IPL Trade Bomb Hardik Pandya : हार्दिक पांड्या CSK मध्ये जाणार? शिवम दुबे-अयुष म्हात्रेच्या बदल्यात मोठ्या ट्रेडची चर्चा

मुंबई : आयपीएलच्या (IPL) आगामी हंगामापूर्वी क्रिकेटविश्वात एका मोठ्या ट्रेडची जोरदार चर्चा रंगली आहे. मुंबई इंडियन्सचा (MI) कर्णधार हार्दिक पांड्या याच्या भविष्याबाबत अनेक तर्क-वितर्क लावले जात असतानाच आता चेन्नई सुपर किंग्स (CSK) आणि मुंबई इंडियन्स यांच्यात ऐतिहासिक खेळाडू अदलाबदलीची शक्यता व्यक्त केली जात आहे. भारताचा माजी क्रिकेटपटू Subramaniam Badrinath याने या संभाव्य ट्रेडबाबत मोठं विधान करत चाहत्यांमध्ये खळबळ उडवून दिली आहे.

या हंगामात मुंबई इंडियन्सची कामगिरी अत्यंत निराशाजनक राहिली. रोहित शर्माच्या जागी हार्दिक पांड्याकडे कर्णधारपद सोपवल्यानंतर संघातील वातावरण, चाहत्यांची नाराजी आणि सातत्याने होणारी टीका यामुळे फ्रँचायझीवर मोठा दबाव निर्माण झाला होता. संघाला गुणतालिकेत खालच्या स्थानावर समाधान मानावे लागल्याने हार्दिकच्या नेतृत्वावर प्रश्नचिन्ह उपस्थित करण्यात आले.

Vaibhav Sooryvanshi : वैभव सूर्यवंशीबाबत मोठी अफवा! ३० कोटी आणि आलिशान फ्लॅटच्या चर्चांवर ललित मोदींचं स्पष्ट उत्तर

IPL 2026 : आयपीएल २०२६ मध्ये आपल्या तुफानी फलंदाजीने सगळ्यांचं लक्ष वेधून घेणारा युवा फलंदाज वैभव सुर्यवंशी पुन्हा चर्चेत आला आहे. सोशल मीडियावर एक पोस्ट ...

याच पार्श्वभूमीवर सुब्रमण्यम बद्रीनाथने आपल्या यूट्यूब चॅनेलवर एक धक्कादायक ट्रेड सुचवला आहे. त्याच्या मते, मुंबई इंडियन्सने हार्दिक पांड्याला चेन्नई सुपर किंग्सकडे पाठवून त्याच्या बदल्यात शिवम दुबे आणि युवा फलंदाज आयुष म्हात्रे यांना आपल्या संघात सामील करून घ्यावे. बद्रीनाथ म्हणाला की, “हा ट्रेड दोन्ही संघांसाठी फायदेशीर ठरू शकतो. मुंबईला एक दमदार फिनिशर आणि भविष्यातील स्टार खेळाडू मिळेल, तर चेन्नईला अनुभवी अष्टपैलू आणि नेतृत्व करू शकणारा खेळाडू मिळेल.”

CSK च्या कर्णधारपदावरही या ट्रेडमुळे मोठा परिणाम होऊ शकतो, अशी चर्चा सुरू झाली आहे. सध्या ऋतुराज गायकवाडकडे नेतृत्वाची धुरा असली तरी हार्दिक पांड्या संघात आल्यास कर्णधारपदाचे समीकरण बदलू शकते. बद्रीनाथच्या मते, हार्दिकचे एमएस धोनीसोबत चांगले संबंध आहेत आणि त्याच्यात अजून काही हंगाम सर्वोच्च स्तरावर खेळण्याची क्षमता आहे. त्यामुळे चेन्नईने त्याला भविष्यातील कर्णधार म्हणूनही पाहू शकते.

BCCI : IPL मध्ये आता स्मार्ट सनग्लासेसवरही बंदी! बीसीसीआयचा मोठा निर्णय; माहिती लीक होण्याची भीती

मुंबई : भारतीय क्रिकेट नियामक मंडळ म्हणजेच बीसीसीआयने आयपीएल दरम्यान खेळाडू आणि सामना अधिकाऱ्यांसाठी स्मार्ट सनग्लासेसच्या वापरावर बंदी घातली आहे. ...

दरम्यान, काही वृत्तांनुसार मुंबई इंडियन्स फ्रँचायझी हार्दिक पांड्यासोबत पुढे जाण्याबाबत साशंक असल्याचेही सांगितले जात आहे. संघातील अंतर्गत वातावरण आणि मैदानावरील कामगिरी लक्षात घेता व्यवस्थापन नव्या पर्यायांचा विचार करत असल्याची चर्चा रंगली आहे.

जर हा ट्रेड प्रत्यक्षात झाला, तर तो आयपीएल इतिहासातील सर्वात मोठ्या आणि चर्चित खेळाडू अदलाबदलींपैकी एक ठरू शकतो. मुंबईला शिवम दुबेच्या रूपाने स्फोटक फलंदाज आणि आयुष म्हात्रेसारखा युवा मुंबईकर खेळाडू मिळेल, तर चेन्नईला हार्दिकसारखा अनुभवी मॅचविनर आणि संभाव्य कर्णधार मिळू शकतो. आता या चर्चांना प्रत्यक्ष व्यवहाराचे रूप मिळते का, याकडे संपूर्ण क्रिकेटविश्वाचे लक्ष लागले आहे.