थलपती विजय हे दाक्षिणात्य चित्रपटसृष्टीतील मोठे नाव. त्यांनी अनेक सुपरहिट चित्रपट दिले आहेत. राजकारणात प्रवेश करण्यापूर्वीच त्यांनी अभिनय क्षेत्रातून निवृत्ती घेतली. आता ते मुख्यमंत्री म्हणून राज्याचे नेतृत्व करत आहेत. तर थलपती विजय यांचा मुलगा प्रेक्षकांचं मनोरंजन करण्यासाठी सज्ज आहे. लवकरच त्याचा पहिला चित्रपट प्रदर्शित होत आहे.
थलपती विजय उर्फ जोसेफ विजय यांचा मुलगा जेसन संजय हा चिटपटसृष्टीत दिग्दर्शक म्हणून पदार्पण करणार आहे. त्याने दिग्दर्शित केलेला 'सिगमा' हा चित्रपट ३१ जुलै २०२६ रोजी प्रदर्शित होणार आहे.
- बचाव कार्यासाठी एसडीआरएफ पथक तैनात; जिल्ह्यातील वरिष्ठ अधिकारी घटनास्थळी लखनऊ : उत्तर प्रदेशातील हमीरपूर जिल्ह्यात बेतवा नदीवर बांधण्यात येत ...
जोसेफ विजयच्या मुलाचा हा चित्रपट कधी रिलीज होणार आहे आणि त्यात कोणते कलाकार आहेत याबद्दल सविस्तर जाणून घेऊ...
कधी रिलीज होणार?
'सिगमा'च्या निर्मात्यांनी घोषणा केली की, या चित्रपटात संदीप किशन हे आपल्याला मुख्य भूमिकेत पाहायला मिळणार आहे. हा चित्रपट ३१ जुलै रोजी जगभरातील चित्रपटगृहात प्रदर्शित होणार आहे. हा चित्रपट तमिळनाडूचे मुख्यमंत्री विजय यांचा मुलगा जेसन संजय (Jason Sanjay) याच्या दिग्दर्शनाखालील पहिला चित्रपट आहे. त्याने चित्रपटाचं लेखनही केलं आहे. या चित्रपटाची निर्मिती लिसा प्रॉडक्शनचे (Lyca Productions) प्रमुख सुभास्करन यांनी केली आहे.
मुंबई : गेल्या काही वर्षांत भारतीय सिनेमाला अनेक ब्लॉकबस्टर चित्रपट देणारे देशातील प्रसिद्ध प्रॉडक्शन हाऊस ‘होम्बळे फिल्म्स’ आता एका नव्या ...
या चित्रपटात अॅक्शन, कॉमेडी, ट्रेझर-हंट असं भन्नाट समीकरण पाहायला मिळणार आहे, ज्यामुळे प्रेक्षकांना खूपच चांगला सिनेमॅटिक अनुभव मिळेल.
'सिगमा' या चित्रपटात संदीप किशनबरोबर फरिया अब्दुल्ला, राजु सुंदरम, संपथ राज, शिव पंडीत, अन्बू थासन, योग जपी, मगलक्ष्मी, शीला राजकुमार, कमलेश आणि किरण कोंडा यांच्याही महत्त्वाच्या भूमिका आहेत. तसेच कलील राजा, संजीव एस आणि अजय अशोक यांनी अतिरिक्त पटकथा लेखक म्हणून काम केले आहे.
अभिनेता रणवीर सिंह(Ranveer Singh) आणि फरहान अख्तर(Farhaan Akhtar) यांच्यातील वाद मिटवण्यासाठी आता सलमान खानने पुढाकार घेतल्याची माहिती समोर येत आहे. यासाठी सलमान ...
तांत्रिक बाजूंबद्दल बोलायचं झाल्यास,'सिगमा' या चित्रपटाला थामन एस (Thaman S) यांनी संगीत दिले आहे. चित्रपटाचं छायांकन कृष्णन वसंत यांनी केलं असून, एडिटींग प्रवीण केएल यांनी केली आहे. 'सिगमा'चं शूटिंग चेन्नई, थायलंड, थालकोना आणि सालेमसह अनेक ठिकाणी पूर्ण झालं आहे. मात्र, चित्रपटाला अद्याप सेन्सॉरकडून प्रमाणपत्र मिळालेले नाही. विशेष म्हणजे, विजय यांचा अखेरचा चित्रपट 'जन नायगन' च्याही सेन्सॉर प्रक्रिया अद्याप पूर्ण झालेल्या नाहीत आणि चित्रपटाच्या रिलीज डेटची प्रतीक्षा आहे. काही रिपोर्टनुसार, 'जन नायगन' जूनच्या मध्यात प्रदर्शित होऊ शकतो. मात्र, निर्मिती संस्था केविन प्रॉडक्शन(KVN Productions) यांनी याबाबत अद्याप अधिकृत घोषणा केलेली नाही.