मुंबई : दक्षिण मुंबईतील पायधुनी परिसरात राहणाऱ्या डोकाडिया कुटुंबातील चौघांच्या मृत्यू प्रकरणाचे गूढ (mystery) दिवसेंदिवस अधिकच गडद होत आहे. सुरुवातीला कलिंगडाच्या सेवनामुळे (consumption) चौघांचा मृत्यू झाल्याचा प्राथमिक संशय व्यक्त करण्यात आला होता. मात्र, आता डोकाडिया कुटुंबाच्या घरातून जप्त करण्यात आलेल्या सुरी, ताटे, चमचे, चिकन बिर्याणी, तांदूळ तसेच हर्बल उंदीरनाशक (herbal rat repellent) यामध्ये विषारी झिंक फॉस्फाईड (Zinc Phosphide) आढळून न आल्याचे नव्या फॉरेन्सिक (forensic) अहवालातून स्पष्ट झाले आहे.
प्राथमिक न्यायवैद्यक (forensic) अहवालानुसार कलिंगड तसेच मृतांच्या अंतर्गत अवयवांच्या नमुन्यांमध्ये म्हणजेच व्हिसेरामध्ये (viscera) झिंक फॉस्फाईड आढळून आले होते. त्यामुळे विषबाधेमुळे (poisoning) चौघांचा मृत्यू झाल्याचे संकेत मिळाले होते. उंदीर मारण्यासाठी वापरले जाणारे हे विष कलिंगडामध्ये कसे पोहोचले, याचा शोध पोलीस घेत आहेत. दुसऱ्या फॉरेन्सिक चाचण्यांमुळे (forensic tests) या प्रकरणातील गूढ उकलण्यास मदत होईल, अशी अपेक्षा व्यक्त करण्यात येत होती.
कल्याण : नीट पेपरफुटी(NEET Paper Leak Case) प्रकरणातील तपासाचे कनेक्शन आता थेट कल्याणपर्यंत पोहोचले आहे. देशभरात खळबळ उडवून देणाऱ्या या बहुचर्चित घोटाळ्याच्या ...
२६ एप्रिल रोजी ४० वर्षीय अब्दुल्ला डोकाडिया, त्यांची पत्नी नसरीन (३५) आणि दोन मुली आयेशा (१६) व झैनब (१३) यांचा रुग्णालयात मृत्यू झाला होता. मृत्यूपूर्वीच्या रात्री त्यांनी पाच नातेवाईकांसह घरी चिकन बिर्याणीचे जेवण केले होते. त्यानंतर मध्यरात्रीनंतर चौघांनी कलिंगड खाल्ले होते.
पोलीस सूत्रांच्या माहितीनुसार, पायधुनी येथील घरातून जप्त करण्यात आलेला स्वयंपाकघरातील चाकू, तीन मोठे चमचे, चार ताटे, कच्चे तांदूळ, चिकन बिर्याणी आणि उंदीर पळवून लावणाऱ्या स्प्रेची (spray) बाटली तपासणीसाठी पाठविण्यात आली होती. या आठवड्यात प्राप्त झालेल्या तपासणी अहवालात (test report) या सर्व वस्तूंमध्ये झिंक फॉस्फाईड नसल्याचे स्पष्ट झाले असून चाचणीचा निकाल निगेटिव्ह (negative) आला आहे.
नागपूर : नागपूरमध्ये महसूल गुप्तचर संचालनालय (Directorate of Revenue Intelligence - DRI) ने मोठी कारवाई करत तब्बल ५२२.५५४ किलो गांजा जप्त केला आहे. ओडिशा–आंध्र प्रदेश सीमेवरून ...
या प्रकरणाचा तपास (investigation) आता चार वेगवेगळ्या अँगलमधून केला जात आहे. यामध्ये सामूहिक हत्या (mass murder), कुटुंबीयांची हत्या करून आत्महत्या (murder-suicide), सामूहिक आत्महत्या (mass suicide) आणि अपघाती मृत्यू (accidental death) या शक्यतांचा समावेश आहे. तसेच आर्थिक व्यवहारांचा (financial angle) देखील सखोल तपास सुरू असल्याची माहिती पोलिसांनी दिली आहे.
दरम्यान, पोलीस अद्याप झैनबच्या शवविच्छेदन (postmortem) अहवालाची तसेच कुटुंबातील सदस्यांच्या मोबाईल फोनच्या सायबर विश्लेषण (cyber analysis) अहवालांची प्रतीक्षा करत आहेत. या अहवालांनंतर प्रकरणातील अनेक महत्त्वाच्या प्रश्नांची उत्तरे मिळण्याची शक्यता आहे.