लातूर : देशभरात खळबळ उडवून देणाऱ्या NEET परीक्षा पेपरफुटी प्रकरणातील धागेदोरे आता लातूरमध्ये अधिकच मजबूत होताना दिसत आहेत. या प्रकरणाचा सखोल तपास करण्यासाठी केंद्रीय अन्वेषण विभागाचे (CBI) पथक गेल्या अनेक दिवसांपासून लातूरमध्ये तळ ठोकून आहे. मंगळवारी सीबीआयने या प्रकरणाशी संबंधित आणखी एका डॉक्टरची चौकशी केली. यासोबतच शिवराज मोटेगावकर आणि पी. व्ही. कुलकर्णी यांच्या बॅचमध्ये शिकलेल्या विद्यार्थ्यांचीही चौकशी करण्यात येत आहे. या तपासादरम्यान अनेक धक्कादायक बाबी समोर येत आहेत.
मुंबई : मध्य रेल्वेच्या (Central Railway) उपनगरीय आणि प्रमुख स्थानकांवर मिळणारे लोकप्रिय स्नॅक्स आणि खाद्यपदार्थ १ जून २०२६ पासून महाग होणार आहेत. दररोज लाखो ...
तपासात समोर आलेल्या माहितीनुसार, आरसीसी क्लासेसचा संचालक शिवराज मोटेगावकर आणि एनटीएमधील केमिस्ट्री विषयाचा पेपर सेटर पी. व्ही. कुलकर्णी यांनी NEET परीक्षेचा पेपर विद्यार्थी आणि त्यांच्या पालकांना लाखो रुपयांत विकल्याचा आरोप आहे. सीबीआयच्या हाती लागलेल्या आर्थिक व्यवहारांच्या नोंदींमधून अनेक पालकांनी मोटेगावकर आणि कुलकर्णी यांच्या खात्यांमध्ये मोठ्या प्रमाणात रक्कम हस्तांतरित केल्याचे स्पष्ट झाले आहे. या व्यवहारांचे डिजिटल पुरावे तपास यंत्रणेकडे उपलब्ध झाले आहेत.
मुंबई : बाजारात खाद्यतेल (Cooking Oil) खरेदी करताना अनेकदा ग्राहकांची वजन आणि किंमतीबाबत दिशाभूल होत असल्याच्या तक्रारी समोर येत असतात. सध्या विविध ...
सीबीआयच्या प्राथमिक तपासात पी. व्ही. कुलकर्णी आणि शिवराज मोटेगावकर यांनी मिळून NEET परीक्षेचा पेपर तब्बल १०ते १२ लाख रुपयांना विकल्याचा धक्कादायक खुलासा झाला आहे. या व्यवहारांशी संबंधित ऑनलाईन ट्रान्झॅक्शनचे भक्कम पुरावे तपास यंत्रणेला मिळाले आहेत. विशेष म्हणजे, ज्यांनी हा पेपर खरेदी केला त्या काही पालकांनी पुढे आपल्या नातेवाईकांना आणि परिचितांना २ ते १० लाख रुपयांच्या मोबदल्यात तोच पेपर विकल्याची माहितीही समोर आली आहे. तपासात शहरातील काही नामांकित डॉक्टरांनी आपल्या मित्रांच्या आणि जवळच्या व्यक्तींच्या मुलांपर्यंत हा पेपर पोहोचवल्याचेही उघड झाले आहे.
ऑनलाईन व्यवहारांमुळे आरोपी अडचणीत
या संपूर्ण प्रकरणात डिजिटल व्यवहार आरोपींसाठी मोठी अडचण ठरत आहेत. अनेक पालकांनी पेपर खरेदीसाठी लागणारी रक्कम थेट ऑनलाईन पद्धतीने ट्रान्सफर केली होती. त्यामुळे प्रत्येक व्यवहाराची नोंद उपलब्ध असून सीबीआयला तपासासाठी महत्त्वाचे पुरावे मिळाले आहेत. काही पालकांनी आपल्या पत्नींच्या किंवा मुलांच्या बँक खात्यांमधून थेट प्रा. कुलकर्णी आणि शिवराज मोटेगावकर यांच्या खात्यावर पैसे पाठवले होते. या सर्व आर्थिक व्यवहारांची सध्या सखोल पडताळणी सुरू आहे.
नवी दिल्ली : देशात अवैध घुसखोरी आणि इतर अप्राकृतिक कारणांमुळे होत असलेल्या लोकसंख्येतील बदलांचा सखोल अभ्यास करण्यासाठी केंद्र सरकारने (Central Government) ...
दरम्यान, लातूर शहरातील नामांकित रुग्णालयांशी संबंधित पाच डॉक्टरांची सीबीआयने चौकशी केली आहे. यापैकी चार डॉक्टरांच्या मुलांनी यंदाची NEET परीक्षा दिली होती. स्वतःचा वैद्यकीय व्यवसाय पुढे चालवण्यासाठी आपल्या मुलांनी डॉक्टर व्हावे, या इच्छेपोटी काही डॉक्टरांनी पेपर खरेदी केला असावा, असा संशय तपास यंत्रणेला आहे.
याशिवाय, ज्या विद्यार्थ्यांनी परीक्षा दिली त्यांच्याकडून आणलेल्या प्रश्नपत्रिका जप्त करण्यात येत आहेत. कोचिंग क्लासमध्ये विद्यार्थ्यांनी लिहून ठेवलेले प्रश्न आणि प्रत्यक्षात फुटलेले प्रश्न यांची तुलना करण्यासाठी विद्यार्थ्यांच्या वैयक्तिक नोट्सही सीबीआयने ताब्यात घेतल्या आहेत. NEET पेपरफुटी प्रकरणातील संपूर्ण रॅकेट उघड करण्यासाठी सीबीआयचे पथक सध्या लातूरमध्ये कसून तपास करत असून येत्या काळात आणखी मोठे खुलासे होण्याची शक्यता व्यक्त केली जात आहे.