Alternative Transport Hub : बोरिवली स्थानकावरील गर्दी कमी होणार; कांदिवलीचा 'पर्यायी वाहतूक केंद्र' म्हणून विकास

मुंबई: पश्चिम रेल्वेवरील सर्वात वर्दळीचे स्थानक असलेल्या बोरिवली स्थानकावरील प्रवाशांचा ताण कमी करण्यासाठी रेल्वे प्रशासनाने मास्टर प्लॅन तयार केला आहे. आता बोरिवली स्थानकाचा भार हलका करण्यासाठी कांदिवली स्थानकाचा 'पर्यायी वाहतूक केंद्र' (Alternative Transport Hub) म्हणून विकास करण्याचा निर्णय घेण्यात आला आहे. रेल्वेमंत्री अश्विनी वैष्णव यांनी या प्रकल्पासाठी हिरवा कंदील दिला असून दोन्ही स्थानकांचा एकात्मिक पुनर्विकास केला जाणार आहे.

Donald Trump : वाटाघाटींच्या टेबलावर इराणचा नवा डाव; ट्रम्प यांना समजून घेण्यासाठी मानसोपचारतज्ज्ञांची मदत

वॉशिंग्टन: अमेरिका आणि इराण यांच्यातील युद्धविरामासाठी सुरू असलेल्या अप्रत्यक्ष चर्चेदरम्यान, अमेरिकेचे राष्ट्राध्यक्ष डोनाल्ड ट्रम्प यांच्या ...

बोरिवली स्थानकावर प्रचंड ताण

बोरिवली हे पश्चिम रेल्वेचे एक प्रमुख केंद्र आहे. या स्थानकावरील गर्दीची आकडेवारी पाहता हा बदल अत्यंत आवश्यक होता:

• दैनिक प्रवासी संख्या: सुमारे ३.६५ लाख प्रवासी.

• रेल्वे सेवा: दररोज सुमारे १,२०० लोकल फेऱ्या आणि १९१ लांब पल्ल्याच्या गाड्यांची ये-जा. प्रवाशांची वाढती संख्या पाहता गर्दीचे नियोजन करणे रेल्वेसाठी मोठे आव्हान ठरत होते, त्यामुळे आता काही वाहतूक कांदिवली स्थानकाकडे वळविण्याचे नियोजन आहे.

Corridor : विरार-अलिबाग मार्गिकेचा मार्ग मोकळा; निविदा प्रक्रियेला लवकरच सुरुवात; कोकण विकासाला मिळणार चालना

मुंबई: राज्यातील पायाभूत सुविधांच्या दृष्टीने अत्यंत महत्त्वाकांक्षी असलेल्या 'विरार-अलिबाग बहुउद्देशीय मार्गिका' प्रकल्पाच्या कामाला मोठी गती ...

काय असणार आहे पुनर्विकासात?

एकात्मिक पुनर्विकास योजनेअंतर्गत दोन्ही स्थानकांचा कायापालट होणार आहे:

• बोरिवली स्थानकासाठी विशेष: नवीन उद्वाहक (Lifts), सरकते जिने (Escalators), स्कायवॉक, अतिरिक्त फलाट आणि आधुनिक पादचारी पूल (FOB) उभारले जाणार आहेत. पादचारी मार्ग अधिक रुंद करून प्रवासी वाहतूक व्यवस्था सुलभ केली जाईल.

• कांदिवली स्थानकासाठी विशेष: कांदिवली स्थानकाला अत्याधुनिक सुविधांसह एक महत्त्वाचे वाहतूक केंद्र म्हणून विकसित केले जाईल.

Devendra Fadnavis : पाऊस २३ जूननंतरच, पाणी जपून वापरा!

सर्व जिल्हाधिकाऱ्यांना सूचना; मंत्रिमंडळ बैठकीत मुख्यमंत्र्यांनी घेतला आढावा मुंबई : राज्यात मान्सूनचे आगमन लांबणीवर गेल्यामुळे अनेक ...

प्रवाशांना मिळणार 'मल्टि-मोडल' कनेक्टिव्हिटी

दोन्ही स्थानकांचा केवळ रेल्वेपुरता विचार न करता, त्यांना इतर सार्वजनिक वाहतुकीशी जोडण्यावर भर दिला जाणार आहे:

• मेट्रो आणि बस कनेक्टिव्हिटी: रेल्वे स्थानके मेट्रो, बस आणि रस्ते वाहतुकीशी अधिक प्रभावीपणे जोडली जातील.

• इतर सोयी: प्रवाशांसाठी बहुमजली वाहनतळ (Multi-level parking), वाहनांसाठी स्वतंत्र 'ड्रॉप-ऑफ' आणि 'पिक-अप' झोन, तसेच सुसज्ज जोडरस्ते (Approach roads) उभारले जातील.

बंदर कुशल मनुष्यबळ घडविण्यासाठी राज्यातील सहा आयटीआयमध्ये विशेष अभ्यासक्रम - मंत्री नितेश राणे

मुंबई: सिंधुदुर्ग, नाशिक, पालघर, औंध-पुणे, नागपूर आणि मुंबई येथील निवडक सहा आयटीआय संस्थांमध्ये बंदरे क्षेत्राशी संबंधित विशेष अभ्यासक्रम सुरू ...

प्रवाशांना काय फायदा होईल?

या प्रकल्पामुळे बोरिवली ते विरार या पट्ट्यातील लाखो प्रवाशांना अधिक सुरक्षित, जलद आणि सुखद प्रवासाचा अनुभव मिळणार आहे. गर्दीचे विभाजन झाल्यामुळे स्थानकांवरील चेंगराचेंगरीचा धोका टळण्यास मदत होईल. मुंबई उपनगरीय रेल्वेच्या आधुनिकीकरणाच्या दिशेने हे एक महत्त्वाचे पाऊल मानले जात आहे.