मुंबई : मुंबईत सध्या डेंग्यूच्या रुग्णांमध्ये वाढ होत असताना मनोरंजनविश्वातील काही अभिनेत्रीही या आजाराच्या विळख्यात सापडल्या आहेत. अभिनेत्री स्वरा भास्कर, अविका गौर आणि श्वेता तिवारी यांच्यानंतर आता ज्येष्ठ अभिनेत्री पूनम ढिल्लोंलाही डेंग्यूची लागण झाल्याची माहिती समोर आली आहे. तिच्यावर मुंबईतील लीलावती रुग्णालयात उपचार सुरू असल्याचे सांगितले जात आहे. (Poonam Dhillon)
पूनम ढिल्लोंने आपल्या अभिनय कारकिर्दीची सुरुवात १९७८ मध्ये प्रदर्शित झालेल्या ‘त्रिशूल’ या चित्रपटातून केली. त्यानंतर ‘नूरी’ चित्रपटात मुख्य भूमिका मिळाली. १९७९ मध्ये प्रदर्शित झालेल्या या चित्रपटाने पूनमच्या कारकिर्दीला मोठी कलाटणी दिली. ‘नूरी’मधील तिच्या अभिनयामुळे ती अल्पावधीतच प्रेक्षकांमध्ये लोकप्रिय झाली. (Poonam Dhillon)
मुंबई : १९६५ ते १९७० या काळात जन्मलेल्या ‘झेन एक्स’ पिढीतील अनेक सेलिब्रिटींनी ‘मिलेनियल्स’चे चित्रपट, मालिका आणि संगीताच्या माध्यमातून मनोरंजन ...
यानंतर पूनम ढिल्लोंने अनेक गाजलेल्या चित्रपटांमध्ये काम केले. ‘दर्द’, ‘रेड रोज’, ‘निशान’, ‘रोमांस’, ‘सोहनी महिवाल’, ‘तेरी मेहरबानियां’, ‘समुंदर’, ‘कर्मा’, ‘नाम’, ‘एक चादर मैली सी’ आणि ‘मालामाल’ हे काही उल्लेखनीय चित्रपटांपैकी आहेत. पडद्यावर राजेश खन्ना आणि पूनम ढिल्लों यांची जोडीही प्रेक्षकांच्या पसंतीस उतरली होती. ‘दर्द’, ‘निशान’, ‘जमाना’ आणि ‘आवाम’ या चित्रपटांमध्ये दोघांनी एकत्र काम केले.
चित्रपटांव्यतिरिक्त पूनम ढिल्लोंने टेलिव्हिजन आणि थिएटरमध्येही आपला ठसा उमटवला आहे. २०१३ मध्ये ती ‘एक नई पहचान’ या मालिकेत दिसली होती. याशिवाय २००९ मध्ये ‘बिग बॉस ३’मध्येही तिने सहभाग घेतला व त्या पर्वाची उपविजेती झाली. (Poonam Dhillon)
दरम्यान, डेंग्यूची लागण झाल्यानंतर पूनम ढिल्लोंला रुग्णालयात दाखल करण्यात आल्याची माहिती समोर आली असून, तिच्या प्रकृतीबाबतच्या अधिकृत अपडेटची प्रतीक्षा आहे. (Poonam Dhillon)