India - Sweden Bilateral Talks : पंतप्रधान मोदींची स्वीडनच्या पंतप्रधानांसोबत द्विपक्षीय चर्चा

नवी दिल्ली : पंतप्रधान नरेंद्र मोदी (PM Narendra Modi) यांनी स्वीडनमधील गॉथेनबर्ग येथे पंतप्रधान महामहीम उल्फ क्रिस्टरसन यांच्यासोबत द्विपक्षीय (India - Sweden Bilateral Talks) चर्चा केली. स्वीडनच्या राजकुमारी क्राउन प्रिन्सेस व्हिक्टोरिया यांनीही या बैठकीत भाग घेतला आणि महामहीम राजे कार्ल सोळावे गुस्ताफ आणि राणी सिल्व्हिया यांच्या वतीने हार्दिक शुभेच्छा दिल्या. पंतप्रधान मोदी यांनी महामहीम राजांच्या ८०व्या वाढदिवसानिमित्त त्यांना हार्दिक शुभेच्छा दिल्या.


दोन्ही नेत्यांनी भारत-स्वीडन संबंधांच्या (India - Sweden Bilateral Talks) सर्व पैलूंचा आढावा घेतला आणि व्यापार व गुंतवणूक, नवोन्मेष, हरित संक्रमण, उदयोन्मुख तंत्रज्ञान, संरक्षण आणि सुरक्षा, डिजिटलायझेशन, लघु आणि मध्यम उद्योग, अंतराळ, संशोधन, शिक्षण, संस्कृती आणि दोन्ही देशांमधील परस्पर संबंध या क्षेत्रांमधील द्विपक्षीय संबंधांना चालना मिळत असल्याबद्दल समाधान व्यक्त केले. सामायिक लोकशाही मूल्यांवर आधारित आणि नवोन्मेष, शाश्वतता व संशोधन आणि विकास या क्षेत्रांमधील परस्पर-संबंधांनी अधिकाधिक वृद्धिंगत होणारे हे द्विपक्षीय संबंध अधिक दृढ करण्याच्या त्यांच्या सामायिक वचनबद्धतेचा त्यांनी पुनरुच्चार केला. या विस्तारत चाललेल्या भागीदारीला दिशा देण्यासाठी नियमित उच्च-स्तरीय राजकीय सहभाग आणि संस्थात्मक संवाद राखण्याच्या महत्त्वावर त्यांनी भर दिला.



भारत-स्वीडन नातेसंबंध (India - Sweden Bilateral Talks) धोरणात्मक भागीदारीच्या पातळीवर नेण्यावर दोन्ही नेत्यांचे एकमत झाले. ही धोरणात्मक भागीदारी स्थैर्य आणि सुरक्षेसाठी धोरणात्मक संवाद; पुढील पिढीची आर्थिक भागीदारी; उदयोन्मुख तंत्रज्ञान आणि विश्वासार्ह संपर्कव्यवस्था; आणि उद्याच्या भविष्याला एकत्र आकार देणे – लोक, ग्रह, आरोग्य आणि लवचिकता या चार स्तंभांद्वारे मार्गदर्शित असेल. या धोरणात्मक भागीदारीची अंमलबजावणी करण्यासाठी, राजकीय, आर्थिक, तांत्रिक, सुरक्षा, हवामान आणि दोन्ही देशांतील जनतेमधील परस्पर संबंधांच्या क्षेत्रातील सहकार्यासाठी एक व्यापक आराखडा प्रदान करणाऱ्या, 'भारत-स्वीडन संयुक्त कृती योजना २०२६ - २०३०' (India-Sweden Joint Action Plan 2026-2030) चा दोन्ही नेत्यांनी स्वीकार केला.


