राजेश कापडणीस, सहायक अभियंता ऋषिकेश वर्तक ,  दुय्यम अभियंता  गुरुराज ऐवळे, दुय्यम अभियंता सुबोध नाखरेकर यांचा त्यात समावेश आहे. उपायुक्त  (महानगरपालिका आयुक्त कार्यालय) प्रशांत गायकवाड, उपायुक्त (विशेष अभियांत्रिकी) पुरूषोत्तम माळवदे, प्रमुख अभियंता (पाणीपुरवठा प्रकल्प)  चंद्रकांत चौधरी यावेळी उपस्थित होते. भांडुप संकुल येथील २००० दशलक्ष लीटर प्रतिदिन क्षमतेचा जलशुद्धीकरण प्रकल्प आशियातील सर्वात मोठ्या जलशुद्धीकरण प्रकल्पांपैकी एक ठरणार आहे. अत्याधुनिक तंत्रज्ञानावर आधारित हा प्रकल्प कमीत कमी जागेत (Minimum Footprintj) आणि शून्य सांडपाणी विसर्ग (Zero Waste Water Discharge) या संकल्पनेनुसार विकसित करण्यात येत आहे. प्रस्तावित प्रकल्पाच्या जागेतून मेसर्स टाटा पॉवर कंपनी लिमिटेड यांच्या अतिउच्चदाब (Extra High Voltage - EHV) विद्युत पारेषण वाहिन्या जात असल्यामुळे या मनोऱ्यांचे स्थलांतरण करणे आवश्यक होते. त्यानुसार, महानगरपालिकेने टाटा पॉवर कंपनीकडून या वीज प्रसारण वाहिन्यांच्या स्थलांतरणाची प्रक्रिया सुरू केली.

टाटा पॉवर कंपनीने या कामासाठी वस्तू् व  सेवा करासह १४ कोटी ७० लाख रूपये इतका अंदाजित खर्च सादर केला. करारातील तरतुदीनुसार, प्रकल्पाचे कंत्राटदार  वेलस्पन एंटरप्रायझेस लिमिटेड यांना आवश्यक आगाऊ रक्कम अदा केली. स्थलांतर योजनेनुसार, विद्यमान ३ अतिउच्चदाब मनोऱ्यांच्या स्थलांतरणासाठी सुमारे ५०० मीटर लांबीच्या परिसरात ५ नवीन मनोरे उभारण्यात आले. विद्युत पारेषण वाहिन्यांचे स्थलांतरणाचे काम फेब्रुवारी २०२६ मध्ये यशस्वीरित्या पूर्ण झाले. जुन्या ३ मनोऱ्यांपैकी २ मनोरे पूर्णपणे हटविण्यात आले आहेत.

amp/"> amp/" class="section-post-content-internal-post-title">Pratap Sarnaik : मराठी भाषा प्रमाणपत्र नसल्यास १५ ऑगस्टनंतर अमराठी रिक्षा-टॅक्सी चालकांवर कारवाई

१ जून ते १५ ऑगस्टदरम्यान चार तासांचे मोफत प्रशिक्षण अनिवार्य मुंबई : राज्यातील, विशेषतः मुंबई महानगर प्रदेशातील (एमएमआर) अमराठी रिक्षा (Non-MARATHI )आणि ...