बॉलिवूड (Bollywood) अभिनेता राम चरण (Ram Charan) आणि अभिनेत्री जान्हवी कपूर (Janhvi kapoor) यांचा बहुचर्चित 'पेड्डी' (Peddi) चित्रपट बॉक्स ऑफिसवर (Box Office Colletion) दमदार सुरुवात करण्यात यशस्वी ठरला आहे. प्रदर्शनाच्या पहिल्याच दिवशी चित्रपटाने सर्व भाषांमधून मोठी कमाई करत निर्मात्यांना दिलासा दिला. रिलीजपूर्वी झालेल्या पेड प्रिव्ह्यू शोंनाही प्रेक्षकांचा चांगला प्रतिसाद मिळाला होता.
उपलब्ध आकडेवारीनुसार, चित्रपटाने पेड प्रिव्ह्यूमधून सुमारे १८.५० कोटी रुपयांची कमाई केली. त्यानंतर गुरुवारी प्रदर्शित झालेल्या पहिल्या दिवशी चित्रपटाच्या खात्यात ५१ कोटी रुपयांची भर पडली. त्यामुळे सुरुवातीच्या दोन दिवसांतच चित्रपटाने मजबूत कमाई नोंदवली.
Toxic Liquor Case : विषारी दारू प्रकरणानंतर राज्य उत्पादन शुल्क विभागाची धडक मोहीम; १.४७ कोटींचा मुद्देमाल जप्त
फुगेवाडी, दापोडी आणि हडपसर परिसरातील कथित मेथेनॉल मिश्रित गावठी दारू प्राशन प्रकरणानंतर राज्य उत्पादन शुल्क विभागाने अवैध दारू निर्मिती आणि ...
मात्र दुसऱ्या दिवशी चित्रपटाच्या कमाईत काहीशी घट झाल्याचे दिसून आले. रिपोर्टनुसार, शुक्रवारी 'पेड्डी'ने देशांतर्गत बॉक्स ऑफिसवर सुमारे २६.९० कोटी रुपयांची निव्वळ कमाई केली. यामुळे भारतातील चित्रपटाची एकूण कमाई ९६.४० कोटी रुपयांपर्यंत पोहोचली आहे.
जागतिक स्तरावरही चित्रपटाला चांगला प्रतिसाद मिळत आहे. आतापर्यंत 'पेड्डी'ने जगभरात १५० कोटी रुपयांहून अधिक कमाई केल्याचे सांगितले जात आहे. त्यामुळे चित्रपटाने पहिल्याच आठवड्यात मजबूत सुरुवात केली असल्याचे चित्र दिसत आहे.
चित्रपटाचे बजेट सुमारे ३५० कोटी रुपये असल्याचे बोलले जात आहे. त्यामुळे पुढील काही दिवसांतील कमाई चित्रपटासाठी महत्त्वाची ठरणार आहे. विशेषतः शनिवार आणि रविवारी प्रेक्षकांची गर्दी वाढल्यास चित्रपटाला मोठा फायदा होऊ शकतो.
दरम्यान, शनिवारच्या कमाईनंतर 'पेड्डी' भारतात१०० कोटी रुपयांचा टप्पा पार करेल, अशी शक्यता व्यक्त केली जात आहे. आता पहिल्या विस्तारित वीकेंडअखेर चित्रपट किती कमाई करतो याकडे चित्रपटसृष्टीचे लक्ष लागले आहे.