अलीकडेच पूर्ण झालेल्या भारत-युरोपीय संघ मुक्त व्यापार कराराने आर्थिक आणि व्यावसायिक संबंधांमध्ये एक नवीन अध्याय सुरू केला असल्याचे दोन्ही नेत्यांनी अधोरेखित केले, तसेच व्यापार, गुंतवणूक आणि तंत्रज्ञान जोडणी अधिक दृढ करण्यासाठी या कराराच्या लवकरात लवकर अंमलबजावणीसाठीचे प्रयत्न सुरू ठेवण्यावर त्यांनी सहमती दर्शवली. (India - Sweden Bilateral Talks)



पंतप्रधान मोदी (India - Sweden Bilateral Talks) यांनी नवोन्मेष, स्वच्छ तंत्रज्ञान, प्रगत उत्पादन, शाश्वत गतिशीलता आणि डिजिटल परिवर्तनासह धोरणात्मक क्षेत्रांमध्ये स्वीडनने भारतासोबत सातत्याने ठेवलेल्या संपर्काचे कौतुक केले. स्वीडनचे पंतप्रधान क्रिस्टरसन यांनी डिजिटल परिवर्तन आणि आर्टिफिशियल इंटेलिजन्सच्या क्षेत्रात भारताने घेतलेल्या गरुडझेपेचे कौतुक केले. स्वीडनची अर्थव्यवस्था आणि नवोन्मेष परिसंस्थेमध्ये भारतीय समुदायाच्या सकारात्मक योगदानाचाही त्यांनी प्रामुख्याने उल्लेख केला. पंतप्रधान मोदी यांनी भारताच्या विकास प्रवासात स्वीडनला आणखी मोठ्या प्रमाणावर सहभागी होण्याचे आमंत्रण दिले.


v




दोन्ही नेत्यांनी परस्पर हितसंबंधांच्या प्रमुख प्रादेशिक आणि जागतिक मुद्द्यांवरही विचारांची (India - Sweden Bilateral Talks) देवाणघेवाण केली. त्यांनी संयुक्त राष्ट्र आणि इतर बहुपक्षीय संस्थांमध्ये सुधारणा करण्याच्या निकडीवर भर दिला. दहशतवादाविरुद्धच्या लढ्यात स्वीडनने दिलेल्या खंबीर पाठिंब्याबद्दल पंतप्रधान मोदी यांनी स्वीडनचे आभार मानले. दोन्ही नेत्यांनी शांतता, स्थैर्य, लवचिक पुरवठा साखळी आणि शाश्वत आर्थिक विकासाला चालना देण्याच्या त्यांच्या वचनबद्धतेचा पुनरुच्चार केला.

Comments
Add Comment

Uttar Pradesh Road Accident : उत्तर प्रदेशामध्ये ट्रक-मॅजिकच्या धडकेत १० जणांचा मृत्यू

लखनौ : येथील लखीमपूर खेरी येथे सोमवारी सकाळी साडेसात वाजण्याच्या सुमारास झालेल्या भीषण रस्ते अपघातात १० जणांचा

Jammu Kashmir Drug Case : पंजाबनंतर आता जम्मू-काश्मीर ड्रग्जचे नवे हॉटस्पॉट! १३ लाखांहून अधिक युवक ड्रग्जच्या आहारी

जम्मू काश्मीर : पंजाबनंतर आता जम्मू-काश्मीर अंमली पदार्थांच्या विळख्यात (Jammu Kashmir Drug Case) अडकत असल्याचे धक्कादायक

India Population : अधिक मुले जन्माला घाला, सरकारकडून मिळणार आर्थिक मदत; पण वाढत्या लोकसंख्येमुळे निर्माण होणार नवे प्रश्न

आंध्र प्रदेश : आंध्र प्रदेशचे मुख्यमंत्री एन. चंद्रबाबू नायडू (N. Chandrababu Naidu) यांनी राज्यातील घटता जन्मदर रोखण्यासाठी

Sasaram-Patna Passenger Train Catches Fire : सासाराम-पाटणा पॅसेंजरच्या डब्याला पहाटे भीषण आग, प्लॅटफॉर्मवर उडाली एकच धावपळ!

बिहार : बिहारमधील सासाराम जंक्शन रेल्वे स्थानकावर आज पहाटे एक मोठी दुर्घटना टळली. सासारामहून पाटण्याकडे

ICEYE भारतात उपग्रह उत्पादन सुरू करणार

नवी दिल्ली : अंतराळ-आधारित गुप्तचर क्षेत्रातील जगातील आघाडीची कंपनी 'आय-साय' (ICEYE) पुढील एका वर्षात भारतात आपले

Fire : रतलामजवळ राजधानी एक्सप्रेसला आग

रतलाम : तिरुवनंतपुरम-हजरत निजामुद्दीन राजधानी एक्सप्रेसला (गाडी क्रमांक १२४३१) मध्य प्रदेशातील रतलाम जिल्ह्यात