कल्याण : नीट पेपरफुटी(NEET Paper Leak Case) प्रकरणातील तपासाचे कनेक्शन आता थेट कल्याणपर्यंत पोहोचले आहे. देशभरात खळबळ उडवून देणाऱ्या या बहुचर्चित घोटाळ्याच्या तपासादरम्यान सीबीआय (Central Bureau of Investigation) (CBI) ने कल्याणमधील एका विद्यार्थिनीची चौकशी केली आहे. हजारो विद्यार्थ्यांच्या भवितव्याशी संबंधित असलेल्या या प्रकरणाचे धागेदोरे कल्याणपर्यंत पोहोचल्याने तपासाला नवे वळण मिळण्याची शक्यता व्यक्त केली जात आहे. या कारवाईची शहरात मोठी चर्चा सुरू असून संबंधित विद्यार्थिनीची नेमकी भूमिका काय आहे, याबाबत उत्सुकता वाढली आहे.
नेमकं काय आहे प्रकरण?
नीट पेपरफुटी प्रकरणाच्या तपासादरम्यान कल्याणजवळील म्हाराळ परिसरात ही कारवाई करण्यात आली. नीट पेपरफुटी प्रकरणाचा तपास करणाऱ्या सीबीआयच्या विशेष पथकाने थेट विद्यार्थिनीच्या घरी भेट देत तिचा जबाब नोंदवला असल्याची माहिती समोर आली आहे. या महाघोटाळ्याचे धागेदोरे यापूर्वी अनेक राज्यांमध्ये सापडले होते. मात्र, सीबीआयची थेट कल्याणमध्ये झालेली एन्ट्री प्रकरणाचे गांभीर्य अधिक अधोरेखित करणारी मानली जात आहे. या प्रकरणात संबंधित विद्यार्थिनी किंवा तिच्या कुटुंबातील सदस्यांचा नेमका संबंध काय आहे, याबाबत अद्याप कोणतीही अधिकृत माहिती समोर आलेली नाही. मात्र, तपास यंत्रणेने थेट घरी जाऊन चौकशी केल्याने स्थानिक स्तरावर विविध चर्चांना उधाण आले आहे.
सूत्रांकडून मिळालेल्या माहितीनुसार, संबंधित विद्यार्थिनी एका अशा विद्यार्थ्याच्या नियमित संपर्कात होती, जो आधीपासूनच तपास यंत्रणांच्या रडारवर आहे. सीबीआयने त्या संशयित विद्यार्थ्याचे Call Details Records (CDR) आणि संपर्कांची पडताळणी केली असता कल्याणमधील या विद्यार्थिनीचा संपर्क क्रमांक(Mobile Number) समोर आला.
नागपूर : नागपूरमध्ये महसूल गुप्तचर संचालनालय (Directorate of Revenue Intelligence - DRI) ने मोठी कारवाई करत तब्बल ५२२.५५४ किलो गांजा जप्त केला आहे. ओडिशा–आंध्र प्रदेश सीमेवरून ...
याच संपर्काच्या धाग्यावरून सीबीआयचे पथक थेट कल्याणमध्ये पोहोचले आणि विद्यार्थिनीची सविस्तर चौकशी केली. या कारवाईनंतर तपासाला आणखी महत्त्वाचे धागेदोरे मिळण्याची शक्यता वर्तवली जात आहे.
दरम्यान, संबंधित विद्यार्थिनीच्या वडिलांशी संपर्क साधला असता त्यांनी अधिक माहिती देण्यास नकार दिला. माझी मुलगी एका दुसऱ्या विद्यार्थ्याच्या संपर्कात होती. त्यातूनच तिचा मोबाईल नंबर तपास यंत्रणांच्या निदर्शनास आला, असे त्यांनी सांगितले.
नवी दिल्ली : भारताच्या समुद्री ऊर्जा (Offshore Energy) संशोधनात एक महत्त्वपूर्ण यश मिळाले आहे. ऑईल इंडिया लिमिटेड (OIL) ने अंदमान समुद्रात (Andaman Sea) खोदलेल्या एका संशोधन ...
तसेच, सीबीआयच्या अधिकाऱ्यांनी घरी येऊन केवळ प्राथमिक चौकशी केली असल्याचे स्पष्ट करत त्यांनी यापुढे भाष्य करण्यास नकार दिला. विद्यार्थिनीचा त्या संशयिताशी केवळ संपर्क होता की NEET Paper Leak Racket मध्ये तिचा कोणताही प्रत्यक्ष सहभाग आहे, याचा शोध आता सीबीआय घेत आहे.