मुंबई : १९६५ ते १९७० या काळात जन्मलेल्या ‘झेन एक्स’ पिढीतील अनेक सेलिब्रिटींनी ‘मिलेनियल्स’चे चित्रपट, मालिका आणि संगीताच्या माध्यमातून मनोरंजन केले. आता हेच लोकप्रिय चेहरे रिअॅलिटी शोच्या माध्यमातून ‘झेन झी’ पिढीचे मनोरंजन करण्यासाठी सज्ज झाले आहेत. (Upcoming Reality Shows)
कोण आहेत हे सेलिब्रिटी ?
पाहिलं नाव आहे माधुरी दीक्षित. तिने आपल्या अभिनय आणि नृत्याने अनेक वर्षे प्रेक्षकांच्या मनावर अधिराज्य केलं. आता ही सर्वांची लाडकी ‘धकधक गर्ल’ ‘कोण होणार करोडपती’ या शोचे सूत्रसंचालन करणार आहे. शोची नोंदणी सुरू झाली असून लवकरच तो प्रेक्षकांच्या भेटीला येणार आहे. (Upcoming Reality Shows)
आजकाल ऑनलाइन जेवण मागवणे जितके सोपे झाले आहे, तितकेच त्यात फसवणुकीचे प्रकारही वाढले आहेत. उत्तराखंडमधून एक असाच धक्कादायक प्रकार समोर आला आहे, जिथे ...
दुसरं नाव आहे सलमान खान. सलमान गेल्या अनेक वर्षांपासून ‘बिग बॉस’चे सूत्रसंचालन करत आहे. आता तो ‘बिग बॉस २०’ घेऊन येत असून हा शो ६ सप्टेंबर २०२६ पासून सुरू होणार आहे.
मराठी मनोरंजनसृष्टीतील लोकप्रिय आदेश बांदेकर म्हणजेच महाराष्ट्राचे ‘भावोजी’ ‘होम मिनिस्टर’मुळे म्हणून घराघरात पोहोचले. २०२४ मध्ये बंद झालेला हा शो तब्बल दोन वर्षांनंतर ३१ ऑगस्ट २०२६ पासून पुन्हा सुरू होणार आहे.
या सगळ्यांसोबतच एक डबल धमाकाही प्रेक्षकांच्या भेटीला येतोय. संगीतविश्वातील धुरंधर अवधूत गुप्ते आणि वैशाली सामंत यांनी ‘सारेगमप’च्या अनेक पर्वांमध्ये परीक्षकाची भूमिका बजावली आहे. आता दोघेही नव्या पर्वासह पुन्हा प्रेक्षकांच्या भेटीला येणार असून ‘सारेगमप’चा नवा सीझन २२ ऑगस्ट २०२६ पासून सुरू होत आहे. (Upcoming Reality Shows)
अशाप्रकारे जुन्या पिढीच्या मनावर अधिराज्य गाजवणे हे लोकप्रिय चेहरे आता नव्या पिढीलाही रिअॅलिटी शोच्या माध्यमातून आकर्षित करण्यासाठी नव्या उमेदीनं सज्ज झाले आहेत. (Upcoming Reality Shows)