NAGPUR: महाराष्ट्र लोकसेवा आयोगामार्फत (MPSC) घेण्यात येणाऱ्या परीक्षांच्या शिस्तपालनासाठी आयोगाने कडक पावले उचलली आहेत. आगामी रविवार, १४ जून २०२६ रोजी होणाऱ्या महाराष्ट्र गट-ब अराजपत्रित सेवा संयुक्त पूर्व परीक्षेसाठी आयोगाने नवीन आणि कठोर नियमावली जाहीर केली आहे. आता उमेदवारांना परीक्षा केंद्रावर नियोजित वेळेच्या दीड तास आधी उपस्थित राहणे बंधनकारक असणार आहे.
नागपूर : नागपूर जिल्ह्यातील एका दर्ग्यात घडलेल्या कथित सक्तीच्या धर्मांतराच्या प्रकरणामुळे मोठी खळबळ उडाली आहे. कोलकाता येथून उरूस उत्सवासाठी ...
परीक्षार्थींसाठी महत्त्वाची नियमावली:
वेळेचे नियोजन: परीक्षा सुरू होण्यापूर्वी किमान दीड तास (९० मिनिटे) आधी परीक्षा उपकेंद्रावर पोहोचणे अनिवार्य आहे.
परीक्षा कक्ष प्रवेश: प्रत्यक्ष परीक्षा सुरू होण्याच्या वेळेपूर्वी एक तास आधी स्वतःच्या बैठक क्रमांकावर उपस्थित राहणे गरजेचे आहे.
उशिरा येणाऱ्यांसाठी प्रवेश बंदी: विहित वेळेनंतर कोणत्याही परिस्थितीत उमेदवाराला परीक्षा कक्षात प्रवेश दिला जाणार नाही. अशा स्थितीत होणाऱ्या नुकसानीस आयोग जबाबदार राहणार नाही.
प्रवेश प्रमाणपत्र (Hall Ticket): आयोगाच्या अधिकृत संकेतस्थळावरून (https://mpsconline.gov.in) डाऊनलोड केलेले मूळ प्रवेश प्रमाणपत्र सोबत आणणे अनिवार्य आहे. त्याशिवाय प्रवेश नाकारला जाईल.
मुंबई : महाराष्ट्राच्या मातृभाषेचा सन्मान राखत आणि प्रवाशांशी संवाद अधिक सुलभ व आत्मीय करण्याच्या उद्देशाने सुरू करण्यात आलेल्या अमराठी ...
आयोगाचा इशारा:
परीक्षांच्या दिवशी आंदोलने, वाहतूक कोंडी किंवा अतिवृष्टीसारख्या समस्या उद्भवू शकतात, हे लक्षात घेऊनच विद्यार्थ्यांनी वेळेपूर्वी निघणे गरजेचे आहे. आयोगाच्या सूचनांचे उल्लंघन केल्यास संबंधित उमेदवारावर ठराविक कालावधीसाठी किंवा कायमस्वरूपी परीक्षेला बसण्यावर बंदी (Debar) घातली जाऊ शकते.
उमेदवारांनी काय करावे?
१. आयोगाच्या संकेतस्थळावर जाऊन आपले प्रवेश प्रमाणपत्र (Hall Ticket) वेळेत डाऊनलोड करा. २. 'गायडन्स ऑफ एक्झामिनेशन' या सदराखाली दिलेल्या सर्व मार्गदर्शक सूचना पुन्हा एकदा शांतपणे वाचा. ३. परीक्षेच्या आदल्या दिवशीच परीक्षा केंद्राचे अंतर आणि प्रवासाचे साधन निश्चित करा.
