नवी दिल्ली : भारताच्या समुद्री ऊर्जा (Offshore Energy) संशोधनात एक महत्त्वपूर्ण यश मिळाले आहे. ऑईल इंडिया लिमिटेड (OIL) ने अंदमान समुद्रात (Andaman Sea) खोदलेल्या एका संशोधन विहिरीत नैसर्गिक वायूचा (Natural Gas) मोठा साठा असल्याचे संकेत मिळाले आहेत. केंद्रीय पेट्रोलियम आणि नैसर्गिक वायू मंत्री हरदीप सिंह पुरी यांनी ही माहिती जाहीर केली आहे.
कुठे लागला नैसर्गिक वायूचा शोध?
हा शोध ‘श्री विजयपुरम-3’ (SRI VIJAYPURAM-3) या संशोधन विहिरीत लागला आहे. ही विहीर अंदमान बेटांच्या (Andaman Islands) पूर्व किनाऱ्यापासून सुमारे १५ किलोमीटर अंतरावर असून ३५५ मीटर खोल समुद्रात (Deep Water) स्थित आहे. या विहिरीचे उत्खनन (Drilling) १,९०० मीटरहून अधिक खोलीपर्यंत करण्यात आले. Eocene Formation मध्ये करण्यात आलेल्या या उत्खननादरम्यान सुरुवातीच्या उत्पादन चाचणीमध्ये (Production Test) सतत फ्लेअरिंग (Flaring) दिसून आले, जे नैसर्गिक वायूच्या अस्तित्वाचा महत्त्वपूर्ण पुरावा मानले जात आहे.
रायगड : प्रतिपच्चंद्रलेखेव वर्धिष्णुर्विश्ववंदिता। शाहसुनोः शिवस्यैषा मुद्रा भद्राय राजते।। छत्रपती शिवाजी महाराजांची ही राजमुद्रा आजही ...
केंद्रीय मंत्री हरदीप सिंह पुरी यांनी X वर पोस्ट करताना म्हटले की, “अंदमान समुद्रातील ऊर्जा (Energy) क्षमतेबाबत आणखी एक सकारात्मक यश मिळाले आहे. ऑईल इंडिया लिमिटेडने अंदमान बेटांच्या पूर्व किनाऱ्यापासून १५ किलोमीटर अंतरावर ३५५ मीटर खोल पाण्यात खोदलेल्या ‘श्री विजयपुरम-3’ या संशोधन विहिरीत नैसर्गिक वायूचे अस्तित्व नोंदवले आहे. Eocene Formation मध्ये १,९०० मीटरहून अधिक खोलीवर घेतलेल्या सुरुवातीच्या उत्पादन चाचणीदरम्यान सतत फ्लेअरिंग (Continuous Flaring) आढळले, ज्यामुळे नैसर्गिक वायूचा साठा असल्याचे स्पष्ट झाले आहे.”
या शोधामुळे भारताच्या ऊर्जा सुरक्षा (Energy Security) आणि स्वदेशी ऊर्जा उत्पादनाला (Domestic Energy Production) मोठी चालना मिळण्याची शक्यता व्यक्त केली जात आहे.
