नालासोपारा : गेल्या ५ महिन्यांपासून बेपत्ता असलेल्या कुख्यात गँगस्टर रवि बिडलान (Ravi Bidlan Murder Case) प्रकरणात मोठा खुलासा झाला आहे. नालासोपारा पूर्व परिसरातील वैतिवाडी येथे ड्रेनेज चेंबरमधून मानवी सांगाडा जप्त करण्यात आला असून, तो रवि बिडलान याचाच असल्याचा संशय व्यक्त केला जात आहे. या प्रकरणी पोलिसांनी एकाला अटक केली असून आणखी 4 जणांना ताब्यात घेतले आहे. (Nalasopara Murder Case)
रवि बिडलान (वय ३४) हा जानेवारी महिन्यापासून बेपत्ता होता. त्याच्या कुटुंबीयांनी २६ जानेवारी रोजी आचोळे पोलीस ठाण्यात बेपत्ता झाल्याची तक्रार दाखल केली होती. मात्र, अनेक महिने शोध घेऊनही त्याचा कोणताही ठावठिकाणा लागत नव्हता.
दरम्यान, गुरुवारी रात्री रवि बिडलान यांच्या पत्नीला काही व्यक्ती दारू पार्टीदरम्यान त्याच्या हत्येबाबत चर्चा करत असल्याची माहिती मिळाली. संबंधित व्यक्तींनी रविचा खून करून मृतदेह नाल्यात टाकल्याचे बोलले जात असल्याचे समजताच त्यांनी तातडीने पोलिसांना माहिती दिली.
बॉलिवूड (Bollywood) अभिनेता राम चरण (Ram Charan) आणि अभिनेत्री जान्हवी कपूर (Janhvi kapoor) यांचा बहुचर्चित 'पेड्डी' (Peddi) चित्रपट बॉक्स ऑफिसवर (Box Office Colletion) दमदार सुरुवात करण्यात ...
या माहितीच्या आधारे आचोळे पोलिसांनी आणि अग्निशमन दलाने संयुक्त कारवाई केली. वैतिवाडी परिसरातील ड्रेनेज चेंबरमध्ये शोधमोहीम राबवण्यात आली. यावेळी तेथून मानवी सांगाडा आणि काही फाटलेले कपडे सापडले. घटनास्थळी आढळलेल्या कपड्यांची ओळख रवि बिडलान यांच्या पत्नीने केली.
या प्रकरणात सुमित सालासार उर्फ 'बा' याला अटक करण्यात आली आहे. तसेच रोहन जगदाळे उर्फ 'टायगर' याच्यासह इतर ४ संशयितांना ताब्यात घेण्यात आले आहे. पोलिसांनी हत्या आणि पुरावे नष्ट करण्यासह विविध कलमांखाली गुन्हा दाखल केला आहे.
मात्र, सापडलेला सांगाडा नेमका रवि बिडलान याचाच आहे का, याची अधिकृत पुष्टी डीएनए आणि इतर वैज्ञानिक तपासणीनंतरच होणार आहे. पोलिस या संपूर्ण प्रकरणाचा सखोल तपास करत आहेत.
