मुंबई : मराठी चित्रपटसृष्टीतील प्रसिद्ध व लोकप्रिय अभिनेता गश्मीर महाजनी सध्या आपल्या नव्या सोशल मीडिया पोस्टमुळे प्रचंड चर्चेत आला आहे. गश्मीरने नुकतेच त्याचे काही स्टायलिश आणि डॅशिंग फोटो सोशल मीडियावर शेअर केले आहेत, ज्यांना चाहत्यानी मोठ्या प्रमाणात पसंत केले आहे . या फोटोंमध्ये गश्मीर डोंगराळ भागातील एका रस्त्यावर बॅकपॅक आणि ट्रॅव्हल लूकमध्ये बसलेला दिसून येत आहे. हे फोटो शेअर करताना त्याने कॅप्शनमध्ये ‘स्वामींच्या आशीर्वादाने पुन्हा एकदा नव्या पर्वाची सुरुवात …. लवकरच’, असे लिहिले आहे.
मुंबई : बॉलिवूडमधील (Bollywood) सुपरस्टार्सच्या मानधनाचे आकडे दिवसेंदिवस गगनाला भिडत असताना त्यांच्या बँक खात्यांमध्ये कोट्यवधी रुपयांची भर पडत आहे. मात्र, ...
त्याच्या या सूचक कॅप्शनमुळे गश्मीर महाजनी लवकरच एका मोठ्या आणि नव्या प्रोजेक्टमधून प्रेक्षकांच्या भेटीस येत असल्याचे स्पष्ट होत आहे. गश्मीरने यापूर्वी सुपरहिट ठरलेल्या ‘देऊळ बंद’ या मराठी चित्रपटात मुख्य भूमिका साकारून प्रेक्षकांच्या मनावर अधिराज्य गाजवले होते. ‘देऊळ बंद’ चित्रपटातील राघव या त्याच्या शास्त्रज्ञाच्या भूमिका आणि अभिनयाला प्रेक्षकांनी भरभरून प्रेम आणि दाद दिली होती.आता गश्मीरच्या या नव्या पोस्टमुळे तो कुठल्या नवीन भूमिकेत येणार आहे याची चाहत्याना उत्सुकता लागली आहे.